Tveir alveg nýir sportjeppar frá Mini

Tveir alveg nýir sportjeppar frá Mini

• Rafdrifinn sportjeppi á stærð við BMW X1 og stærri gerð með hefðbundinni vél til að leiða söluna

Samkvæmt yfirlitsfrétt á bílavefnum Autocar ætlar Mini að auka framboð sitt þannig að það nái til tveggja nýrra gerða sportjeppa í mestu endurnýjun fyrirtækisins síðan það fór í eignarhald BMW árið 2001.

Fyrirtækið er að þróa bæði rafknúinn „crossover“ sem hluta af kínversku samstarfi og sportjeppa með hefðbundnum brunamótor sem verður smíðaður á nýjasta grunni BMW. Þessum tveimur gerðum er ætlað að auka framboð Mini með því að taka vörumerkið á ónýtt markaðssvið og kynna fyrir nýjum viðskiptavinum, að sögn embættismanna sem hafa þekkingu á áætlunum.

Fyrsti Mini sem smíðaður verður í Kína er fimm dyra sportjeppi

Þrátt fyrir að upphaflega hafi verið sýnt fram á að nýr bíll fyrir markaðinn í Kína væri þriggja dyra „hatchback“ í svipuðu útliti og hugmyndabíllinn Rocketman, hefur Autocar verið sagt að fyrsti kínverski framleiddi Mini-bíllinn verði fimm dyra sporteppi í útliti sem er svipað og BMW X1. Sameiginlegt verkefni með kínverska bílaframleiðandanum Great Wall Motors mun einnig framleiða litla hlaðbaka síðar meir.

Samkvæmt upplýsingum frá innherjum í München, er staðfest að nýi rafknúni „crossover“-bíllinn mun nota nýjan samþróaðan grunn frekar en núverandi grunn. Gerðin mun einnig líklega fá nýja kynslóð af kóbaltlausum rafhlöðusellum frá SVolt – fyrrum deild Great Wall Motors sem var klofin frá fyrirtækinu og stofnað sem sjálfstætt fyrirtæki árið 2018.

Þrátt fyrir að það sé óstaðfest benda heimildir til að kínverska rafmagnsgerðin, sem í Mini búningi gæti fengið nafnið Paceman, gæti verið notuð sem grunnur í staðinn fyrir BMW i3.

Nýr rafmagns Mini er hugsaður fyrir bæði innlenda kínverska sölu og útflutning til núverandi markaða, þar á meðal í Bretlandi, og verður hannaður til framleiðslu í verksmiðju í Zhangjiagang, um 140 kílómetra frá Shanghai. Nýja framleiðsluaðstaðan er nú í vinnslu og áætluð að hún verði tekin í notkun árið 2022 með um 3000 starfsmenn og framleiðslugetan í upphafi verði um 160.000 bílar á ári, þar af bæði Mini og gerðir frá Great Wall Motor.

Stærri gerð sportjeppans „Traveller“ ætlað að hjálpa að koma Mini-vörumerkinu á Bandaríkjamarkað

Á eftir „crossover“-rafmagnssportjeppanum mun Mini kynna enn stærri gerð sportjeppa sem gæti endurvakið Traveler nafnið. Áætlað er að þessi gerð muni birtast árið 2024 og er búist við að tilkoma þessa bíls mun auka söluna.

Mini upplifði annað árið í röð þar sem sala minnkaði árið 2019. Þrátt fyrir að sala á heimsvísu, 347.474 bílar í fyrra, hafi aðeins verið 24.720 minna en metið 2017 sem var 372.194 seldir bílar, sér móðurfyrirtækið BMW miklu meiri möguleika fyrir vörumerkið, sérstaklega í Asíu og Norður-Ameríku. markaðir þar sem þessum nýju gerðum sportjeppa er ætlað að ná fótfestu.

Nýju gerðirnar eru ætlaðar til að viðhalda hefðbundinni áherslu Mini á minni bíla og innherjar benda til þess að þeir verði markaðsettir sem minnsti valkosturinn í sínum flokkum. Hins vegar er hefðbundin gerð með brunahreyfli, bíll sem Bernd Körber, stjórnandi Mini hefur borið saman við BMW X3, stærsta gerð Mini hingað til. Þrátt fyrir að það sé mikil leynd á þessum nýja bíl mun hann vera staðsettur fyrir ofan núverandi Countryman, bæði í stærð og verði.

Mini Traveller nútímans er enn á frumstigi þróunar. Körber hefur þó sagt Autocar að þrátt fyrir að „það væri erfitt að ímynda sér Mini á stærð við BMW X3 eða X5“, þá sé þörf í næstu kynslóð Mini „til að takast á við vöxt sportjeppa og skoða hvort okkur vanti lítinn sportjeppa “.

Nýja gerðin myndi líklega nota CLAR grunn BMW sem gefur þeim möguleika til að framleiða í Bandaríkjunum þar sem X3, X5, X6 og X7 eru allir framleiddir. Þetta myndi einnig gera það að þetta yrði fyrsti bíllinn frá Mini til að nota langstæðan mótor, en allt frá fyrsta Mini-bílnum hafa þeir allir verið með þverstæðan mótor.

