VW fækkar bílum með handskipta gírkassa

Volkswagen Group byrjar að fækka bílum með handskipta gírkassa

Næsta kynslóð Tiguan og Passat árið 2023 mun ekki bjóða upp á handskiptingu

Autoblog-vefurinn fjallar um minnkandi hlutfall handskiptra gírkassa í bílum og segir:

Upphafið að endalokum handskiptra gírkassa hófst fyrir meira en áratug; hlutfall handskiptra gírkassa í flotanum var orðið það lítið árið 2010 að tímaritið Car & Driver hóf herferðina „Save the Manuals“ í júlí það sama ár.

Núna greinir Auto Motor und Sport frá því að Volkswagen mun byrja að draga verulega úr framboði á handskiptingum eftir tvö ár. AMS segir að þriðja kynslóð Tiguan, sem búist er við að komi árið 2023, verði ekki boðin með handskiptingu í neinni gerð og nýja Passat-línan sem kemur sama ár mun ekki heldur bjóða upp á handskipta valkosti.

Þegar Volkswagen stefnir að því markmiði sínu að ná 70% af sölu rafknúinna ökutækja fyrir árið 2030 og selja eingöngu rafbíla í Evrópu árið 2035, mun sparnaður við að kasta út handskiptingunni spara þróunarkostnað, sem kemur sér vel, því að þróa rafbíla er ótrúlega dýrt.

Fleiri munu fylgja á eftir

Greinin í Auto Motor und Sport nefnir aðeins Volkswagen vörumerkið og tilgreinir evrópskan, bandarískan og kínverskan markað, en samkvæmt því sem Autoblog skrifar er óhætt að gera ráð fyrir að þetta verði um allt.

Undirmerki VW-samstæðunnar, Seat og Skoda selja endurgerðir Volkswagen-bíla þannig að þegar skrúfað er fyrir „hefðbundinn gírkassakrana“ verður það einnig svo hjá þeim.

Handskiptingar eru settar upp til að vinna með brunahreyflum og Audi hefur þegar sagt að hætt sé að þróa nýjar gerðir brunahreyfla.

Lamborghini, Bentley og Bugatti eru ekki í handskiptingum. Þetta skilur þá eftir atvinnubíla og þunga vörubíla frá Man og Scania. Stórir bílar eru þegar að skipta yfir í sjálfskipta gírkassa og þegar I.D. Buzz sendibíllinn kemur, verður jafnvel hinn algengi vinnubíll að fara sömu leið og fólksbílarnir. En eins og Autoblog segir: „Fyrir okkur sem enn elskum að skipta með höndunum virðist Porsche vera eina von okkar.“

Aðeins lítið hlutfall bíla með handskiptingu í Bandaríkjunum

Hinum megin í heiminum sagði Drive í Ástralíu að heimildir sínar „benda til þess að tímalínan sem fram kemur í Auto Motor und Sport greininni sé nákvæm,“ en talsmaður VW í Ástralíu bætti við: „Við erum nokkuð langt á veg komnir hér, handskiptingar eru aðeins lágt hlutfall af heildarsölu.”

Að sögn Edmunds, af 327 bílategundum sem seldar voru í Bandaríkjunum á síðasta ári, bauð 41 bíll upp á handskiptingu eða 13%.

Raunverulegt hlutfall er miklu lægra; CarMax, stærsti söluaðili notaðra bíla í Bandaríkjunum, sagði í fyrra að sala þeirra á handskiptum bílum væri aðeins 2,4% af heildarsölu. Árið 2019 sagði Toyota að aðeins 1% kaupenda Corolla veldi handskiptingu.

Autoblog lýkur umfjöllun sinni á því að segja „að stærðfræðin muni sýna hvers vegna ökumenn handskiptra bíla munu brátt búa í hellum sem upplýstir eru með blysum“.