Furðulegustu metin sem tengjast bifreiðum

• Í gegnum árin hafa nokkur áhrifamikil met verið slegin í bílaheiminum, þar sem fyrirtæki og einstaklingar fjárfesta þúsundir vinnustunda til að koma verkefnum í kring.

Hraði, fjarlægð og afköst

Það eru alltaf ný met að slá þegar kemur að bílum og fólk er stöðugt að koma með skrýtnar og skapandi leiðir til að skrifa sig inn í sögubækurnar og komast í Heimsmetabók Guinness.

Um leið og við getum brosað út í annað við að skoða hversu fáránlega hluti fólki dettur í hug að framkvæma höfum við hér tíu allra furðulegustu metin sem tengjast bílaheiminum.

Loðnasti bíllinn

Já já, þú last það rétt. Ítalskur bílaaðdáandi, Maria Lucia Mugno, komst í Heimsmetabók Guinness fyrir að hylja Fiat 500 með 120 kg. af hári, sem gerir Fiatinn af loðnasta bíl sögunnar.

Sagt er að Mugno hafi eytt um 75.000 pundum og yfir 150 klukkustundum í að hylja Fiatinn með hári, allt vegna þess að vinkona hennar manaði hana til að gera það á meðan hún vann á hárgreiðslustofu. Þetta er alvöru.

Lengsti tíminn í að kyssa bíl

Margir elska bílinn sinn, svo eru aðrir sem elska meira. Þeir Ernesta Ambrosio og Jesús Juárez Vite, sem eyddu 76 klukkustundum í að kyssa bílinn sinn settu með því heimsmet.

Ernesta og Jesús luku áskoruninni í La Feria, Mexíkó á fjórum dögum frá 10.-14. október 2013. Þetta fer pottþétt ekki vel með lakkið.

Lengsta ferð kaffiknúins bíls

Með hækkandi eldsneytisverði er ekki svo vitlaust að skoða betur „Car-puccino“, Volkswagen Scirocco árgerð 1988 sem gengur eingöngu fyrir kaffi.

Í mars 2010 lauk Car-puccino rúmlega 500 kílómetra  ferð frá London til Manchester og gerði tilkall til Heimsmetabókar Guinness fyrir lengstu ferð kaffiknúins bíls.

Aðferðin er þessi: að hita kaffikorg með kolum og kæla afgasið, það er síað og síðan búið til úr því vetni sem knýr svo vél bílsins. Langsótt – en samt.

Flestir þvegnir á átta klukkustundum

Þó að það taki meðljóninn um þrjá tíma bóna bílinn sinn, tókst sérfræðingum í bílaþvottastöðvum Aussie að þrífa 6,277 bíla á aðeins átta klukkustundum í 89 útibúum sínum í Ástralíu og Nýja Sjálandi.

Til að setja þá tölu í samhengi eru það um 785 bílar á klukkustund, þar sem 87 eru þvegnir í hverri bílaþvottastöð. Það er ekki alveg ljóst hvernig þeir gerðu það en þetta er pottþétt ótrúlegt magn af bílum sem þvegnir eru, á ekki lengri tíma.

Hraðasti Nürburgring hringurinn á tveimur hjólum

Nürburgring er fræg þýsk kappakstursbraut þar sem nokkrir af fremstu bílaframleiðendum heims prófa bíla sína í hraðakstri. Það var hins vegar árið 2016 sem hinn kínverski Han Yue fór brautina á tveimur hjólum og setti með því hraðamet.

Hann lauk hringnum á 45 mínútum og 59 sekúndum – eitthvað sem hlýtur að vera þess virði að komist á blað í bílasögunni.

Mesti hraði bíls þar sem ökumaður er blindur

Frá einu merkilegu afreki aksturshæfileika til annars; Mike Newman setti heimsmet Guinness fyrir mesta hraða bíls sem ekið var blindandi. Það var árið 2014 en hann ók á 322 km/klst. á flugvelli í Yorkshire.

Þegar hann setti nýja metið var Mike í raun að slá sitt eigið hraðamet en hann hafði áður sett á rétt um 300 km/klst. árið 2013. Af hugrekki einu saman er ljóst að Mike á fyllilega skilið titilinn hraðasti blindi ökumaðurinn. Já, hann er blindur.

Lengsti bíllinn

Alls um 31 metri á 26 hjólum, með King-Size rúmi og sundlaug með stökkbretti, hefur risastór og sérsmíðaður eðalvagn Jay Ohrberg verið í Heimsmetabók Guinness fyrir lengsta bíl heims síðan 1986.

Bíllinn var upphaflega smíðaður fyrir Hollywood-myndir og hægt er að aka ferlíkinu sem reyndar var of stór til að hægt væri að beygja. Þetta er örugglega fullkominn bíll ef fólk vill halda brúðkaupsveisluna í bílnum.

Þéttast lagði bíllinn

Margir ökumenn eiga í erfiðleikum með að leggja í þröng stæði og leita frekar að stærra stæði og labba lengra en að troða sér í þröngt. Ekki Alistair Moffatt. Árið 2015 setti Moffatt heimsmet Guinness fyrir leggja bíl með minnsta mögulega bili á milli bíls fyrir framan og aftan. Við erum að tala um 7 sentimetra beggja vegna.

Hraðasta bakk í heimi

Það er ekki oft sem ökumenn þurfa að bakka langar vegalengdir og stundum þarf ekki mikið til að gleyma að líta til beggja hliða. En Rob Gibney er kanadískur ökumaður sem ók Ford Crown Victoria aftur á bak í yfir 1200 kílómetra og að hraði bílisins var að meðaltali 65 km/klst.

Lengsta ferðalag allra tíma

Varstu að spá í hvort Vopnafjörður-Reykjavík væri það lengsta sem þú hefðir ekið í einum rykk? Það er ekkert miðað við Emil og Lilania, sem hafa ekið um heiminn stanslaust síðan 1984.

Hjónin komust í heimsmetabók sína í Guinness árið 1997 fyrir lengstu samfelldu bílferðina en það hægði lítið á þeim. Frá og með 2017 hefur parið ekið alls um 742.000 kílómetra í 186 löndum, og allt á Toyota Land Cruiser. Hugsið ykkur það.

Forsíðumyndin er af Mike Newman, blinda ökuþórnum.