Nýr 2021 Volkswagen T7 Multivan kemur í stað Caravelle

Nýr 2021 Volkswagen T7 Multivan kemur í stað Caravelle

• Volkswagen T7 Multivan MPV skiptir yfir á MQB grunn og bætir við tengitvinnbíltækni

Það er áberandi útlit og nýtt nafn fyrir stærsta fjölnotabílinn frá Volkswagen, vegna þess að VW T7 Multivan hefur verið afhjúpaður í staðinn fyrir T6 Caravelle.

Á meðan Caravelle var fólksflutningabílsútgáfan af hinum meðalstóra sendibíl VW, er nýja gerðin sett upp sem ný gerð sem mun einnig leysa af hólmi Touran og Sharan fjölnotabílana, en T6 verður áfram smíðaður sem atvinnubíll.

Báðar gerðirnar fá til viðbótar hinn rafknúna ID.Buzz, sem er væntanlegur árið 2022. Þessi breyting þýðir að Multivan hefur verið uppfærður með tæknivæddum innréttingum og nýjum drifrásum, þar á meðal sem tengiltvinnbíl.

Að utan er nýi Multivan með útlit sem fellur einhvers staðar á milli sviðs Golf og ID rafmagnsgerða VW, með mjóu grilli og LED framljósum sem staðalbúnað, tiltölulega sléttu nefi, hreinum línum í yfirbyggingu og nýrri láréttri hönnun afturljósa.

Mjóum A-bitum er ætlað að bæta yfirsýn fram á við, en stórir gluggar mun skapa rúmgóða innréttingu.

Að innan hefur VW uppfært bílinn í sjö sæta innra skipulag. Nú eru fimm stakir stólar – svo stóri, þungi þriggja sæta bekkurinn hjá Caravelle er ekki lengur til staðar- og stólarnir sjálfir eru allt að 25 prósent léttari en forverinn.

Eins og í Caravelle geta sætin runnið fram og til baka á gólfbrautum, hægt er að snúa tveimur sætum í röðinni í 180 gráður og það er borð, sem hægt er að stilla á ýmsa vegu staðsett á milli þeirra.

Algjörlega flatt gólfið í Multivan þýðir að nú er hægt að færa borðið allt fram á milli framsætanna. Valfrjálst glerþak er einnig fáanlegt í fyrsta skipti.

Tækni um borð inniheldur 10,25 tommu stafræna skjáinn fyrir mælaborðið, snertiskjástýringu og USB-C tengingu, en sprettiskjár í sjónlínu ökumanns, sem er aukabúnaður er sá fyrsti í atvinnubifreið frá VW.

Samþætt eSIM þýðir að Multivan er alltaf tengdur, en leiðsögukerfi og tengd þjónusta – eins og sést annars staðar í bílum VW – er í boði.

Að öðru leyti er Multivan með rafmagns stöðuhemil sem staðalbúnað, en allar gerðir eru eingöngu með DSG sjálfskiptingu og það að losna við gírskiptingu og handfang stöðuhemils hefur skapað enn meira rými.

Það eru 469 lítrar af farangursrými í sjö sæta uppsetningu og 1.844 lítrar þar sem aftasta röðin er fjarlægð.

Multivan kemur í tveimur lengdum, sem eru 4.973 mm og 5.173 mm, og þessar gerðir hafa hámarks burðargetu 3.672 lítra og allt að 4.053 lítra, þegar þær eru með útsýnisþaki.

Þó að T7 Multivan bjóði upp á betri aðstöðu fyrir farþega, er hann ekki eins og er ætlaður til að mynda grundvöll fyrir nýtt úrval af fellihýsum í Kaliforníu-útgáfu eins og gamli bíllinn – þetta mun halda áfram að byggja á T6.1 sendibílnum.

Fremst meðal aflrásanna er tengt tvinnkerfi svipað því sem er að finna í Golf og Passat GTE gerðum.

Uppsetning eHybrid notar 1,4 TSI túrbóvél og rafmótor til að framleiða samanlagt 215 hestöfl, en 13kWst litíumjónarafhlaða mun aðeins skila rafknúnum gangi í um það bil 50 kílómetra.

EHybrid er fáanlegur frá og með frumsýningunni samhliða tveimur bensínvélum, 134 hestafla 1.5 TSI og 201 hestafla 2.0 TSI. Athyglisvert er að 148 hestafla 2.0 TDI dísilvélin – það sem áður var alls staðar nálæg vél í heimi VW atvinnubíla – verður ekki fáanlegur við frumsýninguna, en kemur árið 2022 í staðinn.

Öryggisbúnaður fylgir öðrum MQB-gerðum, þar sem boðið er upp á neyðarhemlun í borgarumhverfi, greining á vegaskiltum og akreinaaðstoð, en Multivan er einnig með Car2X, kerfi sem leyfir staðbundin samskipti við önnur ökutæki og upplýsingar vegna aksturs á þjóðvegum, og gerir kleift að vara við mögulegum biðröðum og töfum.

360 gráðu myndavélar og IQ.DRive Travel Assist hálf sjálfstæður akstur er einnig fáanlegur.

(byggt á frétt á vef Auto Express – myndir VW)