- ?Hugmynd Kia að nýjum EV9 crossover sýnd fyrir frumsýninguna þann 17. nóvember
- ?Sterklegur, kassalaga rafbíll notaður til að sýna áherslu Kia á sjálfbærni
Með aukinni rafbílavæðingu má sjá að hönnun hins hefðbundna fólksbíls er að breytast – og það hressilega!
Kia kynnti væntanlegan rafmagns-crossover bíl sinn, EV9, fyrir fáeinum dögum og hefur síðan birt nokkrar myndir af bílnum, en „alvöru“ frumsýning er ráðgerð þann 17. nóvember næstkomandi. Í 18 mínútna langri kynningu sem bar yfirskriftina „Kia Sustainability Movement: Inspiration Inspired by Nature“ og var streymt beint á netinu, fjallaði framleiðandinn um sjálfbærnimarkmið fyrirtækja og nokkur atriði sem munu einkenna hinn nýja crossover.
Einnig birtust nokkur stutt myndbönd á Instagram og YouTube, þar á meðal þetta hér:
Enn meira kassalaga
Ef við áttum von á einhverju kassalöguðu, þá hefur nú verið staðfest að yfirbygging bílsins verður einmitt kassalaga.
![](https://uploads-ssl.webflow.com/5d7552387a6dfa8251256682/618f119227949bca43cc506b_KIA_EV9-mynd-2.jpg)
Skyggðu myndirnar sýna breiða yfirbyggingu, áberandi axlarlínu sem skilur gluggahlutann að frá málmyfirborðinu fyrir neðan. Fyrir neðan þessa línu má sjá á EV9-hugmyndabílnum bretti með ferköntuðum áherslum sem eru yfir flottum felgum þar sem hönnunin minnir á spólur í gömlu segulbandstæki. Til viðbótar eru m.a. löng framljós sem liggja ofan á brettunum að grillinu, rist með innbyggðum litlum ljósum, LED afturljós sem eru sveigð upp og stór, egglaga sóllúga.
![](https://uploads-ssl.webflow.com/5d7552387a6dfa8251256682/618f121084f3147f78a499f7_kia%204.jpg)
Að sjálfsögðu „flugvélastýri“
Að innan er rétthyrnt stýri fest við stýristúpuna með breiðum armi að neðan. Á bak við það er eina „skrautið“ á mælaborðinu, ofurbreiður skjár og nokkrir upplýstir vísar meðfram fremstu brún mælaborðsins. Það virðast ekki vera neinir hnappar á mælaborðinu eða miðjustokknum.
Í kynningunni sagði Karim Habib yfirhönnuður Kia að í EV9 hugmyndabílinn verði endurunnið fiskinet notað í gólfefnið, endurunnið plast og ullartrefjar í sætisáklæðin sem og „vegan“- leður.
Að innan yrði bíllinn með eins konar sveigjanlegt setustofurými, sem gæti þýtt flott snúningssæti sem myndu byrja að undirbúa okkur fyrir „sjálfakandi“ stofurnar sem við höfum horft á í hugmyndaformi í mörg ár. Eða minna á breytta „van“-bíla frá áttunda og níunda áratug síðustu aldar.
![](https://uploads-ssl.webflow.com/5d7552387a6dfa8251256682/618f1271d085c450b268cb94_KIA_EV9-mynd-5.jpg)
Frumsýndur 17. nóvember í Los Angeles
EV9 hugmyndabíllinn verður frumsýndur 17. nóvember á bílasýningunni í L.A., sama dag og crossover hugmyndabíllinn, Hyundai Seven, verður frumsýndur. Framleiðsluútgáfa EV9 er væntanleg einhvern tíma árið 2023 og verður sennilega stærst þeirra rafbílunum sem tilheyra EV-línu Kia. Bílarnir bera allir nafnið EV og fyrir aftan það kemur tala, frá 1 til 9. Kia mun líklega veita einhverjar upplýsingar um aflrás bílsins á frumsýningunni sjálfri.
![](https://uploads-ssl.webflow.com/5d7552387a6dfa8251256682/618f12be7dcd210d0e011894_KIA_EV9-mynd-3.jpg)
Eftir 2023 verður markið Kia að bjóða einungis rafbíla á Evrópumarkaði frá 2035 og en á öðrum lykilmörkuðum verður miðað við árið 2040. Framleiðandinn stefnir að því að fyrirtækið verði kolefnishlutlaust árið 2045.
(Byggt á frétt Autoblog)
Hvað finnst þér, lesandi góður? Smelltu hér til að skapa umræður við Facebookfærslu þessarar greinar! Og endilega láttu þér „líka“ við okkur á Facebook til að missa ekki af fréttum úr bílaheiminum.
Kynningarmyndband um sjálfbærnistefnu Kia:
Umræður um þessa grein