Japan enduruppgötvar rafbíla sem nota rafhlöður

• Á Japan Mobility Show sýndu Toyota, Nissan, Honda og Suzuki hvernig þau hyggjast ná rafbíla-risunum Tesla og BYD.

Suzuki ætlar að finna upp Wagon R örbílinn sinn að nýju sem fullrafmagnsframboð sem forsýnt er af eWX hugmyndinni, sýnt.

TOKYO – Bílasýningin í Tókýó hefur breytt nafni sínu í Japan Mobility Show en þegar gestirnir heimsækja sex sali „Big Sight“ sýningarsamstæðunnar er eitt ljóst: Japan hefur enduruppgötvað rafhlöðurafmagnaða bíla.

Japan er ekki nýliði í rafbílum. Fyrsti fjöldaframleiddi BEV á heimsvísu var Nissan Leaf sem kom í sölu árið 2010.

Suzuki eWX hugmyndabíll – mynd: LUCA CIFERRI.

Á sama tíma var Mitsubishi i-MiEV smábíll, lítill forveri Leaf, settur á markað fyrir viðskiptavini bílaflota í Japan árið 2009. Hann var fluttur út til Evrópu og einnig seldur sem Citroen C-Zero og Peugeot iOn.

Mitsubishi i-MiEV var rafbíll með litlu orkumagni sem náði ekki góðum árangri í sölu.

Síðan þessar gerðir komu á markað fór rafbílasala í Japan í dvala í meira en áratug.

Hlutur rafknúinna fólksbílasölu í Japan jókst í 1,3 prósent árið 2022 úr 0,4 prósentum árið 2021. Það náði 1,7 prósentum fram í september, sýna tölur frá fjármálasérfræðingum hjá Jefferies.

Hægar framfarir í sölu BEV í Japan setur landið langt á eftir Kína, þar sem BEV-bílar voru með 23 prósenta hlutdeild fyrstu níu mánuðina. Evrópa var með 15 prósent og Bandaríkin í 7 prósent, samkvæmt upplýsingum Jefferies.

Indland er nú á undan Japan í upptöku rafbíla sem nota rafhlöður með 2 prósenta hlutdeild frá janúar til september.

Hyper Force hugmyndabíllinn sýnir að rafvæðingarstefna Nissan mun fela í sér jaðarsportbíla. Mynd: URVASKH KARKARIA

Jafnvel þótt sala á rafbílum sé ekki að taka við sér í Japan, þá er heimurinn að verða rafknúinn og allir japanskir bílaframleiðendur þurfa að tileinka sér rafbíla til að geta keppt á heimsvísu.

Toyota mun hefja þriðja skref sitt í átt að fullri rafvæðingu árið 2026, og byrjar á Lexus fólksbifreið sem verður smíðaður með því að nota hið þekkta framleiðslukerfi Toyota sem endurhugsað er fyrir rafbíla.

Rafvæðingarstefna Nissan mun fela í sér jaðarsportbíla og fjölskyldubíla. Bílar Honda sem nota rafhlöður (BEV) munu ná yfir nokkrar stærðir af smábílum. Suzuki ætlar að finna upp Wagon R örbílinn sinn að nýju sem rafknúið framboð sem var á sýningunni með eWX hugmyndabílnum.

Það mun taka nokkur ár að sjá hvort endurbættur áhugi á BEV-bílum muni hjálpa japönskum bílaframleiðendum að ná umtalsverðri markaðshlutdeild á heimsvísu, í ljósi þess að sala Tesla eykst á hverju ári og kínverski bílaframleiðandinn BYD er í stakk búinn til að fara framúr Tesla á þessu ári sem söluhæsti framleiðandi heims á rafbílum.

Þessir tveir „BEV risar“ sem munu líklega enda árið með því að selja hvor um sig um 1,8 milljónir rafbíla. Til að setja þetta í samhengi var Toyota, ásamt Lexus, söluhæsti bílaframleiðandi heims á síðasta ári með sölu á 9,6 milljónum bíla, en BEV bílar voru aðeins 25.000 af þeirri sölu.

Það sem japanska bílaframleiðendur munu skorta er umtalsverð upptaka á rafbílum sem nota rafhlöður (BEV) heima fyrri, sem mun hægja á þeim frá því að ná stærðarhagkvæmni.

Á síðasta ári keyptu viðskiptavinir í Kína 5 milljónir bíla sem aðeins nota raghlöður (BEV), Evrópa var með næstum 1,6 milljónir bíla og í Bandaríkjunum voru 732.000 bílar, samkvæmt Jefferies. Þar sem 54.144 bílar voru seldir í Japan á síðasta ári munu bílaframleiðendur landsins þurfa að ná umtalsverðu magni erlendis, í Kína og Evrópu, þar til viðskiptavinir á heimamarkaði ákveða að skipta um aflrás.

(Luca Ciferri – Aðstoðarútgefandi og ritstjóri Automotive News Europe)