Staðfest að nýr Volkswagen ID.5 coupe-sportjeppi komi í framleiðslu

Staðfest að nýr Volkswagen ID.5 coupe-sportjeppi komi í framleiðslu

Volkswagen ID.5 verður einbeittari útgáfa af ID.4 og nýtir sér vaxandi þróun í átt til coupe-sportjeppa

Auto Express virti frétt þess efnis að Volkswagen hafi staðfest að fyrirtækið muni brátt setja á markað hreinan rafknúinn sportjeppa, kallaðan ID.5. Nýja gerðin er þegar komin á stig forframleiðslu – og fullbúinn bíll á að fara í sölu seinni hluta þessa árs. Þegar hann kemur á markað mun ID.5 keppa við Citroen e-C4 og væntanlegan Kia CV.

Í meginatriðum mun Volkswagen ID.5 vera endurgerð útgáfa af ID.4, sem þýðir að hann verður byggður á sama MEB-grunni VW Group fyrir rafknúna bíla og hefur því aðgang að sama úrvali aflrása og rafhlöðu pakka.

Staðfestingin á stöðu smíði bílsins fyrir framleiðslu kom í síðustu viku í þýskum fjölmiðlum, en smíða á bilinn í Zwickau rafbílaverksmiðju VW í Þýskalandi, þar sem ID.3 og ID.4 eru einnig framleiddir.

Líkt og Volkswagen ID.4 mun fyrsta gerð af ID.5 líklega vera með 201 hestafla rafmótor sem er festur á afturöxul og 77kWh rafhlöðu. En vegna minni loftmótsstöðu bílsins gæti aksturssvið hans aukist miðað við 500 kílómetra svið ID.4.

Efst í ID.5 línunni verður öflugt GTX afbrigði, sem mun hafa sömu tveggja mótora, fjórhjóladrifnu aflrásina og Skoda Enyaq vRS. Þessi tækni er einnig í boði á ID.4 og er 302 hestöfl, sem dugar fyrir 0-100 km/klst á 6,2 sekúndum.

Einnig gæti Volkswagen einnig hleypt af stokkunum upphafsútgáfu af ID.5. Sá bíll myndi líklega vera með 52kWh rafhlöðu og annaðhvort 146 hestafla eða 168 hestafla rafmótor. Eins og ID.4 gæti 77kWh afbrigðið einnig verið fáanlegt með minna öflugum 177 hestafla mótor.

Njósnaraljósmyndarar hafa þegar komið auga á nýja Volkswagen ID.5 sem er í prófunum í Nurburgring. Þessi bíll endurspeglar mjög ID.Crozz hugmyndabílinn frá bílasýningunni í Frankfurt 2017 og deilir sömu hallandi afturrúðu og ferköntuðum afturhlera. Vindsleiðin á hugmyndabílnum er einnig til staðar.

Að framan er ID.5 með svipað útlit og ID.4, með kunnuglegum LED-ljósum og næstum eins stuðara. Hins vegar hefur róttækum rennihurðum hugmyndabílsins verðið kastað fyrir róða í framleiðslunni og B-stoðirnar hafa verið settar aftur í, líklegan til kostnaðarlækkunar og öryggis.

Að innan ætti ID.5 að vera eins og ID.4. Þegar við gægjumst í gegnum gluggana á þessum tilraunabíl, sjáum við að hann deilir sama mælaborði, stafrænum tækjaklasa og 10 tommu upplýsingakerfi og ID.4.

Kaupendur fá einnig nýjasta aukabúnað Volkswagen, svo sem vísun upplýsinga í sjónlínu ökumanns og nýtt ‘Hello ID’ raddstýringarkerfi.

Það má lesa á vefsíðum að ID.5 verði aðeins minna hagkvæmur en ID.4. Þaklínan mun líklega minnka höfuðrýmið í aftursætinu, en hallandi afturendinn gæti rænt nokkurn farangursrými. Með aftari bekkinn á sínum stað er ID.4 með 543 lítra farangursrými en ID.5 kaupendur gætu þurft að fórna meira en 100 lítrum af plássi fyrir útlitið.

(byggt á frétt á Auto Express)