Elon Musk afhenti fyrsta Tesla Y í Berlín

• Elon Musk afhenti í dag persónulega fyrsta „þýska“ Tesla Model Y en bíllinn var smíðaður í Gigafactory í Berlín.

Við höfum sagt frá upphafi framleiðslunnar í verksmiðju Tesla í Berlín en Tesla hefur nú formlega afhent fyrsta þýsk-smíðaða Y-bílinn þar, sem markar mikilvæg tímamót í útrás Tesla.

„Þetta er stórmerkilegt vegna þess að þetta eru fyrstu Tesla farartækin sem framleidd eru í Evrópu og ekki er síður áhugaverð sú staðreynd að þetta er í bakgarði hins sterka þýska bílaiðnaðar,“ segir vefsíðan www.electrek.co.

Þetta er sannarlega stór áfangi fyrir Tesla, ekki aðeins fyrir að bæta framleiðslugetu með nýrri verksmiðju og það að nýta sér hæfileikahópinn í Evrópu, heldur mun það líka hjálpa Tesla varðandi sína flutninga með því að láta framleiða farartæki í Evrópu til að fæða evrópskan markað og losa um framleiðslu í Bandaríkjunum og Kína fyrir aðra markaði.

Elon Musk fór í ferðina til Gigafactory Berlín til að afhenda viðskiptavinum fyrstu bílana persónulega og hélt hann stutta ræðu sem er í myndbandi hér fyrir neðan.

Forstjórinn þakkaði öllum sem komu að uppsetningu verksmiðjunnar og gerði sitt til þess að fullvissa fólk um að Tesla muni „gera hið rétta“ með verksmiðjuna:

„Tesla mun sjá til þess að þetta verði gimsteinn fyrir svæðið, Þýskaland og heiminn,“ sagði hann meðal annars.

Musk ítrekaði þá sýn sína að rafknúin farartæki, sólar- og vindorka, ásamt rafhlöðum til orkugeymslu geti unnið gegn loftslagsbreytingum og að Gigafactory Berlin sé „stórt skref“ í þá átt.

Hann sagðist óska þess að þær lausnir gætu fyllt fólk bjartsýni til framtíðar.

Hér í myndbandinu má heyra Elon Musk flytja ræðuna í heild, auk þess sem sjá má fyrstu afhendingarnar á nýju bílunum (frá David hjá Tesla Welt hlaðvarpinu):

Tesla deildi engum upplýsingum um núverandi framleiðslugetu verksmiðjunnar, sem er gert ráð fyrir að nái 500.000 farartækjum á ári þegar fyrsti áfangi verksmiðjunnar er kominn í full afköst, en það gæti tekið mörg ár að komast þangað.

Í upplýsingum varðandi árið 2022 tók bílaframleiðandinn ekki framleiðslu nýju verksmiðjanna í Berlín og Texas með í reikninginn.

Fyrirtækið ætlar einnig að framleiða rafhlöðusellur í Gigafactory Berlín – sérstaklega nýju 4680 rafhlöðusellurnar – en í bili eru Model Y sem framleiddir eru í verksmiðjunni búnir rafhlöðusellum af gerðinni 2170.

(frétt á vef Electrec)