MG horfir til eldri tíma með Cyberster rafmagnshugmyndabílnum

MG horfir til eldri tíma með Cyberster rafmagnshugmyndabílnum

• Vísbendingar um hönnun sem byggir á fyrri tíma sýna hvernig nútíma MG sportbíll gæti litið út
• Verður frumsýndur á bílasýningunni í Sjanghæ 19. apríl

MG Motor endurskoðar hefðbundna fortíð sína fyrir sportbíla með Cyberster rafknúna Roadster hugmyndabílnum sem er bresk hönnun.

Hugmyndabíllinn notar vísbendingar um hönnun frá fortíð merkisins til að sjá hvernig nútímaútgáfa af MG sportbíl gæti litið út. Bíllinn verður afhjúpaður á bílasýningunni í Sjanghæ 19. apríl.

Tveggja sæta roadster með opnum toppi er með hringlaga ljós til að rifja upp klassíska MG eins og MGA 1955 en að þessu sinni eru þau felld inn í yfirbygginguna. Ljósin opnast þegar kveikt er á þeim til að geaf þau áhrif að bíllinn sé að vakna.

Aftari endinn er lóðréttur til að gefa honum styttan „Kamm-enda“, hönnunaraðgerð sem jafnan er notuð til að bæta loftfræðina. LED ljósin að aftan eru hönnuð til að minna á Union Jack fána Bretlands.

Cyberster var búið til af háþróaðri hönnunarstofu SAIC, eiganda MG í London sem var opnuð árið 2018.

Stúdíóstjórinn Carl Gotham lýsti bílnum sem „djarfri yfirlýsingu“ sem horfði til framtíðar MG.

„Sportbílar eru lífæð erfðaefnis MG og Cyberster er gífurlega spennandi hugmynd fyrir okkur,“ sagði hann í yfirlýsingu.

Sagt er að bíllinn sé með hröðun úr 0 í 100 km / klst á innan við 3 sekúndum og geti ekið allt að í 800 km á einni hleðslu.

Hugmyndabíllinn er með 5G tengingu, sagði MG.

Engar framleiðsluáætlanir komu fram en MG í Kína er að rannsaka fjöldafjármögnun til að láta smíða bílinn, sagði talsmaður vörumerkisins í Evrópu við Automotive News Europe.

Cyberster nafnið sameinar orðin „cyber“ og „roadster“.

MG er að staðsetja sig sem rafmagnsmerki í Evrópu með því að setja á markað tvo nýja rafbíla á meginlandsmörkuðum á þessu ári, þar á meðal rafknúna jeppann Marvel R.

Vörumerkið selur nú þegar litla ZS EV rafbílinn og EHS tengitvinnbílinn. MG stefnir að því að tvöfalda fjölda sölumanna sem það hefur á meginlandi Evrópu í 200 á þessu ári þar sem fyrirtækið er að stækka á mörkuðum eins og Þýskalandi, Frakklandi og Spáni.

Cyberster er annar sportbílahugmyndabíllinn frá MG á seinni árum, í kjölfar E-Motion Coupé árið 2017.

E-Motion var fyrsti sportbíllinn sem MG Motor sýndi síðan hann hætti að smíða TF tveggja sæta sportbílinn árið 2011.

Síðan þá hefur vörumerkið lagt áherslu á að selja endurunnnar útgáfur af fólksbifreiðum, hlaðbökum og sportjeppum sem smíðaðir eru af Roewe vörumerki SAIC, en miða aðallega að útflutningsmörkuðum.

(Automotive News Europe – myndir frá MG)