Kia EV4 – Er þetta framtíðarmetsölubíll?

• Kia er nú þegar með mikið úrval rafbíla og tvær gerðir til viðbótar hafa verið tilkynntar. En þeir hafa meira í erminni – teiknari BilNorge hefur hér stungið upp á gerð sem gæti orðið viðeigandi innan nokkurra ára.

Terje Ringen hjá BilNorge bílavefnum er með vangaveltur um næstu bíla frá Kia.

Kia var snemma kominn með rafmagnsútgáfur af Soul og Niro. Síðan fylgdi glæsilegur EV6 sem fyrsta gerðin á háþróaða rafbílapallinn (E-GMP) sem þeir deila með móðurfyrirtækinu Hyundai.

Undir lok árs 2023 kemur stóri jeppinn EV9 og stuttu eftir að hann var kynntur sýndi Kia einnig minni EV5 sem hugmyndabíl og sagði að hann yrði settur á markað í Kína síðar á þessu ári.

Mikið til að hlakka til

En Hyundai / Kia hafa lofað að þeir verði með 14 rafbíla í safninu á árinu 2027, þannig að við eigum enn eftir miklu að hlakka til. Einn af þessum er EV4, sem teiknarinn okkar á vef BilNorge  hér gefur okkur innsýn í gegnum túlkun sína.

EV4 verður fyrirferðarlítill jeppi sem við vitum ekki mikið um í augnablikinu nema að hann verður minni en EV5 og hann er sérstaklega þróaður fyrir Evrópumarkað. Að auki fengum við óljósa fjölskyldumynd þegar þeir kynntu rafbílaáætlanir sínar árið 2020.

Bútasaumur

Þar sem hann hefur lítið haldbært til að byggja á hefur teiknarinn okkar byggt túlkun sína á óstaðfestum upplýsingum ásamt hönnunartungumáli Kia – „Opposites United“ – og með eiginleikum frá gerðum sem þegar hafa verið kynntar – EV6, EV9 og EV5.

Teikning af hugsanlegum Kia EV4: Jean Francois Hubert / SB-Medien©

Við getum búist við stafrænum stjórnklefa með tvöföldum skjáum innbyggðum í sameiginlegt mælaborð, svipað og við höfum meðal annars séð í Sportage.

Líkt og systkini hans verður EV4 smíðaður á E-GMP pallinum, sem þýðir yfir 500 km drægni með stærsta rafhlöðupakkanum og hraðhleðslu (240 kW í EV6 í dag). Minnsta vélin í EV6 er með 170 hö / 350 Nm ásamt afturhjóladrifi.

Ef forsendur okkar eru réttar munum við fá frekari upplýsingar um EV4 innan árs og við munum líklega fljótlega geta kynnt njósnamyndir af fyrstu frumgerðunum, segir bílavefur BilNorge.

(frétt Terje Ringen á vefsíðu BilNorge)