Lewis Hamilton hefur verið heimsmeistari í Formúlu 1 síðustu fjögur árin en í dag varð breyting á þegar hinn hollenski Max Verstappen öðlaðist heimsmeistaratitilinn eftir ótrúlega keppni í Abu Dhabi.
Hann fagnaði og honum var líka fagnað svo um munaði. Þeir sem héldu að Max Verstappen og faðir hans Jos Verstappen gætu ekki brosað, höfðu einfaldlega rangt fyrir sér! Það geta þeir og hafa gert mikið af því síðustu klukkustundina og rúmlega það. Það sem meira er; þeir geta bæði brosað og grátið á sama tíma!
Hér eru brakandi ferskar myndir frá ljósmyndurum Red Bull:
Eins og sést þá er Hamilton rétt á eftir Verstapeppen. Hamilton var með tiltölulega 0rugga forystu nánast alla keppnina en allt breyttist í blálokin. Myndir: Getty/Red Bull
Allir gleymdu vandamálum heimsins, þar með talið Covid-19, og þyrptust að Max þegar hann steig „upp úr“ bílnum.
Kærastan, Kelly Piquet, brast ekki í söng heldur grét hún af gleði þegar Max sýndi hvers hann er megnugur sem ökumaður.
Max og Christian Horner liðsstjóri Red Bull, klístraðir en kátir.
Fruss! Þetta má víst undir ákveðnum kringumstæðum; þær kringumstæður voru einmitt í dag hjá heimsmeistaranum unga.
Neglur nagaðar…
Carlos Sainz var kátur með þriðja sætið og fagnar hér ásamt Max Verstappen
Maðurinn sem alltaf virðist kátur, Daniel Ricciardo, óskar Max til hamingju.
Dr Helmut Marko ráðgjafi Red Bull liðsins og Masashi Yamamoto frá Honda
Max-istar sýndu allar tennur í gleðivímu þegar Max rúllaði, eða flaug öllu heldur, framhjá köflótta flagginu.
Hring eftir hring! Skítt með dekkin. Jú, og þennan bíl mun Max raunar ekki þurfa að nota aftur. Nýtt ár, nýjar reglur og nýr bíll.
Hefur hann það eða ekki? Jú!
Feðgastund. Jos Verstappen hefur alla tíð verið mjög strangur við soninn en þarna áttu þeir örlitla stund, ekki alveg einir, en næstum því. Þessir ljósmyndarar eru úti um allt! Sem betur fer fyrir okkur.
Hvað finnst þér, lesandi góður? Smelltu hér til að skapa umræður við Facebookfærslu þessarar greinar! Og endilega láttu þér „líka“ við okkur á Facebook til að missa ekki af fréttum úr bílaheiminum.
Umræður um þessa grein