Opel Manta A er klassískur bíl frá þýska framleiðandanum Opel, sem var framleiddur á árunum 1970 til 1975. Bíllinn er einstaklega eftirsóttur í dag meðal bílaáhugamanna, ekki síst fyrir fallega hönnun sína og aksturseiginleika.
Nánast upprunalegur
Þessi Opel Manta A er frá árinu 1971. Bíllinn var afhentur í nýr úr Hollensku umboði sama ár. Um er að ræða fyrstu kynslóð Manta A.
Bíllinn er knúinn öflugustu 1900 cc vélinni sem sett var í þennan bíl og hún er tengd beinskiptingu.
Hann er með dökkgulri málningu og er einnig með upprunalegu vínylþaki. Innréttingin er í upprunalegu ástandi og er búin Sparco fötusætum fyrir sportlegra útlit. Að sjálfsögðu er farið að sjá elítið á bílnum enda nánast upprunalegur.
Véladeild Sambandsins
Samband íslenskra samvinnufélaga eða SÍS var með umboð fyrir Opel á þessum tíma og man undirritaður eftir að hafa séð svona bíla í glugga sýningarsalarins í Ármúla 3, þar sem Véladeild sambandsins var til húsa á þessum tíma.
Opel Manta A er tveggja dyra coupe með sléttar og straumlínu lagaðar línur. Bíllinn hafði sportlegt yfirbragð, sem var innblásið af bandarískum amerískum sporturum, eins og Ford Mustang, en var minni og sportlegri í evrópskum stíl.
Hringlaga framljós og þunn grill voru einkennandi fyrir framenda. Afturendinn var með einföldum láréttum afturljósum og sportlegri yfirbyggingu.
Manta og Capri þóttu flottir
Hann var miðlungsstór, sem gerði hann að aðlaðandi bíl fyrir bæði sportaksturs áhugamenn en einnig sem ágætan fjölskyldubíl en í þá daga þótti ekki frágangssök þó að fjölskuldubíllinn væri bara tveggja dyra.
Það var meira að segja svona bíll í vinning hjá Happdrætti Das, happdrættisárið 1973-1974 og var einn af þremur bílum í happdrætti Das þess árs. Sá var Opel Manta Sport. Sá bíll kostaði um 782.000 kr. í byrjun árs árið 1973.
Manta A bauð upp nokkrar fjögurra strokka bensínvélar með rúmtaki frá 1,2 lítrum upp í 1,9 lítra. Vinsælustu vélarnar voru 6S: 68 hestöfl og 9S: 90 hestöfl, sem var sportlegasta útgáfan.
Bíllinn var fáanlegur með fjögurra gíra beinskiptum gírkassa eða þriggja þrepa sjálfskiptingu.
Framhjólafjöðrun með McPherson-fjöðrum og stífum afturöxli veitti gott jafnvægi og skemmtilega aksturseiginleika.
Rallye og Berlinetta
Opel Manta var framleidd í grunnútgáfu en einnig voru til sportútgáfur eins og Manta Rallye, sem bar sérstaka merkingu, öðruvísi innréttingar og uppfærða aksturseiginleika.
Berlinetta útgáfa var lúxusgerð með auka þægindum eins og rafdrifnum rúðum og betri hljóðeinangrun.
Opel Manta A var hannaður til að keppa við bíla eins og Ford Capri, sem var einnig vinsæll í sama flokki. Manta var mjög vinsæll meðal ungs fólks og var álitinn áreiðanlegur og skemmtilegur bíll.
Bíllinn naut vinsælda í akstursíþróttum, sérstaklega í rally-keppnum, þar sem hann var talinn léttur og kraftmikill.
Opel Manta A frá árinu 1971 er í dag talinn safngripur og eftirsóttur meðal bílasafnara, sérstaklega ef til eru bílar sem hefur verið vel við haldið, eins og þessum hér á myndunum.
Hann er tákn fyrir gullaldarár Opel hvað varðar sportbílahönnun og tæknilega þróun.
Ég veit um allavega einn svona bíl sem er í uppgerð hér á landi, sá hann á Facebook um daginn og var það bílamaður á Ólafsfirði sem sýndi nánast eins bíl og þessi sem hér er um fjallað.
Umræður um þessa grein