Það er óhætt að fullyrða að fleiri tegundir en maðurinn heillist af Toyota Land Cruiser. Það veit náttúrulífsljósmyndari nokkur í Austur-Afríku býsna vel en Cruiserinn hefur verið góður segull fyrir myndefni sem laðast að bílnum.
Það hlýtur alltaf að vera fagnaðarefni ef rándýr sem ljósmyndarinn er að mynda laðast að einhverju öðru en ljósmyndaranum sjálfum. Þá er greinilega gott að vera á Land Cruiser en þessir blettatígrar kunnu vel að meta hæðina á bílnum og komu sér þar fyrir til að sjá sem best yfir svæðið þar sem bíllinn var hæsti punkturinn.
Ljósmyndir atvinnuljósmyndarans sem kallar sem Paultje NI á samfélagsmiðlum má til dæmis skoða á Instagram þaðan sem þessar myndir koma, eða á Twitter. Hann virðist nefnilega nokkuð lunkinn með myndavélina. Hann er ekki eins flinkur þegar kemur að samfélagsmiðlum en myndirnar eru ljómandi góðar og hér eru nokkur dæmi:
?Hvað finnst þér, lesandi góður? Smelltu hér til að skapa umræður við Facebookfærslu þessarar greinar! Og endilega láttu þér „líka“ við okkur á Facebook til að missa ekki af fréttum úr bílaheiminum.?
Umræður um þessa grein