Furðuleg lög varðandi bíla og akstur

• Finndu út hvar þú munt lenda í fangelsi fyrir hraðakstur og hvar þú getur ekki flutt of mikið af kartöflum

Það er ýmislegt furðulegt efni varðandi bíla og umferð á vefnum. Autocar í Bretlandi var með skemmtilega frétt um ýmis lög og reglugerðir eftir Ronan Glon, sem fjallar um þetta og við ætlum að koma með nokkur dæmi um þetta:

Löggjöf varðandi akstur eru undir áhrifum frá bílum hjá tiltekinni þjóð, fólkinu sem ekur þeim og umhverfinu sem þeir eru í.

Þrátt fyrir að næstum öll lönd banna hraðakstur og akstur undir áhrifum áfengis, framfylgja sumum, að því er virðist, undarlegri reglum sem skrifaðar eru til að taka á sérstökum staðbundnum vandamálum.

Þannig þurftu löggjafar um allan heim að taka kartöflur, heyrnartól og drullusokka með í reikninginn.

Autocar fór í gegn um þessar sögur til að finna undarlegustu lög varðandi aksturí heiminum og hér eru nokkur dæmi:

Ástralía: skráðu kartöflurnar þínar

Markaðslögin um kartöflur sem samþykkt voru í Ástralíu árið 1946 banna ökumönnum sem eru ekki hluti af Kartöflumarkaðssamtökunum eða einum af umboðsmönnum þess að vera með yfir 110 pund af kartöflum.

Löggæslumenn þurfa ekki að vera með vigt; þeim er leyft að áætla þyngdina með því að horfa á hauginn.

Þeir sem brutu þessi lög á fjórða áratugnum áttu á hættu háar sektir en engar vísbendingar eru um að þeim sé enn framfylgt árið 2019.

Barein: getur farið í fangelsi

Í Barein geta lögreglumenn dæmt fangelsisdóma fyrir næstum öll umferðarlagabrot. Einhver sem keyrir yfir á rauðu ljósi á á hættu að eyða allt að sex mánuðum í fangelsi, borga 500 dínar (um 1.000 pund) sekt eða fá dæmdar tvær refsingar. Að skemma eignir á meðan á rauðu ljósi stendur er refsing allt að eins árs fangelsi og sekt sem getur numið 3000 dínarum (um £6100).

Kýpur: borðaðu áður en þú ekur af stað

Kýpur bannar ökumönnum að drekka undir stýri, jafnvel þótt það sé bara úr flösku af vatni. Að borða í akstri er líka ólöglegt þar sem ökumenn verða að hafa báðar hendur á stýrinu allan tímann. Og eins og í mörgum skandinavískum löndum biður Kýpur ökumenn um að vera alltaf með aðalljósin kveikt.

Frakkland: komdu með þinn eigin öndunarmæli

Franskir ökumenn hafa verið krafðir um að hafa ónotaðan öndunarmæli í bíl sínum síðan 2013. Þótt ökumenn sem völdu að kaupa ekki slíkan áttu upphaflega á hættu að fá 11 evrur (um 1.650 kr) sekt, komst refsingin ekki í endanlegri útgáfu af umferðarlögum þannig að það er engin refsing. Umferðareftirlitsmenn þurfa að segja eitthvað í líkingu við „það eru lög“ og nota eigin öndunarmæli til að athuga áfengismagn.

Þýskaland: Haltu tankinum þínum fullum

Það er ólöglegt að verða eldsneytislaus á þýska Autobahn-vegakerfinu. Yfirvöld telja eldsneytisleysi vera vandamál sem hægt er að koma í veg fyrir á meðan þeir benda á að stöðvun í vegarkanti sem oft er án hraðatakmarkana sé stórhættuleg. Sektin fyrir að keyra og verða eldsneytislaus getur numið 70 evrum (um 10.500 kr).

Japan: farðu varlega þegar það er blautt

Japanskir ökumenn þurfa að hugsa sig tvisvar um áður en þeir keyra í poll. Lögreglan segir að þeir þurfi að láta setja aurhlífar á bílinn sinn, draga úr hraða sínum og/eða gera aðrar ráðstafanir áður en þeir aka í gegnum vatn eða leðju til að tryggja að þeir úði ekki gangandi vegfarendum með því.

Japan: ekki aka með drukknum ökumanni

Japan tekur ölvunarakstur mjög alvarlega. Að aka undir áhrifum áfengis er augljóslega ólöglegt en farþegar eiga á hættu allt að þriggja ára fangelsi og hámarkssekt upp á 500.000 jen (um 500 þúsund kr.) ef þeir fara inn í bíl sem ölvaður ökumaður keyrir.

