Volvo tekur upp framleiðslutækni Tesla

• Volvo ætlar að skipta yfir í „megacasting“ tækni Tesla til að bæta drægni og hleðsluhraða í næstu kynslóð rafbíla sem smíðaðir verða í stærstu og elstu verksmiðju Volvo.
• Volvo Cars mun fjárfesta fyrir 10 milljarða sænskra króna (1,1 milljarð Bandaríkjadollara) til að undirbúa stærstu og elstu bílaverksmiðju sína í Torslanda í Gautaborg fyrir framleiðslu rafbíla.

Lykilhluti umbreytingarinnar verður að skipta yfir í „megacasting“ fyrir stóra boddýhluta úr áli.

„Þetta er stærsta tæknibreyting síðan við skiptum úr tré í stál [fyrir yfirbyggingar bíla],“ sagði Mikael Fermer, sem vinnur við grunn Volvo, í samtali við Automotive News Europe.

Yfirmaður verkfræði- og rekstrarsviðs Volvo, Javier Varela, sagði breytinguna hafa í för með sér 75 prósenta tímasparnað miðað við hversu stórir yfirbyggingarhlutar úr áli eru settir saman núna.

Í stað þess að stansa plöturnar er fljótandi áli sprautað inn í einu skoti og bílhlutinn verður til í einu lagi. „Þú  sleppur við stansa- og suðuferlana og skiptir þeim út fyrir „megasteypuferli“ sem er framkvæmd í einu skoti og fylgt eftir með smá lagfæringum eftir mótunina,“ sagði Varela við ANE.

Volvo stefnir að því að verksmiðjan í Torslanda verði tilbúin fyrir „megacasting“ fyrir árið 2025, sem er samhliða framleiðslubyrjun fyrsta rafbílsins í verksmiðjunni, þar sem Volvo framleiðir nú Volvo XC90 og XC60 jeppana og V90 stationbílinn.

Tesla er nú þegar að nota megacasting í framleiðslu sinni. Lykilmarkmið í verksmiðjunni, sem er nálægt Berlín, er að framleiða fram- og afturhluta yfirbyggingar fyrir Model Y jeppann úr stökum málmhlutum.

Risastórar mótsteypuvélar Tesla geta framleitt tvær álplötur sem koma í stað 40 stansaðra og soðinna hluta. Það minnkar um 40 prósent fjölda hluta sem fara í yfirbygginguna – og dregur einnig úr fjölda dýrra suðuvélmenna sem og gólfpláss sem þarf fyrir þau, sagði Jefferies sérfræðingur Philippe Houchois við ANE.

Aðrir bílaframleiðendur sem hafa áhuga á ferlinu eru meðal annars Mercedes-Benz, sem notaði einsþáttar steypuaðferðina til að mynda aftan á EQXX hugmyndabílnum sem þeir frumsýndu í síðasta mánuði á CES í Las Vegas.

Torslanda mun einnig framleiða rafhlöður

Torslanda verksmiðjan, nálægt Gautaborg, sem opnaði í apríl 1964, mun taka öðrum breytingum sem fela í sér að bæta við rafhlöðusamsetningarverksmiðju til að samþætta rafhlöðusellur og einingar í gólfbyggingu framtíðarrafbíla.

Framleiðslubreytingarnar eiga að hjálpa til við að auka drægni, stytta hleðslutímann og lækka kostnað á næstu kynslóð rafbíla Volvo, sagði bílaframleiðandinn í dag.

Volvo vill að helmingur af sölu sinni á heimsvísu – áætlað 600.000 eintök – verði rafhlöðuknúin árið 2025 og að það verði eingöngu rafmagnsmerki árið 2030. Til að gera umskiptin hefur Volvo tilkynnt um fjárfestingar á síðustu tveimur árum upp á meira en 4 milljarða dollara (sjá sundurliðun hér að neðan).