Markaðurinn kallar á stærri bíla

Ákvörðunin um að bæta stærri Mini við línuna hefur verið knúin af óskum kaupenda á nokkrum af stærstu mörkuðum þess. Körber sagði: „Countryman er lítill sportjeppi. Í Bandaríkjunum og Kína eru ákveðnar þarfir. Við munum líta á minni sportjeppa í næstu kynslóð. Það er mikill ávinningur af bílnum svona til notkunar í þéttbýli. Fyrir mig er þetta góð samsvörun. “

Þrátt fyrir að Traveller muni verða stærsta gerð Mini hingað til sagði Körber, stjórnandi Mini, að hann væri samt einn sá minnsit í framboði á sínummarkaðssviði: „Við getum teygt túlkunina á því að Mini sé alltaf minnsti en ég get ekki ímyndað mér að vera stærri í slíkum markaðshluta. Við verðum að uppfylla kröfur um stærð“.

Nýr Mini verður minni og þróaðri

Samhliða áætlunum um nýju sportjeppana tvo heldur Mini áfram að halda áfram með þróun fjórðu kynslóðar upphaflega Mini. Körber hefur sagt Autocar að nýi bíllinn verði aðeins minni en núverandi gerð í dag og bjóða upp á algerlega nýja innréttingarupplifun.

Grunngerð nýja Mini er ætlað að ná til sýningarsala í Bretlandi undir lok ársins 2022. Það mun bjóða upp á breitt úrval af rafdrifnum gerðum, þar með talið nýlega þróað 48V mildum-blendingi með bensínvél með svifrykssíu aðgerðir eins og sjálfvirkum ádrepara bensínvélarinnar, og endurheimtu orku með hemlun fyrir bættan skilvirkni í One, Cooper og Cooper S gerðum.

Á sama tíma hyggst Mini fylgja eftir nýlega kynntum rafmagnsbíl með nýrri annarri kynslóð bílsins sem er með skilvirkari rafmótor og rafhlöðutækni nútímans. Því er haldið fram að þetta bæti aksturssvið á rafmagni ásamt 150kW hraðhleðslugetu.

Framtíð sportbíladeildarinnar John Cooper Works og GP-gerða er einnig örugg, sagði Körber.

Með nýju útliti er nýja Mini ætlað að fylgja þróunarbraut nýlegra gerða, með túlkunum á hefðbundnum þáttum eins og sexhyrndum grillum, kringlóttum ljósum og „fljótandi“ þaki. Hins vegar er lenging hjólhafsins stillt þannig að bíllinn fái styttri framenda og aðeins hallandi vélarhlíf, samkvæmt þeim sem standa nærri hönnuninni.

Því er haldið fram að breytingarnar á framhliðinni stytti bilið frá öxli til yfirbyggingar, sem gerir kleift að færa A-bitana lengra fram, sem er lýst sem „hefðbundnari Mini-hlutföll“. Yfirbyggingin er sögð svipuð í hönnun og Centenary hugmyndabíll fyrirtækisins frá 2016.

Að innan mun nýi bíllinn kasta fyrir róða þemanu sem hefur einkennt allar gerðir Mini síðan bíllinn gekk í endurnýjun þegar fyrirtækið kom í eigu BMW árið 2001. Í stað þess er það sem innherjar lýsa sem nútímalegra farþegarými með stafrænu viðmóti og nýjum aðgerðum eins og stjórnun með tali.

Oliver Heilmer, yfirmaður hönnunar Mini, sagði: „Meginatriði hér er samspil og þetta er eitthvað sem við verðum að móta. Ein nálgun fyrir Mini væri að ýta tækninni sem krafist er í bakgrunninn. Það er stórt tækifæri en líka mikil áskorun.“

Þrátt fyrir fyrirhugaða yfirferð á innréttingu Mini verður hringlaga, miðstýrða mælaborðseiningi áfram til staðar.

Þrátt fyrir að upphaflegar efasemdir væru um framtíð blæjuútgáfunnar vegna lítillar arðsemi bílsins, er það nú staðfest að hún verði áfram samhliða arftaka fimm dyra bílsins – sem hefur selst umfram væntingar fyrirtækisins síðan hún kom til sögunnar árið 2014. Eins og með núverandi gerðir mun framleiðsla fara fram bæði í hinni hefðbundnu Cowley verksmiðju Mini í Oxford og á VDL Nedcar verksmiðjunni í Born, Hollandi.

Seinna áformar Mini að auka framboðið sviðsins með arftökum fyrir Clubman og Countryman, þvert á fyrri fréttir um að Clubman gæti breyst í sportjeppa.

Báðar nýju gerðunum er ætlaðar til að nota annarrar kynslóðar útgáfu af FAAR grunni BMW ásamt vali á annað hvort 48V mildum blendingi með bensín og dísel eða tengitvinngerðir rafbíla með bensínvél. Tengitvinnbílunum er ætlað að nota nýja rafhlöðusellutækni, sem eins og einn helsti innherja Mini kallar „gríðarlega bætt rafmagnssvið“.

(Byggt á grein á bílavefnum Autocar)