Grillin eru að breytast

Hvernig hönnuðir rafbíla endurhanna sígild grill

Þegar BMW kynnti næstu kynslóð rafknúinna bíla sinna – i4 og iX jeppann – í mars [2021], urðu framendar bílanna að minnsta kosti jafn mikið umræðuefni og rafmagnsdrifrásin. Þar framan á báðum var hönnunarmerki BMW: tvö nýrnaformuð grill.

En þetta voru mun stærri fletir en nýrun í gerðum bílaframleiðandans með hefðbundnum brunavélum og virtust snúa upprétt, með glansandi svarta grind í stað lóðréttra stanganna. Þetta virtust vera hálfgerð „öfugmæli“ – Með enga vél sem situr fyrir aftan „grillið“ og enginn vatnskassi sem dregur í sig loft, af hverju að nenna?

„Nýrun er ekki bara loftkælikerfi,“ útskýrir Domagoj Dukec, hönnunarstjóri BMW. „Þau eru sterkasta aðgreiningin á milli okkar og keppinauta okkar.“

BMW eru ekki einir um þetta. Þegar þekktir bílaframleiðendur fara yfir í rafmagnið, eru þeir að finna upp grillið á nýjan hátt, bæði á kunnuglegan hátt og undarlegan. Nýr Hummer EV GMC, sem kemur í framleiðslu með haustinu, er með túlkun á hinu fræga sjö rifa grilli jeppans.

Fyrir tveimur áratugum barðist GM með góðum árangri við Chrysler um réttinn til að nota sjö rifað grill, sem einnig er aðalsmerki Jeep.

Að þessu sinni hefur GM horfið frá raufunum í þágu sex kubba sem stafa orðið „Hummer“.

Ef þú lítur á framendann frá hlið, geturðu samt séð sjö riflur sem eru með stafkubbunum. „Við höfum gaman af þessu,“ segir Rich Scheer, hönnunarstjóri Hummer EV, „þetta er hálfgerð blekking“.

Nýi Hummer, eins og nýir rafbílar BMW, notar ekki rýmið fyrir ofan stuðarann til kælingar. „Að baki því sem þú myndir halda er grillið, þar er mikið geymsluhólf,“ segir Scheer.

„Þú gætir tekið loft þarna inn, ef þú ætlar að kæla tómt rými“.

Þó að BMW i4 og iX noti nýmóðins nýru til að fela myndavélar og aðra skynjara, þá eru bréfakassarnir að framan á Hummer bara til sýnis.

„Við meðhöndluðum allan efri þátt ljósanna sem bara frábæra hönnun“, segir Scheer. Orðið „Hummer“ kviknar þegar ökumaðurinn nálgast með lykilinn.

Hugmyndin, segir Scheer, var að láta framhlið ökutækisins virka eins og iPhone: auðan og kaldan þegar þú ert ekki að nota bílinn; velkominn og bjartur þegar þú ert að gera það.

Hjá BMW og Hummer er meginhlutverk grillanna á nýju ökutækjunum að halda uppi vörumerkinu sem var byggt í báðum tilvikum í kringum brunavélar í bíla.

Forskot Tesla

Sem fyrstur til að selja hundruð þúsunda rafbíla í Bandaríkjunum hefur Tesla haft þau forréttindi að setja fram væntingar neytenda um hvernig rafbíll á að líta út.

Hönnuðir Tesla þurftu ekki að æsa sig yfir arfaslökum grillum.

Árið 2016, þegar Tesla lét Model S fá sína fyrstu stóru hönnunarendurskoðun, eða andlitslyftingu, eins og hún er þekkt meðal eigenda, kom bíllinn með heilan sléttan framenda í stað glansandi svarta sporöskjulaga „grillinu“ framan á bílnum, sem passaði við afganginn af yfirbyggingunni.

Nýi framendi Model S líktist þeim á Model X, sem var nýlega hleypt af stokkunum og eins á Model 3 sem er bráðlega væntanlegur og skapaði stöðuga – og áberandi – fagurfræði fyrir vörumerkið.

Á öllum þremur gerðum líkt og með Y sem kom á eftir lítur út fyrir að einhver hafi málað yfir staðinn þar sem grillið var.

„Þetta var ekki bara grilllaust, heldur var það bara eins og einhver vildi bara ekki hafa neitt grill“, segir Eric Noble, stjórnandi Car Lab.

