Veturinn er rafmagnaður hjá Heklu!

Veturinn er rafmagnaður hjá Heklu!

Núna á laugardaginn, 14. janúar næstkomandi, blæs Hekla til rafmagnaðrar vetrarsýningar að Laugavegi 174 á milli klukkan 12 og 16.

Árið 2023 verður viðburðarríkt fyrir Heklu sem fagnar meðal annars 90 ára afmæli. Á sýningunni verður lögð áhersla á rafmagnsbíla og allt sem viðkemur hleðslulausnum.

Fjölbreytt úrval rafbíla verður til sýnis, má þar nefna Skoda Enyaq sem fengið hefur frábærar viðtökur hér á landi og hefur fest sig í sessi sem einn mest seldi rafmagnsbíll landsins og fæst í ýmsum útfærslum.

ID fjölskylda Volkswagen hefur vakið mikla athygli og fer ört stækkandi og inniheldur nú fimm tegundir, nýlega bættust við ID.5 og ID.Buzz, sem leysir gamla rúgbrauðið af hólmi, sem margir eiga svo góðar minningar um.

Einn af ID fjölskyldunni, atvinnubíllinn ID.Buzz Cargo, var nýlega valinn alþjóðlegur sendibíll ársins 2023.

Hinn glæsilegi Audi e-tron 55 verður á sýningunni, en nokkrir bílar eru til á lager sem hægt er að fá afhenta á næstu dögum.

Audi Q4 sem fengið hefur góðar viðtöku á Íslandi verður á staðnum auk flaggskipsins e-tron GT.

Að auki verður hinn vinsæli Mitsubishi Eclipse Cross á svæðinu sem var mest seldi tengiltvinn bíll á Íslandi árið 2022.

Gestum og gangandi verður boðið upp á ljúffengan ís frá Valdísi og rjúkandi kaffi frá Te og kaffi.

Starfsfólk Heklu kynnir og veitir ráðgjöf um allt það nýjasta í hleðslustöðvum sem henta rafbílum, auk fulltrúa frá Ísorku og ON.

„Hekla hefur verið leiðandi umboð í sölu á vistvænum bílum síðastliðinn áratug, það er okkur fagnaðarefni að geta boðið upp á þetta úrval rafmagnsbíla frá okkar framúrskarandi  vörumerkjum.

Þetta er stórt ár fyrir Heklu því auk 90 ára afmælis eru einnig liðin 70 ár frá því að Hekla hóf innflutning á bílum frá Volkswagen.

Þetta verður því spennandi ár fyrir okkur og margt áhugavert framundan sem vert er að fylgjast með.

Við hlökkum mikið til að fá fólk til okkar á laugardaginn, við lofum góðum móttökum og eðalveitingum,“ segir Björn Víglundsson framkvæmdastjóri sölusviðs.

Það er sannarlega þess virði að koma við hjá Heklu á laugardaginn!

(Fréttatilkynning frá Heklu)