Við skelltum okkur á sumarhátíð Heklu um helgina og skoðuðum flott úrval ökutækja.
Þar er fyrst að nefna splunkunýjan Skoda Kodiaq sem er í einu orði sagt alveg meiriháttar flottur bíll.
Heklusalurinn vær bæði stútfullur af fólki og nýjum bílum. Hekla sýndi nokkra mjög skemmtilega möguleika í ferðageiranum með sérútbúnum Volkswagen bílum.
![](https://www.bilablogg.is/wp-content/uploads/2024/06/IMG_5314-min-1024x576.jpeg)
Afar vel sótt sumarhátíð Heklu.
Þau hjá Heklu eru þar að auki í rafbílastuði því þar bjóða þeir bíla á sérlega hagkvæmum kjörum.
Skoda Kodiaq með mikil áhrif
Nýr 2024 Skoda Kodiaq hefur haft mikil áhrif á sportjeppa markaðinn með nokkrum uppfærslum og eiginleikum sem auka aðdráttarafl hans.
![](https://www.bilablogg.is/wp-content/uploads/2024/06/IMG_5290-min-1024x576.jpeg)
![](https://www.bilablogg.is/wp-content/uploads/2024/06/IMG_5287-min-1024x576.jpeg)
![](https://www.bilablogg.is/wp-content/uploads/2024/06/IMG_5288-min-1024x576.jpeg)
![](https://www.bilablogg.is/wp-content/uploads/2024/06/IMG_5289-min-1024x576.jpeg)
![](https://www.bilablogg.is/wp-content/uploads/2024/06/IMG_5292-min-1024x576.jpeg)
Kodiaq 2024 er með straumlínulagaða yfirbyggingu með nýrri þakhönnun og uppfærðum framenda, þar á meðal nýstárlegum framljósum. Þó að nýja hönnunin á grillinu hafi fengið misjafna dóma er heildarútlitið straumlínulagaðra, sem stuðlar að aukinni sparneytni og minni útblæstri.
Að innan hefur farþegarýmið verið tekið í gegn með hágæða efnum og ígrunduðum hönnunarþáttum eins og gírstöng á stýrissúlunni, sem losar um pláss í miðstokknum.
![](https://www.bilablogg.is/wp-content/uploads/2024/06/IMG_5294-min-1024x576.jpeg)
Framendinn er ansi veglegur og þrælflottur líka.
Stór 13 tommu snertiskjár er nú fyrir miðju mælaborðs sem auðvelda á ökumanni aksturinn.
![](https://www.bilablogg.is/wp-content/uploads/2024/06/IMG_5322-min-1024x576.jpeg)
DJ Dóra Júlía hélt uppi stuði og stemningu.
Aflrás
Kodiaq kemur með 190 hestfla 2 lítra díselknúnum mótor með DSG sjálfskiptingu.
![](https://www.bilablogg.is/wp-content/uploads/2024/06/IMG_5327-min-1024x576.jpeg)
Snemma beygist krókurinn, hér má sjá tvo unga drengi máta Audi. Það eru ekkert mörg ár þangað til þessir fara að versla bíla.
Tækni og eiginleikar
Kodiaq er vel búinn nútímatækni, þar á meðal 10,25 tommu “Virtual Cockpit”, þráðlausu Apple CarPlay og Android Auto, gervihnattaleiðsögn og tveggja svæða hitastýringu. Hægt er að sníða bílinn eftir þínu höfði ef þú ert til í að bíða eftir honum meðan verið er að framleiða.
![](https://www.bilablogg.is/wp-content/uploads/2024/06/IMG_5305-min-1024x576.jpeg)
Blöðrulistamaður galdrar fram eitthvað sniðugt fyrir börnin.
Öryggi í nýjum Kodiaq
Öryggiseiginleikar eru yfirgripsmiklir, þar á meðal níu loftpúðar, sjálfvirk neyðarhemlun, blindsvæðiseftirlit og hliðar árekstursskynjarar.
Við hjá Bílabloggi erum spennt að fá að reynsluaka þessum nýja Skoda Kodiaq og færa ykkur það helsta um bílinn með myndbandsbloggi, grein og myndum.
![](https://www.bilablogg.is/wp-content/uploads/2024/06/IMG_5324-min-1024x576.jpeg)
Svefnplássið í VW Caddy.
Mikill áhugi á bílum frá Heklu
Fullt var út úr dyrum, boðið upp á pylsur og gos ásamt hressandi tónlist. Börnin fengu sinn skammt líka með blöðrudýrum að ógleymdu gamla góða Prins Pólóinu sem dreift var úr nýjum rafmagns ID. Buzz.
![](https://www.bilablogg.is/wp-content/uploads/2024/06/IMG_5302-min-1024x576.jpeg)
Prins Póló bíllinn er splunkunýr rafdrifinn VW ID.BUZZ.
![](https://www.bilablogg.is/wp-content/uploads/2024/06/IMG_5319-min-1024x576.jpeg)
Hér er bara útilegustemning.
Umræður um þessa grein