Tvær uppfærslur hjá Mercedes Benz

Tvær uppfærslur hjá Mercedes Benz

Mercedes EQB mun fá uppfærslu á árinu 2023

Uppfærður Mercedes GLB sést í prófunum

Nýlegar myndir sýna að Mercedes EQB sportjepplingurinn mun fá uppfærslu í ytra útliti fljótlega

Ekki er svo langt síðan Mercedes EQB kom á markað, eða árið 2021, en hann er nú þegar ein af elstu gerðum Mercedes í alrafmagns EQ línunni, svo endurnýjun er á kortunum að sögn Auto Express.

Ólíkt EQE og EQS jeppunum er EQB ekki sérsniðinn rafbíll.

Hann er byggður á MFA2 grunninum – hönnun sem einnig er undirstaða brunahreyfla bíla eins og GLB – sem mun einnig fá uppfærslu árið 2023.

Það hafa sést myndir af endurnýjuðum EQB í prófunum í almennum akstri á á þjóðvegum og lágmarks felulitir benda til þess að full opinberun gæti gerst einhvern tímann á þessu ári.

Eins og GLB, verður heildarbreytingum að utan haldið í lágmarki, en við gætum séð nokkrar stórar breytingar undir yfirborðinu.

Framhlið þessa prufubíls er með léttum felulitum en framljósin eru óbreytt frá því sem áður var. Lokaða grillið gæti fengið smá hönnunaráhrif frá nýrri EQE og EQS og við gætum séð endurmótuð loftinntök til hliðar.

Að aftan lítur bíllinn eins út, fyrir utan yfirbyggða ljósastikuna sem grunur er um að feli nýja LED ljósahönnun.

EQB notar sömu innri hönnun og GLB hliðstæða hans með brunahreyfli – eitthvað sem S-Class og svipað stór EQS, auk EQE og E-Class eiga ekki sameiginlegt. 11,9 tommu snertiskjárinn og 12,3 tommu stafrænt mælaborðið gæti komið frá nýja GLC, þó líklega sé líklegra að Mercedes haldi tvöföldum 10,25 tommu skjáum fyrir þessa uppfærslu.

Nýjasta MBUX upplýsinga- og afþreyingin mun vera með og verða uppfærð um ókomin ár, þrátt fyrir að nýtt MB.OS kerfi Mercedes komi árið 2024.

Sjö sæta rafbílar eru fáir en EQB mun halda áfram að bjóða upp á þetta til að keppa á móti Tesla Model Y og jafnvel væntanlegum Volkswagen ID.Buzz með lengra hjólhaf

Og líka Mercedes GLB

Mercedes kemur með uppfærslu á sínum fjölskylduvæna sjö sæta bíl fyrir árið 2023

Uppfærsla á miðjum aldri er að koma hjá Mercedes GLB og endanleg útfærsla gæti birst á næstu mánuðum.

Þegar hefur sést til bílsins í reynsluakstri í þróun á þýskum vegum og þrátt fyrir feluliti að framan og aftan má nú þegar sjá hvernig nýi bíllinn mun líta út.

Mercedes er að endurnýja mestan hluta sportjeppaframboðsins. Nýr GLC er nýkominn á markað, GLE andlitslyftingin var opinberuð fyrr á þessu ári og GLS er líka að fá andlitslyftingu árið 2023. Mercedes GLB, sem var kynntur árið 2019, er svolítið frávik í úrvali þýska fyrirtækisins, hann býður upp á sjö sæti þar sem dýrari GLC er aðeins fimm sæta.

Það er líka til rafknúin EQB útgáfa, sem mun fá uppfærslu á þessu ári, þrátt fyrir að rafbíllinn hafi verið settur á markað nýlega, eða árið 2021.

Framhlið andlitslyfta GLB sýnir nýja, einfaldari hönnun framljósa með aðeins einni dagljósarönd í hverjum hópi.

Stærð og lögun grillsins eru sú sama, en búast má við nýjum smáatriðum.

Það hefur sést til gerðar bílsins sem má telja að sé AMG Line-gerð í prófun sem fær væntanlega AMG-hannaðar fimm arma felgur, nýjan framenda með stærri loftinntökum og sérsniðinni grillhönnun.

Hliðarnar haldast óbreyttar frá gerðinni sem er á markaði í dag, en að aftan má sjá greinilega nýja afturljósahönnun með láréttum stikum í stað ferkantaðra ljósa.

Feluliturinn nær yfir skottlokið, það má ímynda sér að breytingar verði bundnar við afturljósin.

Það eru minni útblástursrör á þessari venjulegu gerð, þar sem AMG Line fær aðeins stærri sporöskjulaga púströr.

Í sumum Mercedes gerðum, eins og nýja S-Class og EQS, höfum við séð afbrigði af innri hönnun á milli brunahreyfla bílsins og rafknúinna hliðstæðu hans.

GLB og rafmagns EQB fengu sama innra skipulag og við gerum ráð fyrir að þetta haldi áfram með þessari uppfærslu á þessum bíl.

Síðan GLB kom á markað hefur Mercedes komið fram með nýjar útgáfur af svipaðri stærð GLC og C-Class.

Að innan nota þessir bílar nýjan 11,9 tommu uppréttan snertiskjá og 12,3 tommu stafrænt mælaborð – tækni sem hægt er að flytja yfir á GLB, með nýjustu MBUX upplýsinga- og afþreyingingarkerfi.

GLB verður áfram eins hagnýtur og áður, með sæti fyrir sjö.

Mercedes uppfærði A-Class árið 2022 og var aðalbreytingin að bæta við mildum blendingsvélum.

Líklegt er að GLB muni njóta góðs af þessari tækni líka fyrir árið 2023.

Það þýðir að upphafsstig GLB 200 ætti að vera með milda blendinga, 1,3 lítra, fjögurra strokka bensínvél með 161 hestöfl og 270 Nm togi.

Þar fyrir ofan verða væntanlega GLB 220 með Mercedes 4MATIC fjórhjóladrifskerfinu sem notar milda blendinga 2,0 lítra, fjögurra strokka vél sem dælir út 188 hestöfl og 300 Nm togi.

Dísilaflið kemur aftur í formi 2,0 lítra, fjögurra strokka vélar ásamt 48V rafmótor með 148 hestöfl í GLB 200 d og 188 hestöfl í 220 d. Á toppnum verður GLB 35 AMG með 302 hestöfl úr 2,0 lítra bensínvélinni með forþjöppu.

Í ljósi þess að það er alrafmagnaður EQB byggður á sama MFA2 grunni, ætti tengtvinnútgáfa af GLB líka að koma á einhverjum tímapunkti.

(fréttir og myndir á vef Auto Express)