Mission X í tilefni af 75 ára afmæli Porsche

• Nýr Porsche Mission X hugmyndabíll er rafmagns arftaki 918 Spyder
• Töfrandi tveggja sæta, sem kom í ljós á 75 ára afmæli vörumerkisins, er í þróun með fókus á krafti til þyngdar og með markmið að setja met á Nürburgring

Hinn töfrandi nýi Porsche Mission X, kynntur í tilefni af 75 ára afmæli vörumerkisins, er rafdrifinn hugmyndabíll sem forsýnir hugsanlega arftaka gerðanna Carrera GT og 918 Spyder.

Tveggja sæta afturdrifinn er hugsaður sem léttur „ofursportbíll“ með afkastamikilli rafdrifinni aflrás – sem gæti hugsanlega boðið um 1500 hestöfl – og markmið um að verða hraðskreiðasti löglegi bíllinn á Nürburgring Nordschleife.

Hann myndi í raun fylla skarðið í efsta sæti Porsche-línunnar sem hefur verið opið síðan 918 Spyder fór úr framleiðslu árið 2015.

Porsche hefur hannað bílinn til að vera hraðskreiðasti vegabíllinn í kringum Nürburgring

Porsche-stjórinn Oliver Blume sagði að módelið yrði „tækniljós fyrir sportbíla framtíðarinnar“ og bætti við: „Gerðin tekur upp kyndil helstu sportbíla fyrri áratuga: eins og 959, Carrera GT og þar áður 918 Spyder. Mission X veitir mikilvægan hvata fyrir þróun framtíðarhugmynda ökutækja.“

Mission X nafnið er skýr tilvísun í 2015 Mission E hugmyndabílinn, sem forsýndi Taycan sem fór í framleiðslu árið 2019. Árið 2021 sýndi Porsche Mission R, sem gefur í skyn að rafknúnir 718 Boxster og Cayman arftakar séu væntanlegir um miðbik þessa áratugar.

Bíllinn virkar sem 75 ára afmælisgjöf Porsche til sjálfs sín.

Miðað við þessar tímalínur væri ólíklegt að nokkur framleiðslubíll byggður á Mission X komi fram fyrr en í kringum 2027. Það er litið svo á að hugmyndin sé eingöngu þróuð af Porsche og tengist ekki Rimac, króatíska ofurbílafyrirtækinu sem Porsche er með meiriháttar hlut í.

Hann mun nota rafknúna aflrás sem búist er við að muni framleiða um 1500 hestöfl.

Mission X hefur er tiltölulega lítill, um 4,5 m að lengd og með 2,73 m hjólhaf og Porsche segir að geri að verkum að hann passi vel við Carrera GT og 918 Spyder sem hann deilir heimspekilegu ætterni með.

Hann er innan við 1,2 metrar á hæð og situr á 20 tommu felgum að framan, með 21 tommu að aftan, nokkuð sem er hannað til að hámarka loftaflfræðina.

Porsche hefur ekki gefið upp neinar tæknilegar upplýsingar um fyrirhugaða aflrás fyrir Mission X – en hann hefur sett fram „tæknilega sýn“, sem gefur röð markmiða sem verkfræðingar stefna að til að ná fram fyrir bíl í fjöldaframleiðslu.

Það er litið svo á að hugmyndin sé eingöngu þróuð af Porsche og sé ekki tengd Rimac.

Þar á meðal er Nürburgring hringmetið – núverandi met er í höndum Mercedes-AMG One, sem fór 12,944 mílna hringinn (20,831 km) á 6 mín og 35,18 sekúndum. Áherslan verður jafnmikil á skilvirkni og létta hönnun – hefðbundin áskorun fyrir rafbíla sem eru afkastamiklir – með fyrirhugað hlutfall afls og þyngdar upp á eitt metra hestafl (1hö, eða 0,986 bhp) á hvert kg.

(smá útskýring: við notum bæði hestöfl (hö) og bremsuð hestöfl (bhp) til að reikna út afl véla í bílum. Hugtakið „metra hestöfl er útreikningur á því afli sem þarf til að lyfta 75 kílóum um 1 metra á 1 sekúndu). Einingin hestöfl (hö eða hp) tekur ekki tillit til núningstaps í afli frá vél, hins vegar gera „bremsuhestöfl“ það – sem þýðir að hestöfl (hö) eru alltaf hærri en bremsuhestöfl (bhp). Munurinn á þessu tvennu er lítill á 1:1 grundvelli. 1 hö jafngildir tæplega 0,99 hö, en ef talan er stærri verður smá munur þarna á. Í dæminu hér að ofan voru tæknimenn Porsche að ná sem mestri hagkvæmni í afli miðað við þyngd bílsins.

Porsche hefur ekki gefið upp markþyngd, en miðað við áherslur fyrirtækisins á létta hönnun, er líklegt að markmiðið sé nálægt núverandi 911 – um 1400 eða 1500 kg. Það myndi aftur á móti benda til aflgjafa upp á nálægt 1500 hestöfl.

Porsche hefur staðfest að rafgeymirinn verði settur fyrir aftan sæti ökutækisins – í raun þar sem vélin í hefðbundnum miðjumótors ofurbíl myndi vera. Það er kallað „e-core“ hugtak og endurspeglar nálgun Porsche með Mission R og hjálpar bæði við að „miðja” massann í bílnum fyrir betri meðhöndlun í akstri og gera ráð fyrir lægra gólfi en með hefðbundnum undirvagni á „rafhlöðubretti“.

Annað verkfræðilegt markmið er að bíllinn framleiði niðurkraftsáhrif „vel umfram“ núverandi 911 GT3 RS – sem getur búið til 860 kg „niðurþrýsting” á 285 km/klst.

Mennirnar að baki Mission X frá Porsche: Oliver Blume (t.v.) og Michael Mauer (t.h.).

Á sama tíma segir Porsche að fyrirtækið sé líka að eltast við „verulega bætt“ hleðsluafköst fyrir 900V hönnun sína, með það að markmiði að Mission X hlaðist tvöfalt hraðar en Taycan.

Sá bíll getur hlaðist að hámarki 225kW, sem bendir til þess að Porsche stefni á 450kW hleðsluhraða. Slík hraðhleðsla myndi hjálpa til við að hægt væri að bjóða bílinn með tiltölulega litlum rafhlöðum og draga þannig úr þyngd.

(James Attwood – vef Autocar)