Nissan sagt ætla að hætta með Leaf rafbílinn

Nissan sagt ætla að hætta með Leaf rafbílinn

Nissan veðjaði milljörðum í það að heimurinn væri tilbúinn fyrir rafbíl árið 2010. En Leaf náði ekki því flugi sem honum var ætlað og nú þegar iðnaðurinn snýr sér að fullu að rafbílum undirbýr Nissan að hætta með Leaf í áföngum.

Samkvæmt frétt á Bandarísku útgáfu Automotive News er Nissan Leaf rafbíllinn á útleið – og ný gerð mun koma í staðinn.

Nissan stendur frammi fyrir þeirri staðreynd að það barðist í meira en áratug við að selja brautryðjandi rafbíl sem bandaríski markaðurinn var ekki tilbúinn fyrir – og sem á endanum dróst aftur úr keppinautunum sem fylgdu honum.

Löngu áður en Tesla kom sá og sigraði í rafbílum, reyndi Nissan að kveikja í þessum flokki með fyrsta ódýra, fjöldamarkaðsrafbílnum, sem kom á markað í Bandaríkjunum síðla árs 2010.

En litla Leaf hefur síðan að mestu verið olnbogað af markaðnum af bylgju betri tilboða.

Skipt út fyrir nýja gerð

Nissan ætlar ekki að koma með næstu kynslóð Leaf og mun í staðinn skipta honum út fyrir nýja gerð sem er betur löguð að þörfum nútíma rafbílakaupenda, sögðu þrír heimildarmenn Automotive News. Heimildir voru skiptar um hvort nafnið Leaf myndi halda áfram. Framleiðslu á núverandi Leaf ætti að ljúka um miðjan þennan áratug.

Brian Brockman, talsmaður Nissan, neitaði að velta fyrir sér framtíð Leaf en benti á „endurnýjaðan“ áhuga viðskiptavina og vaxandi eftirspurn eftir rafbílum.

Nýr kafli

En jafnvel þegar Nissan lokar bókinni á fyrsta skrefi sínu í rafvæðingu á fjöldamarkaði, er fyrirtækið að búa sig undir annan þátt. Japanski bílaframleiðandinn leggur næstum 18 milljarða dollara undir í rafvæðingu og afhendir 15 rafhlöðurafmagnaðir gerðir á heimsvísu fyrir árið 2030.

Nýja herferðin byggir án efa á lærdómnum af Leaf.

„Þar sem spáð er að rafbílar verði 40 prósent allrar sölu Nissan í Bandaríkjunum árið 2030, munum við bjóða upp á úrval rafbíla í ýmsum flokkum til að mæta vaxandi kröfum bandarískra viðskiptavina,“ sagði Brockman.

Sá fyrsti af þessum bílum – Ariya crossover – kemur á markað í Bandaríkjunum í haust.

Leaf kom til Bandaríkjanna 18 mánuðum áður en Tesla vakti heimsbyggðina með Model S rafbílnum. Hlaðbakurinn frumsýndi nýja aflrás – 24 kílóvattstunda litíumjónarafhlaða knúði fyrstu gerðina – og kynnti nýja tækni og framleiðslunýjungar.

Jeff Schuster, hjá LMC Automotive, sagði að fyrstu kynslóð rafbíla síðasta áratugar hafi verið álitin „vísindaverkefni“ frekar en hagnýtur valkostur við gerðir brunahreyfla. Og Leaf tengist þessum fyrstu rafbílum í stað þess að endurspegla hvert markaðurinn stefnir.

„Mig grunar að Nissan vilji skilja sig frá þessu,“ sagði Schuster.

En þetta eru enn aðeins vangaveltur og framtíðin verður að leiða í ljós hvað gerist með Nissan Leaf og hvort honum verður ýtt út fyrir nýjan bíl.

(Automotive News)