Jaguar F-Pace hefur lengi verið samheiti yfir glæsileika, afköst og breska fágun. Nú, með Plug-in hybrid afbrigði, stígur hann inn í framtíðina en heldur samt kjarna sínum.
Bíllinn er settur saman í Solihull í Bretlandi en vélin í Graz í Austurríki.
Jaguar F-Pace PHEV er ekker ólíkur mörgum öðrum sportjeppum.
F-Pace Plug-in Hybrid blandar sportlegu og hnökralausu yfirbragði saman við umhverfisvæna framleiðslustefnu.
Rennilegar og straumlínulagaðar línur undirstrika hárfín en áberandi smáatriði eins og einkennandi grillið og LED-aðalljósin.
Jaguar F-Pace R-Dynamic kemur á fallegum 20 tommu felgum.
Sportleg þægindi
Þegar þú vippar þér í framsætið tekur Jaguar F Pace á móti þér með blöndu af nútímalegum lúxus og notagildi.
Innanrýmið státar af úrvals efnum, vandlega smíðuðum innréttingum og leiðandi skipulagi.
Athygli Jaguar á smáatriðum skín í gegn á öllum sviðum, allt frá þægilegum sætum klæddum hágæðaleðri til notendavæns upplýsinga- og afþreyingarkerfis sem fellur áreynslulaust inn í snjallsímatengingu og leiðsögn.
Aflið er nægt
Vélin er blendingsvél, rétt undir 2 lítrum í rúmtaki sem vinnur með rafmótor sem einn og sér getur komið bílnum allt að 65 km. skv. WLTP staðlinum.
Ætli sé ekki nærri lagi að segja að sú tala sé um 45 km í raunveruleikanum.
Eitt af því sem við bílagagnrýnendur veltum fyrir okkur er hversu mikið púður fer í þessa örfáu rafdrifnu kílómetra hjá framleiðendum í stað þess að bjóða bílana annaðhvort með brunavél eða rafmótor.
Farangursrýmið er um 600 lítrar með sætin uppi en koma má um 1840 lítrum með sæti felld niður.
Það fer ansi vel um hestöflin undir húddhlífinni því þau eru nokkuð mörg í þessari útfærslu bílsins. 404 hestöfl og tog upp á 640 Nm gera þetta að ansi skemmtilegum sportbíl ef því er að skipta.
Enda er uppgefinn tími frá 0-100 km/klst. ekki nema um 5,3 sekúndur.
Þú situr á töfrateppi
Það er draumur að aka bílnum. Samruni öflugrar bensínvélar og rafmótors skilar verulega líflegri akstursupplifun.
Tafarlaust tog frá rafmótornum tryggir mikla hröðun, sem gerir borgarakstur hljóðlátan og áreynslulausan, á meðan bensínvélin sparkar óaðfinnanlega í lengri ferðum.
Umskiptin milli aflgjafa eru varla merkjanleg og bjóða upp á fágaða og kraftmikla akstursupplifun.
Vegna rafhlöðunnar er ívið minna pláss í skottinu en ella.
Lipur, rásfastur og þéttur
Við ókum bílnum um nágrenni Reykjavíkur, létum ljós okkar og Jaguarsins skína og ókum létt á stofnbrautum og reyndum að nýta lipurð bílsins í þrengri götum miðbæjarins.
Hvernig sem á er litið stóð bílinn sig frábærlega í flestum aðstæðum. Útsýni úr bílnum er til fyrirmyndar og sést vel aftur með honum og um baksýnisspegil. Að auki er Jaguar F-Pace búinn blindhornaviðvörun sem gerir akreinaskiptingar í slæmu skyggni mun auðveldari.
Fullkomin 360° myndavél toppar síðan „útsýnið“
Vel innpakkaður tæknipakki
Tæknilegir yfirburðir Jaguar koma berlega í ljós í framúrskarandi meðhöndlun F-Pace.
Hvort sem ekið er á þjóðveginum eða um þröngar götur borgarinnar finnst þér þú vera á þeim bíl sem hentar hverju sinni, í senn yfirvegaður og lipur.
Aðlögunarhæfa fjöðrunin skapar jafnvægi milli þæginda og sportlegs eðlis, straujar út ójöfnur og viðheldur skemmtilegri akstursupplifun.
Innréttingin er gullfalleg og sætin þægileg.
Við mælum með myndbandinu með þessari grein. Jaguar F-Pace býður upp á ansi þróaðar akstursstillingar en þú getur stillt bílinn að öllu leyti eftir þínu höfði.
Þannig getur þú stjórnað upptaki, stýri, gírskiptingu og fjöðrun eins og hentar þínu aksturslagi eða þeim aðstæðum sem þú ekur í hverju sinni.
Að auki býður bíllinn þér upp á rauntímaskynjun á aksturslagi þínu og stillir þá bílinn sig eftir því hvernig og hvar þú ekur.
Sæti bílsins er þægileg, það er gott að setjast inn í bílinn enda þokkalega hár sem sportjeppi.
Hins vegar mætti alveg vera meira pláss í skottinu en það er um 600 lítrar með sætin uppi.
Þó er ágætt pláss með þau felld niður en þá má koma fyrir um ígildi 1.840 lítra fyrir aftan framsætin.
Ofarlega í samkeppninni
Ef þú ert að leita þér að bíl í þessum flokki er vert að skoða bifreiðar eins og Mercedes GLE gerðirnar, Porsche Macan, Audi og BMW. Allt eru þetta bílar í svipuðum gír og bjóða gerðir sem flokkast sem lúxus sportjeppar.
Okkar mat er að Jaguar F-Pace sé fjölhæfur sportjeppi sem sameinar hagvæma innanbæjarnotkun en kemur svo sterkur inn sem ferðafélagi fjölskyldunnar.
Bíllinn tekur um 75 kg. á toppinn og hægt að draga allt að 750 kg. í kerru án bremsubúnaðar en allt að tveimur tonnum í kerru með bremsubúnaði.
Jaguar Ísland býður úrval útfærslna af Jaguar F-Pace. Í þessari umfjöllun leggjum við áherslu á Plug-in hybrid gerðirnar en þær má skoða á vef Jaguar Ísland hér.
Jaguar F-Pace Plug-in hybrid sameinar lúxus, afköst og vistvæna meðvitund. Þetta er jeppi sem kemur til móts við þá sem sækjast eftir spennandi akstursupplifun án þess að slaka á umhverfisábyrgð.
Allt frá töfrandi hönnun til kraftmikilla afkasta og umhverfisvænna eiginleika felur F-Pace Plug-in hybrid í sér framtíð nýjunga án þess að fórna kjarnanum í arfleifð Jaguar.
Myndband
Helstu tölur:
Verð frá : 14.790.000 kr. (Reynsluakstursbíll 400e PHEV 15.390.000 kr.)
Hestöfl: 404 hö.
Vél: 1.997 rms., þrír strokkar.
Tog: 640 Nm.
Eyðsla bl.ak.: 6.2 ltr/100km.
Eigin þyngd: 2.230 kg.
Dráttargeta m.hemlum: 1.800 kg.
L/B/H: 4747/2175/1664 mm.
Reynsluakstur: Gunnlaugur Steinar Halldórsson og Pétur R. Pétursson
Myndir og myndband tekið á Samsung S21 Ultra
