Nýr 2025 Fiat Tipo fær endurnýjun með „jeppaútliti“

Nýr 2025 Fiat Tipo fær endurnýjun með „jeppaútliti“

Næsta kynslóð Fiat Tipo mun skipta úr hlaðbaki yfir í crossover í fjölskyldustærð

Eitt af því sem setur aðalsmerki sitt á bílaheiminn þessa dagana er að rótgrónir og hefðbundnir fólksbílar skipta um útlit og nýjar gerðir þeirra fá á sig „jeppaútlit.

Þar á meðal er Fiat Tipo sem hefur verið hefðbundinn „millistærðar“ fólksbíll, tók raunar við af Fiat Uno á sínum tíma.

En núna færir vefur Auto Express okkur frétt um breytingu þar á og birtir af því tilefni myndir frá Avarvarli sem eiga að sýna okkur hvernig þessi nýja gerð Tipo gæti litið út:

Fiat er tilbúið fyrir mikla endurnýjun sem hluti af víðtækari Stellantis Group – og fyrirtækið mun taka afgerandi skref í að styrkja úrval sitt þegar það kemur með nýjan Fiat Tipo í fjölskyldustærð á markaðinn árið 2025.

Ítalska vörumerkið er af mörgum metið sem sofandi risi og hefur á undanförnum 15 árum átt í erfiðleikum með að réttlæta þá fjárfestingu sem þarf til að halda úrvali sínu af smábílum við hæfi.

Það mun breytast á næstu fjórum árum, þar sem gerðir – þar á meðal endurfæddur Punto og arfataki Panda – hafa þegar verið teiknaðir og settir inn í vöruáætlun sem nær langt út fyrir 500-bílinn.

Nú hefur stjóri Fiat, Olivier François, staðfest að sem hluti af hlutverki vörumerkisins innan Stellantis (sem inniheldur einnig almenna framleiðendur eins og Vauxhall, Citroen og Peugeot), að það ætli að endurskoða Tipo-bílinn sem er keppinautur Focus og Golf.

„Það sem ég elska við Fiat er að við höfum aðeins tvö verkefni – bíla sem nota má í þéttbýli og fjölskyldusamgöngur á viðráðanlegu verði,“ sagði François.

„Annað þeirra þýðir pláss, pláss, pláss – pláss fyrir peningana, hugvit þegar kemur að litlum hlutum sem einfalda líf þitt á meðan þú notar bílinn fyrir alla fjölskylduna.

„Þetta er C-stærðarhluti framboðsins [fjölskyldubíllinn] og þú munt sjá hann árið 2025. Við þurfum að skipta um Tipo.

Ekki reyna að fá meira út úr mér um útlitið, en hann mun fara yfir hefðbundið breytiferli, eins og allir gera núna. Þannig að hann verður svolítið jeppalegur, en á nýstárlegan hátt.“

Myndir Auto Express endurtúlka Tipo sem crossover í fjölskyldustærð, með vísbendingum frá nýrri bílum Fiat sem seldir eru utan Evrópu.

Það er vegna þess að nýja gerðin þarf að seljast um allan heim og höfða til viðskiptavina alls staðar, frá Tyrklandi til Rómönsku Ameríku, sem og á hefðbundnum mörkuðum fyrir fjölskylduhlaðbak eins og Ítalíu, Þýskalandi, Frakklandi og Bretlandi.

Hann mun einnig þurfa að skipta út þremur gerðum yfirbyggingar: hefðbundnum hlaðbaki, fólksbíl og stationgerð.

„Það er engin leið að Fiat geti orðið reglulega arðbær – og ekki erum við arðbær núna, en áætlun okkar er að það verði það í auknum mæli – fyrr en við náum að sameina evrópsku og suður-ameríska línurnar okkar,” sagði François.

„Bíllinn sem við munum setja á markað árið 2023 [væntanlega 500X EV] verður enn evrópskur, því hann er frá því áður en við urðum hluti af Stellantis.

Það tekur tíma að sameinast.

„En við byrjum árið 2024, 2025 og 2026; þetta er sjóndeildarhringurinn minn fyrir bíla sem hafa verið lengi á teikniborðinu og í raun stopp í hönnun og svo framvegis, og við ætlum að vera með eina línu.

Hann getur verið rafknúinn á einu svæði og með brunavél á öðru, með aðeins minniháttar aðgreiningu, sem gerir okkur kleift að framleiða marga bíla á sama grunni.“

Þessi tveggja spora nálgun á aflrásum opnar heim af pallamöguleikum. Tipo er við lok líftíma CMP/e-CMP grunnsins – sem er undirstaða allt frá Peugeot 208 til Citroen C4 – en árið 2025 er einnig upphafspunktinn fyrir alrafmagnaða STLA Small grunninn sem mun í raun koma í staðinn.

Grunnarnir tveir munu deila fjölmörgum hlutum, sem hugsanlega gerir kleift að nota báða, en líklegasta atburðarásin er sú að Fiat haldi sig við CMP fyrir bæði Evrópu og Suður-Ameríku.

Fyrirtækið hefur líka sinn eigin grunn sem miðar að Rómönsku Ameríku, kallaður MLA, en það er ólíklegt að hann verði notaður vegna þess að hann er í grundvallaratriðum byggður á miklu eldri vélbúnaði sem var þróaður með General Motors, í stað Stellantis.

François lagði til að í raun væri hægt að bjóða meirihluta evrópskra viðskiptavina næsta Tipo sem rafbíl eingöngu, þó að hann hafi gefið í skyn sveigjanleika í hönnun bílsins – annað svæði þar sem CMP myndi skora hátt: “Okkar metnaður – er að setja hverja nýja gerð eingöngu sem rafmagnsbíl í Evrópu frá 2024.

Við getum gert það vegna Stellantis og samnýtingu á tækni.

Við verðum að fylgjast með markaðnum, hlusta á viðskiptavini og rafhlöðukostnaðurinn lækkar ekki eins hratt og við viljum.

„Við verðum tilbúnir ef tæknin og innviðirnir leyfa það. En aðalmálið er að þar sem við verðum með sömu bíla á tveimur svæðum, þar af annan sem verður ekki rafmagns, höfum við tíma til að undirbúa okkur vel.

Við höfum framtíðarsýn en erum líka raunsæ.“

Sala í Evrópu náði hámarki í yfir 125.000 eintök árið 2016, en hefur farið niður í tæpan fjórðung af þeirri tölu.

Hann er nú framleiddur í Bursa-verksmiðjunni í Tyrklandi, þar sem nú er töluverð framleiðslugeta umfram eftirspurn eftir að Stellantis flutti fjölda atvinnubíla, þar á meðal Vauxhall Combo og Fiat Doblo, í verksmiðju sína í Vigo á Spáni.

(Frétt á vef Auto Express).