Nýr Volkswagen Nivus kemur til Evrópu

Nýr Volkswagen Nivus kemur til Evrópu seinni hluta ársins 2021

• Nýr Volkswagen Nivus er coupé-sportjeppaútgáfan af T-Cross og hann mun keppa við Toyota C-HR þegar hann kemur til Evrópu síðar á þessu ári

Volkswagen hefur staðfest að það muni flytja litla coupé sportjeppann sinn, Nivus, til Evrópu seinni hluta ársins 2021.

Volkswagen Nivus, sem var upphaflega kynntur í Brasilíu síðastliðið vor, er í raun núverandi T-Cross en með flæðandi þaklínu að aftan sem gefur honum aðeins sportlegra snið og útlit.

VW hefur alltaf sagt að Nivus yrði einnig framleiddur í Evrópu samhliða framleiðslu Suður-Ameríku, en engin dagsetning fyrir upphaf framleiðslu í Evrópu hefur verið gefin upp. Ralf Brandstatter yfirmaður vörumerkis VW staðfesti áætlunina á árlegum blaðamannafundi fyrirtækisins í morgun, miðvikudag.

„Seinni hluta þessa árs munum við sjá kynningu á nýrri sportlegri gerð fyrir Evrópu,” sagði hann. Á kynningunni var sýnt að bíllinn komi á markað á þriðja eða fjórða ársfjórðungi, sem þýðir að kynning með haustinu er líkleg, þar sem sala hefst fyrir veturinn.

VW Nivus er byggður á MQB A0 grunni, minnsta útgáfan af mátpalli VW Group og sama arkitektúr og bæði T-Cross ssportjeppinn og núverandi Polo.

Hann er aðeins lengri en T-Cross í heild, 4.266 mm, en þaklína bílsins situr um 10 mm lægra. Bíllinn mun veita VW stílmiðaðan lítinn sportjeppa – hugsanlegan keppinaut bíls eins og Toyota C-HR – á sama tíma og sala á þessu markaðssvæði eykst.

Í Suður-Ameríku er bíllinn seldur með valkosti á einni vél, 1,0 lítra þriggja strokka bensínvél, og líklega myndar það einnig kjarna evrópsku línunnar. Það er þó mögulegt að VW gæti einnig boðið upp á öflugri útgáfur af ökutækinu með 1,5 lítra fjögurra strokka vél.

Engar dísil- eða blendingsútgáfur eru líklegar, fyrst og fremst að hluta til til að halda verðlagningu á viðráðanlegri hátt.

Polo og T-Roc eiga að fá andlitslyftingu

Brandstatter staðfesti einnig, á meðan, að Polo og T-Roc módelin eiga að fá andlitslyftingar á þessu ári til að „auka hönnun, gæði og stafræna myndun“. Búist er við að Polo fá uppfærslur sínar fyrir sumarið en stærri T-Roc sportjeppinn er merktur á síðasta fjórðungi ársins 2021.