Elon Musk stjórnandi Tesla lofar stórkostlegri lækkun á verði rafbíla

Elon Musk stjórnandi Tesla lofar stórkostlegri lækkun á verði rafbíla

Elon Musk forstjóri Tesla gerði grein fyrir áformum Tesla um að draga úr kostnaði við hönnun rafmagnsbíla og framleiðslukostnaði á svo róttækan hátt að 25.000 dollara bíll (3,5 milljónir ISK), sem keyrir sjálfur verði mögulegur, en hlutabréf bílaframleiðandans lækkuðu aðeins til þegar Musk spáði því að breytingin gæti tekið þrjú ár. Musk sagði þetta á „rafhlöðudeginum“ á þriðjudaginn.

Musk viðurkenndi að Tesla hafi ekki metnaðarfullt nýtt ökutæki og rafhlöðuhönnun í pípunum og framleiðsluferli væri ekki að fullu lokið. Fyrirtækið hefur oft misst af framleiðslumarkmiðum.

„Ekkert sem Musk fjallaði um rafhlöður er komið í framkvæmd“, sagði Craig Irwin, sérfræðingur Roth Capital Partners. „Það var ekkert áþreifanlegt.“

Fjárfestar höfðu búist við tveimur mikilvægum tilkynningum frá Musk, á þessum margunrædda „rafhlöðudegi“, á þriðjudag: Þróun „milljón mílna“ rafhlöðu sem er góð í 10 ár eða meira og sérstakt markmið um lækkun kostnaðar – gefið upp í dollurum á hverja kílówattstund – að myndi loksins lækka verð á rafknúnum ökutækjum undir því sem er á bensínbíl.

Musk kom með hvorugt. Þess í stað lofaði hann á næstu árum að lækka rafhlöðukostnað um helming með nýrri tækni og ferlum og skila „hagkvæmum“ rafbíl.

“Á þremur árum … við getum smíðað 25.000 dollara bíl sem verður í grundvallaratriðum á pari (við), kannski aðeins betri en sambærilegur bensínbíll,” sagði Musk.

Markaðsvirði Tesla lækkaði um 20 milljarða dollara á aðeins tveimur klukkustundum eftir lokun viðskipta á þriðjudag þar sem Musk og aðrir stjórnendur Tesla kynntu nýja rafhlöðu og framleiðsluáætlun sína.

Musk lýsti nýrri kynslóð af EV rafhlöðum sem verða öflugri, endast lengur og helmingi dýrari en núverandi frumur fyrirtækisins.

„Við erum ekki með bíl á viðráðanlegu verði. Það munum við eiga í framtíðinni. En við verðum að lækka rafhlöðukostnaðinn,” sagði Musk.

Tesla gerir ráð fyrir að lokum geti smíðað allt að 20 milljónir rafknúinna ökutækja á ári. Í ár gerir allur bílaiðnaðurinn ráð fyrir að framleiða allt að 80 milljón bíla á heimsvísu.

Til að hjálpa til við að draga úr kostnaði sagði Musk að Tesla hygðist endurvinna rafhlöður í „risafabrikkunni“ í Nevada, en lækka kóbalt – eitt dýrasta rafhlöðuefnið – í nánast núll. Fyrirtækið ætlar einnig að framleiða sínar eigin rafhlöður í nokkrum mjög sjálfvirkum verksmiðjum um allan heim.

Tesla mun framleiða nýju rafhlöðurnar í byrjun á nýju færibandi nálægt samsetningarverksmiðju sinni í Fremont, Kaliforníu, og áætluð framleiðsla mun ná 10 gígavattstundum á ári í lok árs 2021.

Tesla og samstarfsaðilinn Panasonic hafa nú framleiðslugetu sem nemur um 35 gígavattstundumir í rafhlöðuverksmiðju sinni í Nevada.

Tesla stefnir að því að auka hratt framleiðslu á rafhlöðum á næstu árum, í 3 teravattstundir á ári, eða 3.000 gígavattstundir – u.þ.b. 85 sinnum meiri en afkastageta verksmiðjunnar í Nevada.

Bílaframleiðandinn ætlar að framleiða nýju rafhlöðusellurnar með mjög sjálfvirku, samfelldu samsetningarferli, að sögn Drew Baglino, varaforseta aflrása og orkuverkfræði hjá Tesla.

Við opnun atburðarins, sem dró yfir 270.000 áhorfendur á netinu, gekk Musk á sviðið í svörtum bol og gallabuxum, þar sem um 240 hluthafar – þar sem hver þeirra sat í Tesla Model 3 á bílastæði fyrirtækisins – flautuðu bílunum sem samþykki.

Fyrir atburðinn tísti Musk seint á mánudag að endurbætur á rafhlöðum sem afhjúpaðar yrðu myndu ekki ná „alvarlegri framleiðslu í miklu magni“ fyrr en árið 2022.

Þó að meðalverð rafknúinna ökutækja hafi lækkað undanfarin ár vegna breytinga á rafhlöðusamsetningu eru rafbílar samt dýrari en hefðbundnir bílar, en áætlað er að rafgeymirinn nemi fjórðungi til þriðjungi af kostnaði rafknúins ökutækis.

Sumir vísindamenn áætla að verðhlutfallinu, eða þeim tímapunkti þar sem rafknúin ökutæki eru jöfn að verðmæti bíla með brennsluvél, sé náð þegar rafhlöðupakkar kosta 100 dollara á kílówattstundina.

Rafgeymapakkar Tesla kostuðu 156 dollara á kílóvattstundina árið 2019, samkvæmt ráðgjafafyrirtæki rafknúinna ökutækja, Cairn Energy Research Advisors, sem myndi setja kostnað á 90 kílóvattstunda pakka í kringum 14.000 dollara.

Tesla framleiðir nú rafhlöður í samstarfi við japanska fyrirtækið Panasonic í 5 milljarða dollara verksmiðju sinni í Nevada en fyrritækið LG Chem í Suður-Kóreu og CATL í Kína senda sínar rafhlöður til verksmiðju í Shanghai.

Tesla er einnig að byggja sína eigin rafhlöðuframleiðslu í nýrri verksmiðju sinni í Þýskalandi og setur upp rannsóknar- og framleiðslustöðvar á rafhlöðum í stærstu bifreiðaverksmiðju sinni í Fremont.

Musk í júlí sagði einnig að Tesla væri opið fyrir að veita leyfi og afhenda öðrum bílaframleiðendum aflrásir og rafhlöður.

(Reuters)