Spánn: engin heyrnartól

Að keyra með heyrnartól í eyrunum er hættulegt hvar sem er í heiminum; á Spáni er það ólöglegt, sama hvort þú ert að hlusta á tónlist eða tala í síma með handfrjálsum búnaði. Lögreglan segir að það sé aðeins leyfilegt að keyra með heyrnartól þegar þú ert að fá mótorhjólaréttindi og þarft að fá leiðbeiningar frá kennara

Sviss: ekki þvo heima

Í Sviss, þar sem almennt er skylt að gera það sem ekki er ólöglegt, mega ökumenn ekki þvo ökutæki sín í innkeyrslu sinni eða fyrir framan heimili sitt. Ríkisstjórnin hefur ekkert á móti hreinum bílum; lögin banna einfaldlega svissneskum ríkisborgurum að henda öllu sem gæti mengað vatnið í fráveitukerfinu, þar á meðal en ekki takmarkað við sápuna sem notuð er til að þvo bíla. Til að þrífa bíl í Sviss þarf að fara á næstu bílaþvottastöð og greiða fyrir að nota búnaðinn

Bandaríkin: engar skoðanir á ökutækjum

Í Bandaríkjunum hafa ríki og sýslur vald til að ákveða hvort ökutæki þurfi að standast reglulega öryggis- og útblástursskoðun. Sumir undanskilja ákveðna bíla á grundvelli aldurs eða yfirbyggingar á meðan aðrir hafa sleppt skoðun með öllu. Michigan, Montana og Norður-Dakóta eru algjörlega án skoðunar á bílum

Bandaríkin: að vera með farþega á pallinum

Ökumönnum á Hawaii er heimilt að flytja farþega aftan á pallbílnum sínum að uppfylltum ákveðnum skilyrðum. Þeir þurfa að vera að minnsta kosti 12 ára og öll sæti í stýrishúsinu verða að vera upptekin. Það er algeng og umdeild venja í ríkinu. Sumir halda því fram að það sé skaðlaust og hluti af hefð ríkisins á meðan aðrir benda á að það sé stórkostlega hættuleg leið til að flytja fólk.

Frakkland: gul ökuljós

Í áratugi þurftu bíla skráðir í Frakklandi að vera búnir gulum framljósaperum. Þessi lög eiga rætur að rekja til ársins 1936 og voru þau að sögn samþykkt til að hermenn gætu greint franska bíla og óvinabíla í sundur í stríði. Sumir halda því fram að það hafi ekkert með pólitík að gera og ljós voru gerð gul til að forðast að blinda ökumenn á móti. Hvort heldur sem er, voru gular perur lögboðnar fram til 1993.

Dubai: Úlfaldar hafa forgangsrétt

Í Dubai sem og annars staðar í Sameinuðu arabísku furstadæmunum eru úlfaldar mikilvægt tákn og njóta mikils virðingar í umferðarlögum. Ef úlfaldi sést á veginum hefur hann alltaf forgangsrétt og það er skynsamlegt að gefa þeim gott pláss.

Bandaríkin: Hægri beygja á rauðu

Flestar bandarískar borgir leyfa ökumönnum að beygja til hægri á rauðu ljósi ef engin önnur farartæki eru á leiðinni (þessir bílar hafa forgang). Hins vegar gildir þessi regla ekki um New York borg – hún er bönnuð þar nema annað sé tekið fram. Persóna Woody Allens – Alvy Singer – í kvikmyndinni Annie Hall árið 1977 nefnir þessa reglu – og Los Angeles borg – sem öfugt hrós þegar hann segir „Ég vil ekki flytja til borgar þar sem eini menningarlegi kosturinn er að geta gert hægri beygðu á rauðu ljósi.”

Ástralía: Læstu bílnum þínum

Ástralía kann að hafa eitthvað áhyggjulaust orðspor, en sum lög þess eru nokkuð ströng; til dæmis er skylda að kjósa í landskosningum, aukakosningum og þjóðaratkvæðagreiðslum.

Önnur nokkuð ströng lög eru um bílastæði: í flestum ríkjum landsins er ólöglegt að læsa ekki bílnum þínum án eftirlits. Sektir geta verið allt að A$2200 (um 225.000 kr).

Þetta voru nokkur dæmi um sérstæð lög og reglugerðir varðandi bíla og umferð.

(grein á vef Autocar)