Í torfærum á Costa del Sol

Ég reiknaði alls ekki með að eiga eftir að reynsluaka jeppum í ófærum á Spáni, í Malaga nálægt Costa del Sol. Það varð hins vegar raunin í maí þegar Ísband bauð til kynningarferðar á fyrsta 100% rafdrifna bíl Jeep, Avenger. Hér má lesa umfjöllun okkar um hann.

Eftir vel heppnaðan reynsluakstur var boðið til kynningar á jeppalínu Jeep í útjarðri Malaga. Þar höfðu þeir hjá Jeep deild Stellantis útbúið þrautabraut fyrir þátttakendur á kynningunni. Þú gast valið þér bíl úr um þrjátíu bílum á staðnum.

Jeep Wrangler Rubicon, 4xe PHEV bíllinn stóð sig frábærlega í torfærubrautinni.

Bílarnir sem boðnir voru til reynsluaksturs í brautinni voru Jeep Renegade, Jeep Compass hvorutveggja Trailhawk og Jeep Wrangler Rubicon 4xe PHEV og við fengum einnig að aka Grand Cherokee Trailhawk sem var verið að forkynna á þessari uppákomu.

Það er skemmst frá því að segja að þetta var skemmtilegt. Boðið var upp á akstur í braut og á milli gátu menn fengið sér af grillhlaðborði og spáð í spilin og getu bílanna.

Það sem kom á óvart er hversu rafdrifnu útgáfurnar standa sig vel, betur ef eitthvað er í torfærum. Þar kemur sterkt inn hversu nákvæm inngjöf rafbílanna er og hversu litlum snúningi er hægt að aka á.

Séð yfir torfærubrautina þar sem menn reyndu jeppana til hins ýtrasta.

Trailhawk

Trailhawk fjórhjóladrifskerfi Jeep er hannað til að veita aukna torfærugetu og grip í krefjandi landslagi.

Fjórhjóladrifsstillingar

Trailhawk kerfið býður upp á mismunandi stillingar til að laga sig að ýmsum akstursskilyrðum. Þessar stillingar geta falið í sér 2WD (tvíhjóladrif), 4WD Auto, 4WD Low og sérstaka Rock stillingu.

Jeep Grand Cherokee 4xe kemur á næsta ári í sölu á Íslandi. Hér erum við á ferð í toppútgáfunni af slíkum bíl.

2WD stilling

Í þessum ham er afli aðeins beint að annað hvort fram- eða afturhjólum, allt eftir tiltekinni jeppagerð. Þessi háttur hentar við venjuleg akstursskilyrði á vegum með bundnu slitlagi þar sem fjórhjóladrif er ekki nauðsynlegt.

4WD sjálfvirk stilling

Þessi stilling er hönnuð fyrir daglegan akstur og veitir sjálfvirka dreifingu afls milli fram- og afturhjóla miðað við togþörf. Það fylgist stöðugt með ástandi vega og flytur afl eins og þarf til að viðhalda ákjósanlegu gripi

Jeep Grand Cherokee er glæsilegur bíll.

4WD Low Mode

Þessi hamur er sérstaklega notaður við krefjandi torfæruskilyrði sem krefjast meira snúningsvægis og stjórnunar á lægri hraða. Hann eykur aflið sem berst til hjólanna, sem gerir ökutækinu kleift að skríða yfir hindranir eða feta sig í gegnum bratta halla eða lækkanir.

Rock Mode

Sumir Jeep Trailhawk eru búnar þessum Rock ham. Þessi stilling hámarkar getu bílsins til að skríða yfir grýtt landslag, veita aukna togstýringu og stilla inngjöf til að glíma við erfiða yfirferð.

Togstýring

Trailhawk kerfið inniheldur oft háþróaða togstýringareiginleika, svo sem skriðvörn (ELSD) og rafræna stöðugleikastýringu (ESC). Þessi kerfi vinna saman að því að flytja afl til hjólanna fyrir sem mest grip og til að bæta afköst, getu og stöðugleika á hálu yfirborði eða slóðum.

Kostir 4xe í torfærum

Jeep 4xe gerðirnar, einnig þekktar sem Jeep plug-in hybrid (PHEVs), eru oft taldar hafa ákveðna kosti í erfiðu landslagi samanborið við jeppagerðir með hefðbundnum brunahreyfli. Hér eru nokkrar ástæður fyrir því að jeppinn 4xe er oft lofaður fyrir torfærugetu sína:

Jeep Renegade kom gríðarlega á óvart í torfærubrautinni. Þessi litli jeppi er mun öflugri en maður gerði sér í hugarlund.

Tog

Jeep 4xe gerðirnar sameina afl hefðbundins brunahreyfils og rafmótors. Rafmótorinn veitir hnökralaust tog, sem getur verið hagstætt við torfæruaðstæður þar sem þú þarft aflið strax og nákvæm stjórn er nauðsynleg.

Að nýta tog rafmótorsins með þessum hætti, getur hjálpað til við að komast með öruggari hætti yfir erfitt landslag.

Öflugt tæki og tilbúið í ansi margt.

Aflrásarstýring

Aflrásin í Jeep 4xe gerðum gerir kleift að stjórna aflgjafa á hverju hjóli með meiri nákvæmni. Aflrásin og tækni hennar eykur togstjórnun, gerir ökutækinu kleift að dreifa snúningsvægi til hjólanna með sem mestu gripi.

Getan til að fínstilla afldreifingu stuðlar að bættum afköstum utan vega, sérstaklega í erfiðum torfærum.

Þessi Grand Cherokee er með loftpúðafjöðrun og hægt að hækka bílinn. Hann flaug yfir torfærurnar eins og lítill fugl.

Lágt drif

Jeep 4xe gerðir eru venjulega með rafmagnsstillingu sem gerir kleift að aka á rafmagni á lítilli ferð. Við ókum bílunum í lága drifinu og læstum því í erfiðustu aðstæðunum.

Á 4xe bílunum finnur maður greinilega hversu nákvæmt tog er á drifinu á lítilli ferð.

Meira tog við lágmarkssnúning: Rafmótorinn í Jeep 4xe gerðum skilar hámarks togi á litlum hraða, sem getur verið hagstætt til að klifra bratt eða við feta sig í gegnum krefjandi torfæruskilyrði.

Viðbótartogið hjálpaði greinilega til við að komast yfir erfiðustu hjallanna í torfærubrautunum án þess að missa bílinn í spól.

Við látum stutt myndband fylgja með þar sem sjá má allar gerðir Jeep eiga við sömu eða svipaðar torfærur.

Bílablogg þakkar Ísbandi kærlega fyrir skemmtilega kynnisferð og Kristjáni Johannessen hjá Morgunblaðinu og Sigurði Kr. Björnssyni hjá Ísbandi fyrir góðan félagsskap.