Audi og Porsche fara í Formúlu 1

Audi og Porsche fara í Formúlu 1

Yfirmaður Volkswagen segir að bæði Porsche og Audi hafi áform um að ganga til liðs við F1

Eftir margra ára vangaveltur er VW samstæðan loksins að ganga til liðs við Formúlu 1 og Porsche ætlar að ganga til samstarfs við Red Bull og Audi ætlar einnig að vinna með núverandi liði.

Aðalforstjóri Volkswagen, Herbert Diess, sagði á mánudag á viðburði í Wolfsburg að; „þú ert bara uppiskroppa með rök“.

Tilkynning hans var sú að hópurinn væri uppiskroppa með ástæður til að fara ekki yfir í Formúlu 1 og að keppa í mótaröðinni myndi hafa meiri ávinning í för með sér en að standa utan við hana.

Áætlun Porsche um að komast inn í Formúlu 1 virðist snúast um að tengjast Red Bull sem vélaframleiðanda, sem gæti hugsanlega orðið til þess að endurnefna liðið Red Bull Porsche.

Áætlun Audi virðist vera minna áþreifanleg. Það hefur verið talað um þetta í nokkur ár núna og fregnir af því að fyrirtækið hafi gengið til liðs við McLaren á síðasta ári hefur verið hafnað af báðum vörumerkjum.

Bæði Audi og Porsche hafa mikla reynslu af akstursíþróttum af ýmsu tagi og það ætti að vera fullt af liðum sem vilja njóta góðs af stuðningi VW Group, ekki síst AlphaTauri sem er í eigu Red Bull og notar nú Red Bull vél.

Breytingar á reglugerðum um vélar frá 2026 munu sjá til þess að aflrásir ganga fyrir fullkomlega sjálfbæru eldsneyti.

Þetta hefur verið tilkynnt sem óumsemjanleg krafa fyrir VW Group og sérstaklega Porsche – sem hafa verið að fjárfesta mikið í gervieldsneyti.

(frétt á vef Auto Express og Reuters)