Kia EV6 crossover boðar nýtt útlit hönnunar

Kia EV6 crossover boðar nýtt útlit hönnunar

Við vorum á dögunum að segja frá nýjum rafbíl Kia, sem myndi koma með alveg nýtt yfirbragð hönnunar. Núna eru Kia búnir að frumsýna bílinn og það fer ekki á milli mála að þeir eru að leggja inn á nýja braut hönnunar með þessum nýja bíl.

Nýi EV6 „rafmagnskrossinn“ frá Kia er byggður á nýju „Opposites United“ hönnun vörumerkisins, ferskt, nútímalegt útlit sem leikur með andstæður.

Markmiðið er að færa sig nær „einfaldleika beinnar línu“, sagði Karim Habib, yfirmaður hönnunar á heimsvísu, og bætti við að hönnun Kia þyrfti að þróast með breytingum vörumerkisins og sókn á hærra svið markaðarins.

Kia gerði grein fyrir endurskoðun hönnunar á mánudag í Suður-Kóreu, en afhjúpaði fyrstu heildarmyndirnar að utan og innan úr EV6, sem búist er við að verði settur á markað í lok mánaðarins.

Habib sagði að hönnunaruppfærslan væri heildstæð nálgun sem horfi á mynd, framsetningu og virkni alls, frá grillinu að framan og lógóinu til hanskahólfsins og jafnvel að umboðinu sjálfu.

Sem hluti af endurreisn Kia á heimsvísu í janúar hefur fyrirtækið til dæmis kynnt nýtt merki.

Nýr framendi

Hefðbundið „Tiger Nose“ grillið hjá Kia fær framúrstefnulega endurhönnun á nýja EV6 í formi „Digital Tiger Face“, sem miðlar rafknúinni drifrás ökutækisins.

Í framendanum, til dæmis, eru dagljósin í raðmyndandi mynstri sem gefur stafrænt yfirbragð, en lágt loftinntak hjálpar til við að láta bílinn líta út fyrir að vera breiðari og með betri stöðu. Þetta síðarnefnda hjálpar við loftaflfræði með því að beina hreinu loftflæði undir slétt gólf rafbílsins.

Spenna er dregin af andstæðum skörpum línum og hátæknilegum smáatriðum, sagði Kia. Afturendinn er til dæmis undirstrikaður með útstæðum afturljósum.

Að innan nýtir EV6 sérhæfða rafknúna grunninn til að bjóða upp á stærra farangursrými og opnar meira rými með óaðfinnanlegum, bognum háskerpu hljóð- og myndskjá og minna mælaborði. Skjárinn nær frá stýri að miðju bílsins.

Kia segir að skjárinn búi til „yfirgripsmikla upplifun“ fyrir ökumanninn með skýrt viðmót og lágmarks fjölda raunverulegra hnappa. Mælaborðið hallar í átt að framhlið bílsins og eykur tilfinninguna um meira pláss, en minni sætin stuðla einnig að auknu rými, sagði Kia.

5 lykilstoðir hönnunar

Nýju hönnunarheimspekinni verður rúllað út í alla framtíðar Kia bíla eftir frumraun sína í EV6. Fyrirtækið segist leggja áherslu á fimm meginstoðir hönnunar: Djarfa fyrir náttúruna, gleði fyrir skynsemi, kraft til framfara, tækni fyrir lífið og spennu fyrir æðruleysi.

Habib sagði að hugmyndin væri að hafa fimm mismunandi leiðir til að túlka sömu lögmál.

„Og meginreglan snýst um andstæðu, um það að hafa hluti sem eru í raun ekki venjulega saman til að setja þá saman,“ sagði Habib.

Til að sýna fram á málið sagði hann að stjórnklefainn yrði með framúrstefnulegum skjáum og stafrænum skjámyndum, en að kaldur og sléttur módernisminn verði í jafnvægi með einhverju hlýju og lífrænu, svo sem notkun ullar og annarra efna.

„Ef þú ert með eitthvað mjög hátæknilegt og mjög slétt, mjög háglans,“ sagði Habib, „sem verður í jafnvægi með einhverju aðeins meira lágtækni eða mannúðlegra, segjum meira handunnið“.

(Automotive News Europe)