Upphaf framleiðslu á nýjum Opel Insignia í Rüsselsheim

Upphaf framleiðslu á nýjum Opel Insignia í Rüsselsheim

Rüsselsheim. Framleiðsla á nýju flaggskipi Opel er formlega hafin. Framleiðslan hófst að þeim Udo Bausch, borgarstjóra Rüsselsheim, og Michael Lohscheller forstjóra Opel viðstöddum og í kjölfarið rúllaði fyrsta eintakið af hinum nýja Insignia – „Sports Tourer“ í stálgráum lit af framleiðslulínunni í verksmiðjunni í höfuðstöðvum Opel.

„Í dag er góður dagur fyrir Rüsselsheim. Við hlökkum til nýju Insignia. Bíllinn mun veita okkur nýjan skriðþunga með framúrskarandi tækni og skilvirkum vélum.

Vegna nýja Insignia og framtíðargerðum sem við munum koma með til Rüsselsheim getur verksmiðjan horft fram á góða framtíð sem staður fyrir framleiðslu á ofur-nútímalegum ökutækjum – bæði með skilvirkum brunavélum og rafmagni, “sagði Michael Lohscheller forstjóri Opel.

Eins og þegar hefur verið tilkynnt mun verksmiðjan í Rüsselsheim framleiða hinn nýja Opel Astra og einnig aðra gerð fyrir vörumerki innan Groupe PSA og DS Automobiles auk Opel Insignia frá og með 2021.

Bæði næsta kynslóð Astra og gerðin frá DS Automobiles verða byggð á nútímalegum Groupe PSA EMP2 grunni, sem einnig hentar fyrir rafbílaframleiðslu.

Flaggskip Opel

„Við erum ánægð með að framúrskarandi Opel flaggskip verður áfram framleitt hér. Þetta bætir nýtingu verksmiðjunnar og hjálpar til við að tryggja mjög hæf störf í Rüsselsheim. Árangurinn af umbreytingunni í átt að rafknúnum ökutækjum verður afgerandi fyrir framtíðina. Við viljum halda áfram að styðja fyrirtækið af öllum okkar styrk, “sagði Udo Bausch, borgarstjóri í Rüsselsheim am Main.

Nýi Opel Insignia er nútímalegri, öflugari og skilvirkari en nokkru sinni fyrr og hefur verið mögulegat að panta bílinn síðan í mars sem Grand Sport, Sports Tourer og GSi (169kW / 230hö, NEDC eldsneytisnotkun Grand Sport: þéttbýli 9,1 l / 100 km, utan þéttbýlis 5,8 l / 100 km, samanlagt 7,0 l / 100 km, 161 g / km CO2).

Insignia er í boði sem Grand Sport fólksbíll í „Business Edition“ búningi, og býður upp á eiginleika eins og þægindasæti, loftkælingu og Apple CarPlay og Android Auto-samhæfða margmiðlunar og leiðsögukerfi með 7 tommu litasnertiskjá. LED aðalljós tryggja bestu yfirsýn í akstri í myrkri.

Nýi Insignia er fyrsta gerð Opel sem býður aðeins upp á fullt LED kerfi ljósa. Aðstoðarkerfi eins og viðvörun við árekstur að framan með uppgötvun gangandi vegfarenda og sjálfvirkri neyðarhemlun og aksturshjálp eykur enn frekar öryggi farþega og vegfarenda.

Drifrásin byrjar með 90kW (122hö) 1,5 lítra túrbódísil (eldsneytisnotkun, fimm dyra, NEDC1: 5,0-4,5 l / 100 km þéttbýli; 4,0-3,3 l / 100 km utan þéttbýlis; 4,4-3,8 l / 100km, 115-99 g / km CO2 samanlagt. Nýja válaframboðið sem er sérstaklega skilvirkt, dregur ekki aðeins úr losun koltvísýrings. Viðskiptavinir Insignia geta einnig lækkað eldsneytisreikninginn enn frekar vegna sparneytni.