Þar sem bílaiðnaðurinn snýst í átt að sjálfbærari og vistvænni framtíð eru rafknúin ökutæki (EV) nú í aðalhlutverki. Kia, sem er áberandi í þessari þróun, hefur kynnt Kia EV9, rafmagns sportjeppa sem lofar að sameina stíl, afköst og umhverfisvitund.
Í þessari yfirferð ætlum við að kynna ykkur helstu eiginleika og akstursupplifun Kia EV9.
Bíllinn er stór og án efa er tekið eftir honum. Felgurnar eru eftirtektarverðar.
Nútímaleg en kassalaga hönnun
Kia EV9 státar af frekar kassalaga en nútímalegri hönnun sem aðgreinir hann strax frá aðeins frá samkeppnisbílunum. Hreinar línur og loftaflfræðilegt snið stuðla ekki aðeins að fagurfræðilegu aðdráttarafli bílsins heldur undirstrika þær hagkvæmni.
Grill bílsins gefur sterkt til kynna rafmagnseiginleika bílsins en djörf LED-aðalljós gefa bílnum einstakt og framúrstefnulegt yfirbragð á veginum.
Má reyndar alveg segja að þessi bíll kæmi manni ekki á óvart á Tunglinu.
Kia EV9 er fyrsti bíll Kia af nýrri kynslóð hönnunar.
Þægindi númer eitt
Þegar stigið er inn í Kia EV9 er pláss og þægindi það fyrsta sem kemur upp í hugann. Rúmgott farþegarýmið er úthugsað og smáatriðin í öndvegi og hönnun með úrvals efnum og notendavænu skipulagi.
Það er reyndar margt sniðugt varðandi efnin í bílnum. Til dæmis eru teppin búin til úr fiskinetum.
Það er ekki hægt að sjá að teppin í bílnum séu ofin úr fiskinetum enda bara polyester blanda í þeim eins og flestum bílum hin síðari ár. En endurunnin eru þau.
Sætin eru afar þægileg í Kia EV9 og má segja að hugsað sé sérstaklega um hvern og einn því allir stólar bílsins eru rafdrifnir með hleðslugáttum fyrir smátæki og skemli fyrir fætur – enda hefur Kia stefnt að auknu frelsi fyrir viðskiptavini sína með hönnun bílsins.
Plássið er yfirgnæfandi og það væri lítið mál að breyta Kia EV9 í gistiaðstöðu á ferðalagi með niðurfellingu sæta.
Öll sæti nema bekkur í þriðju röð eru með skemli og rafdrifin. Það er ákaflega gott að sitja í þessum sætum. Dregur eflaust úr möguleikanum á þreytu á lengri leiðum.
Ný tækni í mælaborði
EV9 er búinn allri nýjustu tækni, þar á meðal stórum upplýsinga- og afþreyingar skjám sem tengjanlegir eru við farsímann þinn. Bíllinn er frekar einfaldur þegar inn er sest og ekki mikið um raunverulega takka.
Langsum liggjandi skjáirnir veita mikið af upplýsingum og sýna þér myndir sem hjálpa til við aksturinn.
Ef eitthvað má setja út á í þessum bíl eru það snertitakkarnir í mælaborðinu. Það var eins og það vantaði örlitla snerpu eða meira snertinæmi í þá.
Snertitakkarnir í miðju mælaborðsins voru ekkert sérlega næmir og þurfti að ýta nokkrum sinnum á þá til að „hitta“ á takkann.
Annars er auðvelt að stýra stjórnkerfum bílsins með aðgerðum úr stýri og raddstýringu ef þú ert góður í einhverju tungumáli sem bíllinn skilur. Hann skilur reyndar ekki íslensku.
Einn af stórsniðugum fídusum hjá Kia er stefnuljósa myndavélin. Þegar stefnumerki er gefið birtist mynd niður með hlið bílsins. Ákaflega þægilegur eiginleiki.
Hljóðlátt afl
Kia EV9 hýsir öflugan rafmótor sem skilar tafarlausu togi og veitir móttækilega og mjúka hröðun. Aflið er uppgefið um 384 hestöfl með um 700 Nm af togi.
Bíllinn er búinn háþróuðu rafhlöðukerfi sem býður upp á tilkomumikla drægni á einni hleðslu, sem gerir hann hentugan fyrir bæði daglegar notkun í borginni og lengri ferðir.
Rafhlaðan tekur allt að 99,8 kWh og hægt er að komast um 522 km. á fullri hleðslu skv. WLTP prófunarstaðlinum.
Orkuendurheimt eykur enn frekar skilvirkni, fangar orku við hraðaminnkun og skilar henni aftur í rafhlöðuna.
Hjólabil er mikið og gerir að verkum að enn meira pláss nýtist inni í bílnum.
Frábær akstursbíll
Í reynsluakstrinum sýndi Kia EV9 glæsilega meðhöndlun og stöðugleika. Lágur þyngdarpunktur, sem rekja má til að rafhlöðupakkanum hefur verið komið fyrir neðst í bílnum, stuðlar að lipurri og þægilegri akstursupplifun.
Það heyrist ekki mikið inn í þennan bíl, hvorki frá rafmótor né vegi.
Við mælum með myndbandinu með þessari umfjöllun.
Kia EV9 er stór bíll en hann vegur um 2.7 tonn. Hann er sagður geta dregið allt að 2500 kg. líka. Það kostar þó sitt að setja rafdrifinn dráttarkrók undir bílinn eða um 350.000. krónur (krókur og vinna).
Þótt ótrúlegt megi virðast er loftviðnám bílsins aðeins 0,29 cd en ekki datt okkur í hug að svona hannaður sportjeppi næði svo lítilli mótstöðu.
Sérstök ljósahönnun bæði að framan og aftan.
Fljótur að hlaða
Í heimahleðslu er Kia EV9 að taka allt að 11 kWh á klukkustund en hraðhleðslugetan er um 210 kWh á klukkustund.
Það þýðir að ef þú hleður bílinn frá 10-80% í hraðhleðslu sem gefur 350 kWh á klukkustund ertu aðeins um 25 mínútur að ná hleðslu.
Glæsileg niðurstaða
Kia EV9 er mikilvægt skref fram á við í heimi rafmagnsjeppa. Sambland hans af skemmtilegri hönnun, háþróaðri tækni og glæsilegri frammistöðu gerir bílinn að sannfærandi valkosti fyrir umhverfismeðvitaða neytendur.
Það þarf hins vegar ekkert að vera að öllum finnist þessi bíll sérlega flottur ásýndar enda sérstakur og svolítið kassalaga líka.
Á meðan bílaiðnaðurinn heldur áfram að þróast er Kia EV9 vitnisburður um möguleika rafbíla sem bjóða upp á sjálfbæra og ánægjulega akstursupplifun.
Myndband
Helstu tölur:
Verð: 13.990.777 kr.
Afl mótors: 384 hö.
Tog: 700 Nm.
Drægni: 522 km. skv. WLTP staðli
Hleðslugeta: 210 kW á klst. DC
Hleðslugeta með heimastöð: Allt að 11 kW á klst. AC
Stærð rafhlöðu: 99,8 kWst.
Lengd/breidd/hæð: 5.015/1.980/1.780 mm.
Myndir teknar á Samsung S21 Ultra
