Microlino í Sviss endvekur „kúlubíl“- núna með rafmagnsgerð

Microlino í Sviss endvekur „kúlubíl“- núna með rafmagnsgerð

Microlino er sniðinn að Isetta kúlubíl frá BMW. Hann er knúinn af rafdrifinni drifrás sem gefur honum hámarkshraða upp á 90 km/klst.

ZURICH – Reuters – Tveir svissneskir bræður leitast við að koma landi sínu aftur í hóp bílaframleiðanda með því að endurvekja klassískan smábíl frá 1950 með rafmagnsívafi.

Oliver og Merlin Ouboter hafa hleypt af stokkunum nýrri útgáfu af örbílnum sem er að fyrirmynd Isetta kúlubílsins frá BMW.

Nýi Microlino kemur í stað gömlu bensínvélarinnar fyrir 12,5 kílóvatta rafdrifinni drifrás sem gefur honum allt að 230 km (143 mílur) drægni og hámarkshraða upp á 90 km/klst (56 mph).

Létt þyngd hans – 496 kg – og lítil stærð – 2,5 metrar að lengd – dregur úr umhverfisáhrifum ökutækisins og gerir það auðveldara að leggja í pínulitlum rýmum, sagði Oliver Ouboter, rekstrarstjóri hjá Microlino.

Wim, Oliver og Merlin Ouboter við farartæki Microlino í höfuðstöðvum sínum í Kuesnacht í Sviss.

Þetta byrjaði allt með einfaldri spurningu: „Hversu mikinn bíl þarftu í raun og veru fyrir daglegar ferðir þínar?“ Wim, Oliver og Merlin Ouboter, svissneska fjölskyldan á bak við hina frægu Micro Kickscooter, spurðu sjálfa sig nákvæmlega þessarar spurningar.

Þessir koma úr allt öðrum geira, þeir gátu ekki skilið hvers vegna flestir bílar í dag eru of stórir og of þungir í venjulegt snatt.

Að meðaltali eru aðeins 1,2 manns í bíl sem ferðast aðeins 30 km á dag. En hvernig myndi kjörið farartæki fyrir akstur í þéttbýli líta út?

Þeir komust að því að líkt og sparkhjólin, sem notar stig hreyfanleika milli göngu og hjólreiða, þyrfti það að vera mitt á milli mótorhjóls og bíls. Lítil og lipur en á sama tíma veðurþolin og nógu rúmgóð til að versla. Í rannsóknum sínum komust þeir yfir „bólubíla“ fimmta áratugarins. Innblásin af þeim byrjuðu þeir að gera fyrstu hönnunina fyrir Microlino

„Hugmyndin var að búa til valkost við hefðbundna bíla. Eitthvað aðeins meira en bara reiðhjól – hann er veðurvarinn, þú hefur pláss fyrir farm, þú getur haft pláss fyrir tvo sem sitja við hliðina á hvor öðrum,” sagði Ouboter við Reuters.

„Vegna þess að hann er minni en venjulegur bíll eyðir hann minna efni til að búa hann til og hann er með minni rafhlöðu sem þýðir að hann notar minna rafmagn, sagði annar bróðirinn“. „Þannig að vistsporið er um þriðjungur af hefðbundnum rafbíl.“

Meira en 35.000 pantanir hafa borist fyrir Microlino, sem er í smíðum á Ítalíu og kostar allt að 15.000 svissneska franka.

Foreldrar Oubuters – en fyrirtæki þeirra hefur selt 90 milljónir sparkhjóla – hafa fjárfest meira en 10 milljónir franka í verkefnið, þó bræðurnir neituðu að tilgreina hversu mikið.

Meira þekkt fyrir súkkulaði, úr og bankastarfsemi. Sviss var með bílaiðnað snemma á 20. öld, með löngu gleymdum vörumerkjum eins og Ajax, Fischer og Turicum.

Hár framleiðslukostnaður og lítill heimamarkaður dæmdi marga úr leik, þó að Sviss hýsi nokkra framleiðendur á þröngu sviði innan bílgreinarinnar.

„Hægt er að þróa hugmyndir í Sviss, markaðssetningin á sér stað hér, en fjöldaframleiðslan annars staðar. Microlino er nýjasta dæmið um það“, sagði Daniel Geissmann hjá svissneska samgöngusafninu í Luzern.

„Það er markaður fyrir svona bíl,“ sagði hann. „Þetta er sláandi og skemmtilegt.“

(Automotive News Europe)