Hönnunin féll vel að einkenni Tesla – að vera öðru vísi: bílaframleiðandinn bjó til bíla með engu grilli. Það hjálpaði einnig til við að skapa hugmyndina um að ökutæki þurfi ekki grill. Þó að það sé rétt að rafmagnsaflið skili ekki eins miklum hita og brunavélar, þá þurfa rafbílar samt enn að taka inn loft fyrir kælivélar og rafhlöður, sérstaklega í afkastamiklum gerðum.

Mikil kæling kom á óvart

„Það kom mér í raun á óvart hversu mikla kælingu við þurftum,“ segir Gordon Platto, aðalhönnuður fyrir hinn nýja rafknúna Mustang Mach-E Ford. En þegar rafhlöður og mótorar eru venjulega settir með botni bílsins er venjulega skynsamlegt að taka loftið neðar.

(Horfðu vel á hvaða Tesla sem er og þú munt sjá grill sem er stungið undir stuðarann.) Slétt yfirborð að framan hjálpar einnig við loftaflfræði, sem skilar sér beint á meira akstursvið.

Þó að Tesla hafi aðeins látið líta út fyrir að það hafi verið búið að „veggfóðra“ yfir á grillin á bílum þeirra, þá hafa sumir gamalreyndir bílaframleiðendur bókstaflega lokað fyrir grillop á rafútgáfum brunavélargerða. Rafbílaútgáfur Kona, Niro og Volvo XC40 jeppans eru til dæmis allir með spjöldum yfir fyrra grillrými. Framhliðin hrópar nánast, Engin bensínvél hér!

Þörf  til að láta vita

Fyrir þá sem voru snemma í ferli rafbílanna er svona merki sérstaklega mikilvægt. Ef þú keyptir rafbíl sem nýjung eða vegna borgaralegrar löngunar til að gera minni skaða á jörðinni, vildir þú að nágrannar þínir vissu af því. En eftir því sem tæknin festist í sessi, samkvæmt neytendarannsóknum Car Lab, verða ástæðurnar fyrir því að kaupa sér rafbíl hversdagslegri.

Fólk er að kaupa rafbíla til að spara eldsneytiskostnað, fá aðgang að samkeyrslubrautum eða vegna þess að slíkir bílar eru skemmtilegri í akstri. Fyrir þessa viðskiptavini skiptir ekki máli hvort annað fólk viti að það eigi rafbíl.

„Fyrir tíu árum vildu neytendur sem keyptu sér rafbíl svolítið láta vita af því“, segir Noble. „Nú finnum við að þörfin minnkar hratt.“

Dukec hjá BMW, Scheer hjá GM og Platto hjá Ford segjast allir ekki endilega vera að reyna að gefa vísbendingu um rafknúna aflrás með grillhönnun sinni. Þess í stað var markmiðið að búa til eitthvað sem bæði kallaði fram kunnuglegt vörumerki og lofaði nýjustu tækni.

„Ef þú ert með aðra aflrás, þá þarf það ekki að líta öðruvísi út,“ segir Dukec, „Við þurfum ekki að fela okkur og segja„ Ó, vegna þess að Tesla hefur ekkert grill – vegna þess að þeir hafa enga fortíð og enga arfleifð – að þetta er eina leiðin.

Fyrir þá var þetta ein leið til að sýna skýrt „ég er öðruvísi.“ Fyrir okkur búast viðskiptavinir okkar ekki við að vera öðruvísi; þeir ætlast bara til þess að við bjóðum upp á bestu hreyfanleika vöruna, sama hvers konar aflrásin er“.

Þó að Mustang Mach-E hjá Ford sé með með hálfgerða Tesla-útgáfu með spjaldi á grunngerðinni, þá er líka svort rönd til að lýsa staðnum þar sem grillið gæti hafa verið og „Pony“ merkið í miðjunni (hesturinn) til að minna alla á að þetta er enn Mustang.

„Við höfum reynt að búa til þetta útlit með því sem við köllum þennan „hestakraga“ sem gefur til kynna hvar grillið væri“, segir Platto, „viðskiptavinir okkar vilja ekki keyra vísindaverkefni, þeir vilja fá fallegt útlit sem táknar vörumerkið rétt. “

Bloomberg – Automotive News Europe