Stórfelld umbreyting

Nýlegar fjárfestingar Volvo munu breytast í að verða vörumerki eingöngu fyrir rafmagn árið 2030

• 1,1 milljarður dollara — Til að undirbúa verksmiðju í Torslanda í Svíþjóð fyrir rafbílaframleiðslu
• 1,6 milljarðar dollara — Að þróa og framleiða rafgeyma fyrir rafbíla sem hluti af 50-50 samstarfsverkefni með Northtvolt
• 76,6 milljónir Bandaríkjadollara — Til að bæta við framleiðslu rafmótorum fyrir rafbíla, í Skovde, Svíþjóð
• 76,6 milljónir dollara — Til að þrefalda framleiðslugetu rafbíla í Ghent, Belgíu

Það verður mikil breyting í framleiðsluferlinu þegar bílarnir koma nánast „fullsteyptir“ út úr „risasteypupressunum“.

Sérsniðin hönnun

Fermer, sem sneri aftur til Volvo árið 2018 eftir næstum þriggja ára starf hjá Apple sem verkfræðingur og yfirmaður vöruhönnunar, sagði að með því að nota „megacasting“ myndi Volvo „sérsníða hönnunina þéttar í kringum undirvagn, aflrás og innréttingu“.

Þetta ætti að hjálpa til við að bæta drægni, sagði hann, því það er hægt að lækka sæti, þaklínu og heildar þversnið bílsins á sama tíma.

Að steypa helstu hluta gólfbyggingar bílsins sem einn álhluta eykur einnig drægni með því að draga úr þyngd, sagði Volvo.

Varela sagði að það væri líka sjálfbærni ávinningur af því að fara yfir í „megacasting“.

„Allt álið sem þú ert að sprauta í mótið er notað,“ sagði hann. „Það verður ekkert rusl eins og gerist við stönsunina“.

Fermer sagði að umskiptin yfir í framleiðslu rafbíla væri hinn fullkomni tími til að skipta yfir í „megacasting“ því það ætti að gefa Volvo sveigjanleika til enn frekari breytingar.

„Það verða tækniþrep á mótorum, rafhlöðum, hverju sem er, svo það er gott að hafa arkitektúr sem er aðlögunarhæfur. Þannig geturðu fljótt skipt yfir í nýja tækni. Ef þú ert með hefðbundna framleiðslu með öllum þessum undireiningum er það sársaukafullt ef þú vilt breyta einhverju.”

Fyrir Varela verður stærsta áskorunin að skipta yfir í „megacasting“ á sama tíma og hefðbundin framleiðsluferli eru í gangi hjá Torslanda, en hann er öruggur með sitt fólk. „Við treystum getu fólks okkar og getu þeirra til að aðlagast og vera lipur,“ sagði hann.

Auk þess þekkir Volvo ferlið, þó í smærri mæli, frá kaupum á steyptum íhlutum eins og gormaturnum. „Við vitum nú þegar hvernig ferlið virkar. Nú ætlum við að gera það á miklu stærri hlutum.“

Hvað er Giga Press

Hugtakið „Giga Press“ var búið til af forstjóra Idra, Riccardo Ferrario, fyrir fyrstu pöntun á OL 5500 CS HPDC vél í maí 2019, sagði ítalska fyrirtækið í tilkynningu þar sem því var tilkynnt að hugtakinu hefði verið bætt við netalfræðiritið Wikipedia.

Samkvæmt Wikipedia er Giga Press röð af álsteypuvélum. Þetta eru stærstu háþrýstisteypuvélar í heimi, með pressuafl upp á 55.000 til 61.000 kílónewton. Hver vél vegur 410 til 430 tonn.

Eins og sjá má á myndinni er þetta engin smásmíði, enda geta þessar vélar framleitt heilu bílhlutina, til dæmis heilar liðar, í einu steypuferli.

Fermer bætti við að Volvo hafi „sótt nokkra virkilega háttsetta steypusérfræðinga“ frá öðrum bílaframleiðendum. Volvo neitaði að segja hvar þessi „handfylli“ stjórnenda starfaði áður.

Volvo á í viðræðum við „leiðandi vélaframleiðendur“ til að hjálpa því að skipta yfir í megacasting á Torslanda en engin ákvörðun hefur verið tekin, sagði talsmaður.

Tesla steypuvélar koma frá Idra Group, samkvæmt Bloomberg.

Hið nátengda ítalska fyrirtæki hefur selt svokallaðar Giga Press til þriggja viðskiptavina í þremur heimsálfum og á í viðræðum við aðra bílaframleiðendur og helstu birgja, bætti Bloomberg við.

(frétt á Automotive News Europe)