Nýr uppfærður 2023 Peugeot 208

• Andlitslyfting kynnt: nýtt útlit, lagfæringar að innan og mildur blendingur í boði

208 er mest seldi bíll Peugeot í Evrópu en nú hefur franska fyrirtækið kynnt uppfærslur á þessum vinsæla bíl sem gera hann enn betri með endurnýjun á miðjum aldri.

Andlitslyftingin á bæði við um bensínknúna 208 og alrafmagnaðan e-208 (á myndunum hér), sem báðir komu á markað árið 2019. Þessi endurnýjun mun koma strax til að hjálpa til við að halda bílnum á sínum stað í hinum erfiða flokki minni bíla.

Peugeot hefur áður sagt að næsta kynslóð af 208 verði eingöngu rafknúin, þannig að þetta er í síðasta sinn sem við munum sjá brunavél í nýrri útgáfu af þessum „ofurmini“ franska fyrirtækisins.

Stóra breytingin fyrir 208 andlitslyftingu, að utan að minnsta kosti, er ný hönnun aðalljósa. Það er enn hönnun eins og „kló“ en ljósunum hefur verið færð út til að láta bílinn líta út fyrir að vera breiðari – rétt eins og nýr 2008.

Nýr framendi einnig með uppfærðu merki Peugeot og lituðum áherslum í grillinu. Að aftan getum við séð ný afturljós með láréttum, frekar en lóðréttum, LED ræmum.

Tveir af sjö ytri litum eru nýir – Agueda Yellow og Selenium Grey, auk þess að nýjum 16 og 17 tommu álfelgum hefur verið bætt við.

Framboðið er óbreytt með Active sem grunngerð, Allure sem miðstig og GT er efsta stigið.

Að innan munu kaupendur 208 Active finna hliðrænt mælaborð með 3,5 tommu litaskjá þar sem Allure og GT útgáfurnar fá 10 tommu stafrænan skjá.

GT fær ennfremur þrívíddarskjá sem staðalbúnað og ökumenn geta sérsniðið útlitið með mismunandi litum eða upplýsingum.

10 tommu miðlægur snertiskjár kemur í stað gömlu sjö tommu einingarinnar á öllum gerðum. Á Allure og GT gerðum fær skjárinn betri upplausn og nýjasta i-Connect upplýsinga- og afþreyingarkerfi Peugeot.

Þó að 208 hættir við að kynna „i-toggles“ eins og í 308, þá eru rofar undir skjánum til að stýra virkni loftslagsstýringar.

Hvað varðar aflrásir munu koma fram nýjar gerðir með mildri blendingstækni í þessum endurskoðaða 208. Tveir mildir blendingar með PureTech bensínvél verða fáanlegir – með 100 hö eða 136 hö.

Afl er sent í gegnum sex gíra sjálfskiptingu sem er tengd við rafmótor. Peugeot segir að tvinnbílarnir muni hafa allt að 15 prósent minni eldsneytiseyðslu.

75 hestafla 1,2 lítra þriggja strokka vélin verur áfram til staðar með fimm gíra beinskiptingu og 99 hestafla útgáfan með sex gíra beinskiptingu.

Hinn rafknúni Peugeot e-208 heldur nýlegum uppfærslum frá því seint á árinu 2022 þegar hann fékk aukið drægni frá nýrri rafhlöðu. 51kWh rafhlaðan er nú fær um að veita allt að 400 km drægni.

Allar e-208 gerðir fá þriggja fasa 11kW hleðslutæki en rafbíllinn getur líka tekið 100kW hraðhleðslu – sem gerir kleift að hlaða 20-80 prósent á innan við 25 mínútum.

(Auto Express – Alastair Crooks – myndir: Peugeot)