„Nýi Defender er gulleggið hjá Land Rover“

„Nýi Defender er gulleggið hjá Land Rover“

Steve Fowler, aðalritstjóri Auto Express, telur að nýi Land Rover Defender sé glæsilegt dæmi um breska verkfræði.

Það lítur út fyrir að Jaguar Land Rover hafi hitt naglann á höfuðið í fyllstu merkingu þessa orðtaks, ef marka má viðbrögð á flestum helstu bílavefsíðum síðustu daga.

Eitt nýjasta dæmið eru skrif Steve Fowler aðalritstjóra breska bílavefsins Auto Express um 130-bílinn og gefum honum orðið:

„Af öllum þeim sögum um velgengni sem hafa komið frá höfuðstöðvum Land Rover á undanförnum árum hlýtur nýi Defender að vera sú besta. Þetta er ekki aðeins stórkostlegt stykki af iðnhönnun og gríðarlega áhrifamikið dæmi um breska verkfræði, fyrstu vísbendingar eru um að verksmiðjan í Slóvakíu sé líka að smíða þá frábærlega.

Svo það kemur ekki á óvart að – sérstaklega á tímum varahlutaskorts – Land Rover geti ekki smíðað þá nógu hratt. Biðröðin eftir nýjum Defender-bílum er orðin býsna löng, á meðan Land Rover og sölumenn þeirra nudda hendur sínar af gleði vegna góðrar framlegðar á bílnum.

Við efumst ekki um að nýjasta útgáfan, þriggja raða Defender 130, mun einnig ná árangri í sölu.

Þó ég verði að viðurkenna að mér var brugðið þegar samstarfsmaður sagði mér að hann væri 100 mm lengri en Range Rover með langt hjólhaf, getur kostað vel yfir 100.000 pund og vegur 2,5 tonn. Þetta er mikill bíll hvað varðar stærð og fjárhagsleg áhrif.

Okkur var alltaf sagt að það yrði Defender-fjölskylda og það eru enn fleiri afkvæmi á leiðinni.

Sérstök ökutækjadeild JLR hefur ekki komið með sinn Defender enn, svo búist er við „sportlegum“ SVR og öfgafullum torfæru SVX útgáfum.

Svo er það hinn margumræddi pallbíll, sem gæti verið enn ein gullnáman, sérstaklega í hinum pallbíla-óðu Bandaríkjum.

Hvort Defender 130 sé aðeins of stór fyrir breskan smekk á eftir að koma í ljós (ekki gleyma að þú getur nú þegar keypt Defender 110 með sjö sætum í þremur röðum).

Þessi langa biðröð sem nefnd var hér að framan, leiðir hugann að því hvort eitthvað annað á markaðihafi þessa eiginleika Defender? Eiginlega ekki. Þess vegna hefur markaður notaðra bíla (Defender) líka verið góður.

Þú átt í erfiðleikum með að finna notaðan fyrir minna en hann kostaði nýr. Það eina sorglega við velgengni Defender? Man einhver eftir Discovery? Nei, ég ekki heldur.“

Svo mörg voru þessi orð Steve Fowler, og núna verðum við hér hjá Bílabloggi bara að bíða eftir nánari kynnum af þessum nýjasta Land Rover Defender 130.