Rafdrifni RAM pallbíllinn kemur til Evrópu

• Stellantis mun flytja Ram 1500 rafmagns pallbíl til Evrópu sem keppinaut Ford F-150 Lightning

• Fjórhjóladrifni 1500 REV er fyrsti pallbíllinn sem notar STLA Frame hönnun Stellantis sem er hannaður fyrir rafbíla í fullri stærð.

Margir hér á landi hafa verið að skoða möguleikana á að fá rafdrifna ameríska pallbíla hér á landi, Ford Ligtning er sagður í pípunum en samkvæmt frétt í dag frá Automotive News Europe mun Stellantis mun skora á Ford í flokki rafhlöðudrifinna  pallbíla fullri stærð í Evrópu með Ram 1500 REV.

Sala á Ram pallbílnum mun hefjast í Evrópu seint á næsta ári, sagði Stellantis.

Ram 1500 REV er keppinautur Ford F-150 Lightning. Ford hefur þegar selt F-150 Lightning í Noregi og Sviss.

Ram 1500 REV getur komist allt að 563 km fullhlaðinn. Hann er með 168 kílóvattstunda rafhlöðupakka. Mynd – STELLANTIS

Eini annar rafmagns pallbíllinn sem er til sölu í Evrópu er eTerron 9 frá kínverska SAIC Maxus. eTerron 9 er minni og setur hann í meðalstærðar pallbílahluta Evrópu. Drægni hans er 430 km.

1500 REV getur komist í allt að 563 km fullhlaðinn, sagði Stellantis. Hann er með 168 kílóvattstunda rafhlöðupakka, með möguleika á að auka það í 229 kWh.

Bandaríski, fjórhjóladrifni 1500 REV er fyrsti pallbíllinn sem notar STLA Frame hönnun Stellantis sem er hannaður fyrir rafbíla í fullri stærð. Hann er með 800 volta rafmagnshönnun sem gerir kleift að hlaða hratt. Hann er einnig með stórt 425 lítra skott (framskott) undir húddinu.

Stellantis hefur ekki gefið upp Evrópuverð fyrir pallbílinn.

Áætlað er að Ram 1500 REV fari í sölu í Bandaríkjunum á þessum ársfjórðungi. Rafmagnsútgáfa með 3,6 lítra bensínrafalli sem kallast Ramcharger er áætluð árið 2025.

Ram 1500 með brunavél fær kraftaukningu

Ram hefur einnig hafið sölu á uppfærðri útgáfu af Ram 1500 brunavélar pallbílnum í Evrópu. Endurbæturnar fela í sér að bætt var við 3,0 lítra sex strokka, tveggja túrbó bensínvél sem skilar annað hvort 420 hö eða 540 hö eftir forskrift.

Einnig er fáanleg mild-hybrid 3,6 lítra vél sem skilar 305 hö.

Ram 1500 ökumannsaðstoðartækni felur í sér aðlögunarhraðastýringu og sprettiskjá. Til viðbótar við 14,5 tommu miðlægan snertiskjá hans er bætt við 10,25 tommu skjá fyrir framan farþegann, allt eftir gerð.

Meðal valkosta er fjölnota afturhleri sem getur sveiflast út til hliðar. Það er líka hægt að fjarstýra hleranum. Hægt er að velja aflgjafa til að veita rafmagni í 115 volta rafmagnsinnstungu á pallinum.

Verð fyrir 1500 með brunavél 1500 byrjar á €62.000 (sem samvarar um 9,2 millj ISK á gengi dagsins).

Stellantis heldur því fram að Ram 1500 sé mest seldi pallbíllinn í fullri stærð í Evrópu og er með þrjá af fjórum seldum pallbílum í fullri stærð.

Stellantis styður tvö innflytjendafyrirtæki sem útvega Ram og aðrar bandarískar gerðir til söluaðila á völdum mörkuðum, þar á meðal Þýskalandi, Hollandi, Svíþjóð og Ítalíu.

(Nick Gibbs – Automotive News Europe)