Q8 er nú flaggskip Audi

Q8 er nú flaggskip Audi

Nýr Audi Q8 e-tron rafsportjeppi er nú búinn að fá titilinn, flaggskip vörumerkisins

Og hefur fengið Q8 nafnið sem hluta af endurnýjun á miðjum framboðsskeiði

Þróun bætir tegundina, og það er einmitt það sem Audi er að gera með e-tron rafdrifna sportjeppanum sínum, sem gefur bílnum meiriháttar tækniuppfærslur, minni háttar útlitsbreytingum og alveg nýju nafni, sem hluti af endurnýjun.

e-tron sportjeppinn verður að Q8 e-tron, en nýi bíllinn er enn fáanlegur í vali á tveimur yfirbyggingum – venjulegum sportjepplingi og í meira ávalri Sportback gerð – sem og með þremur aflrásarvalkostum. Þessar Q8 e-tron gerðir fara í sölu í þessum mánuði, og afhendingar hefjast í febrúar á næsta ári.

Q8 e-tron 50 á frumstigi er með uppfærðri 95kWh rafhlöðu með allt að 490 km drægni fyrir venjulega jeppann og 503 km í Sportback-gerðinni.

Q8 e-tron 55 og Q8 e-tron S nota báðar stærri 114kWh rafhlöðu. Fyrir 55 gerðina skilar þetta allt að 580 km í sportjeppanum og 598 km í Sportback, en hinn sportlegi SQ8 e-tron fer allt að 492 km eða 511 km fyrir jeppann eða Sportback í sömu röð.

Þetta táknar aukningu um meira en 128 km miðað við e-tron S forvera hans.

Meiri skilvirkni hefur verið náð með því að hámarka þróun á rafhlöðusellum, segir Audi, ásamt fullkomnari orkustjórnunarhugbúnaði og pökkun á sellunum, auk lagfæringa á mótornum að aftan.

Þar eru nú 14 spólur í stað 12, sem gerir mótornum kleift að framleiða meira tog úr sama rafstraumi.

Aflið er nú 335 hö og 664Nm tog í 50 gerðum og með 0-100 km/klst-tíma upp á 6,0 sekúndur. 55 gerðin býður upp á sama tog, en aflið eykst í 402 hö, og lækkar 0-100 km/klst-tímann í 5,6 sekúndur.

Sportlegri S-gerðirnar eru með þriggja mótora uppsetningu sem skilar 496 hestöflum og 973 Nm togi, þar sem 0-100 km/klst tekur 4,5 sekúndur.

50 módelið með minni rafhlöðu getur hlaðið að hámarki 150kW, en bílar með stærri rafhlöðu ýta hleðsluhraðanum upp í 170kW. Þess vegna tekur 10 til 80 prósent hleðsla 28 eða 31 mínútur í sömu röð.

Allar Q8 e-tron gerðir eru með staðlaða 11kW AC hleðslu (níu klukkustundir og 15 mínútur fyrir fulla hleðslu á 50).

Aukin rafhlöðugeta og hleðsluafköst

Stjórnarmaður Audi fyrir tækniþróun, Oliver Hoffmann, sagði: „Okkur tókst að auka rafhlöðugetu og hleðsluafköst.

Þetta gerði okkur kleift að ná ákjósanlegu jafnvægi milli orkuþéttleika og hleðslugetu.

Við bættum líka mótora og kraftmikla eiginleika sem eru dæmigerðir fyrir Audi í öllum útgáfum af Q8 e-tron.“

Breytt loftfjöðrun, ný ESC kvörðun og lagfæringar á stýrinu eru sögð auka snerpu bílsins og svörun, ásamt stífari fjöðrunarlegum á framöxli.

Fyrir Q8 e-tron hafa hönnuðir Audi breytt hönnun á framenda til að endurskilgreina útlit hans sem hluta af e-tron rafsviði vörumerkisins.

Það er nýtt e-tron GT-grill, með gljáandi svörtu spjaldi sem umlykur aðalloftinntakið, en nýjar og endurbættar LED þyrpingarnar (stafræn „matrix“ LED-ljós eru staðalbúnaður á hágæða bílum) eru tengd með LED ræmu efst á grillinu.

Audi segir að loftaflsfræði hafi átt stóran þátt í útliti nýja bílsins, þar sem viðnámsstuðull jeppans hafi lækkað úr 0,26 í 0,24 Cd og Sportback hafi batnað úr 0,28 í 0,27.

Farþegarýmið hefur ekki verið fært of langt frá gerðinni sem bíllinn leysir af hólmi. Farangursrými er 569 lítrar fyrir jeppann og 528 lítrar fyrir Sportback, en báðir bílarnir eru með 62 lítra geymslupláss að framan.

Með aukinni áherslu á sjálfbærni er Q8 e-tron með umtalsverðan fjölda endurunninna efna í smíði sinni.

Það er líka nýtt 2D fjögurra hringa Audi merki á grillinu, en letrið og Audi merkið á B-bitunum eru nýjung.

Q8 e-tron uppfærslurnar eru hluti af endurnýjun Audi úrvalsins. Næsti A4 fólksbíll mun fá nafnið A5, en A6 gerðin verður A7 þar sem A6 e-tron rafknúinn fólksbíll fær sinn stað í línunni.

Reyndar hefur vörumerkið þegar afhjúpað flottan A6 e-tron hugmyndabíl, sem verður að veruleika og fer víst í framleiðslu á næsta ári, byggður á PPE grunni fyrirtækisins fyrir hreina rafbíla og deilitækni með 2023 Q6 e-tron.

Búast má við A4 e-tron gerð þegar fram líða stundir, þar sem A7 og A5 verða seldir samhliða A6 e-tron og A4 e-tron gerðum, sem gefur Audi kaupendum val um aflrásir.

(grein á vef Auto Express)