Breyttur Audi e-tron árgerð 2022

Breyttur Audi e-tron árgerð 2022

• Andlitslyftur Audi e-tron sést á njósnamynd fyrir væntanlega komu á markað árið 2022
• Uppfærslur Audi fyrir e-tron virðast vera umfangsmiklar, þar á meðal ný framljós og það sem lítur út fyrir að vera enn stærra grill

Audi ætlar að gefa rafdrifna sportjeppanum sínum, e-tron, nokkrar uppfærslur á miðju tímabili bílsins til að halda honum samkeppnishæfum gagnvart fjölda nýrri keppinauta, eða svo sýna nýjar njósnamyndir sem breski bílavefurinn Auto Express birti nýverið.

E-tron var einn af fyrstu stóru rafbílunum frá þessu rótgróna úrvalsmerki, sem kom á markað árið 2018.

En markaðurinn breytist ört og úrvalið verður sífellt fjölbreyttara. Þess vegna eru uppfærslur bráðnauðsynlegar.

Breytingar á útliti

Ytri uppfærslur Audi fyrir þennan andlitslyfta e-tron virðast vera nokkuð umfangsmiklar, ef marka má það sem sést á þessari frumgerð.

Það verður nýr framstuðari, endurhönnuð aðalljós, breyttir sílsar og endurhönnun á afturenda, með nýjum afturljósum.

Hjá Auto Express segjast þeir ekki eiga von á alveg eins mörgum breytingum í bílnum að innan. e-tron er með sama þriggja skjáa upplýsinga- og afþreyingarútlit og Audi A8 bíllinn sem var kynntur nýlega og lesa má um hér – með lítið meira en nokkrum hugbúnaðarbreytingum.

Þess í stað munu breytingar á farþegarými líklega takmarkast við nokkrar breytingar á innréttingum og áklæði, auk þessara hugbúnaðaruppfærslna.

Sennilega óbreytt aflrás

Ólíklegt er að aflrás e-tron fái nema minniháttar uppfærslur. Kaupendur munu samt hafa val um annað hvort 71kWh rafhlöðupakka og 309 hö aflrás í 50-grunngerðinn, eða 95kWst rafhlöðupakka og 402 hö aflrás í 55 gerðinni sem er best.

Báðir eru einnig með rafmótor á hvorum öxli, sem veitir drif á öllum hjólum yfir alla línuna.

Meiri drægni

Audi hefur stöðugt verið að betrumbæta hugbúnað e-tron frá því bíllinn kom á markað árið 2018, með það að markmiði að ná sem mestu drægni úr þeirri tækni sem til er.

Nýjasta uppfærsla vörumerkisins gaf 19,5 km til viðbótar frá 95 kWh 55 útgáfunni og jók hámarksdrægni þess bíls í 444 km.

Og þó ekki sé búist við að Audi skipti út rafhlöðupökkum og rafmótorum fyrir þessa uppfærslu, gæti vörumerkið reynt að nýta rafhlöðugetu e-tron sem nú er til, á skilvirkari hátt með því að setja upp afkastameiri varmadælu.

Búast má við nánari upplýsingum um uppfærslur á e-tron línunni þegar fram líða stundir.

(frétt á Auto Express)

Hvað finnst þér, lesandi góður? Smelltu hér til að skapa umræður við Facebookfærslu þessarar greinar! Og endilega láttu þér „líka“ við okkur á Facebook til að missa ekki af fréttum úr bílaheiminum.