VW lagfærir vandamál í hugbúnaði í ID3-rafbílnum

VW lagfærir vandamál í hugbúnaði í ID3-rafbílnum

FRANKFURT – Volkswagen hefur lagfært galla í hugbúnaðinum sem höfðu áhrif á afhendingar á ID3 rafbílnum þegar honum var hleypt af stokkunum.

VW er nú tilbúið að hefja afhendingu ID3 til evrópskra viðskiptavina með fullkomlega virkan hugbúnað, að því er talsmenn bílaframleiðandans sögðu við Automotive News Europe.

VW hóf afhendingu ID3 í september en án lykilaðgerða eins og App Connect, sem þýddi að eigendur gátu ekki notað Apple CarPlay og Android Auto. VW sagði að viðskiptavinir yrðu að snúa aftur til söluaðila síns vegna hugbúnaðaruppfærslu.

ID3, sem er í svipaðri stærð og Golf, er lykiatriði fyrir VW vegna þess að bíllinn er sá fyrsti af nýrri kynslóð hagkvæmra langdrægra rafbíla sem byggjast á MEB-grunninum. VW hefur breytt verksmiðju sinni í Zwickau í Þýskalandi til að smíða rafbíla á þessum grunni.

Verkfræðingar hafa lagað gallana og ID3 bílar sem smíðaðir eru í Zwickau héðan í frá munu virka að fullu, sögðu stjórnendur VW. ID3 bílar sem þegar hafa verið afhentir viðskiptavinum verða innkallaðir og lagfærðir.

Hugbúnaðaruppfærslan þýðir að viðskiptavinir geta notað App Connect. Aukin raunveruleikaútgáfa af vörpun upplýsinga upp á framrúðuna mun einnig virka eins og áætlað var og mun varpa leiðsöguleiðbeiningum í sjónlínu vegarins.

Upphaflega sagði fyrirtækið að viðskiptavinir sem kusu að taka við ökutæki sínu án hugbúnaðarpakkans yrðu að bíða eftir tíma til að fá uppfærslu innan fyrsta ársfjórðungs næsta árs.

VW stefnir að því að hraða ferlinu eins og kostur er og sumir ID3 bílar geta fengið uppfærsluna í lok árs.

Innköllunin verður þó ekki snögg heimsókn á verkstæðið. Hugbúnaðaruppfærslan er töluverð að stærð og gert er ráð fyrir að viðskiptavinir yfirgefi ökutæki sín á eina nótt til að lagfæra bilunina.

Sem bætur hefur VW boðið meðlimum þess sem það kallar „First Mover Club“ félaga sína hvata svo sem færri mánaðarlegar leigugreiðslur.

“Við höfum séð með First Movers okkar að þeir eru stoltir af bílnum sínum og þeir starfa sem sendiherrar vörumerkisins. Því ánægðari sem okkur tekst að láta á vera því mun meiri líkur eru á að þeir mælum með ökutækinu til vina sinna og kunningja,” sagði heimildarmaður VW.

Tesla hefur gengið svo vel að þóknast viðskiptavinum sínum með aðgerðum eins og að bjóða stöðugar þráðlausar uppfærslur að bandaríski bílaframleiðandinn hefur ekki þurft að nota hefðbundna markaðssetningu gegn gjaldi. Það reiðir sig á ókeypis auglýsingar, annað hvort í gegnum fjölmiðla, samfélagsmiðla eða munnmælt.

Volkswagen Group sagði í síðasta mánuði að fyrirtækið væri að auka fjárfestingar í rafbílum sem aðeins nota rafhlöður, sjálfstæðum akstri og tengdri framtíðartækni í um 73 milljarða evra frá 60 milljörðum evra fyrir ári. Fjárfestingin gerir ráð fyrir framleiðslu á um 26 milljón rafknúnum bílum í Evrópu, Kína og Bandaríkjunum árið 2030.

Um það bil 19 milljónir af þeim verða smíðaðir á MEB-grunninum, en mest af þeim sjö milljónum sem eftir eru munu nota öflugan PPE-grunn sem Audi og Porsche eru að þróa.

(Automotive News Europe)