Kalifornía vill sekta háværa bíla

Kalifornía vill sekta háværa bíla með hljóðskynjandi umferðarmyndavélum

Verði þetta samþykkt munu sex borgir taka þátt í viðleitni áætlunarinnar til að stöðva hávaðamengun.

Samkvæmt frétt á bílavefnum Jalopnik í Bandaríkjunum, gera yfirvöld í Kaliforníu víðtækari atlögu að of háværum bílum í umferðinni.

Bílaáhugamenn voru brjálaðir árið 2019 þegar frumvarp Kaliforníu númer 1824 tók gildi.

Lögin voru uppfærsla á reglugerðum ríkisins um hversu mikinn hávaða ökutæki getur gefið frá sér og hvernig lögregla gæti framfylgt þeim mörkum.

Nú, eins og Autoweek greinir frá, gæti nýtt frumvarp hugsanlega aukið eftirlit með hávaða í ökutækjum til að fela í sér notkun hljóðskynjandi umferðarmyndavéla.

Fólksbílar 95 db – mótorhjól 80 db

Áður en einhver verður brjálaður er mikilvægt að benda á að þetta frumvarp breytir á engan hátt sjálfum hávaðamörkunum, sem hafa verið í gildi í mörg ár: 95 desibel er hámark fyrir fólksbíla og 80dB hámark fyrir mótorhjól. Þetta frumvarp veitir löggæslu einfaldlega nýja, sjálfvirka leið til að refsa ökumönnum sem fara yfir hávaðamörk.

Verði frumvarpið samþykkt munu sex borgir í Kaliforníu taka þátt í prufuáætlun sem hefst 1. janúar 2023 og stendur til 31. desember 2027.

Borgirnar myndu fá það sem lýst er sem „hljóðvirku tæki“ sem, samkvæmt frumvarpinu, mun verða virkt „þegar hljóðstigið hefur farið yfir lögleg hljóðmörk og er hannað til að fá skýra mynd af númeraplötu ökutækis.“

Sem betur fer, eins og Autoweek bendir á, verður borgum gert að setja upp skilti sem láta ökumenn vita áður en þeir fara inn á myndavélaeftirlitssvæði. Við fyrsta brotið fær ökumaður áminningu, en endurtekin brot kalla á sekt.

Sveigjanlegt gagnvart ökumönnum

Allt frumvarpið er í raun skrifað til að vera frekar sveigjanlegt gagnvart ökumönnum. Borgir verða að móta greiðsluáætlun fyrir þá sem hafa ekki efni á að greiða sektirnar, með frestunarmöguleikum og undanþágum í boði.

Og peningunum sem myndast vegna þessara hávaðabrotamiða er ætlað að fara í „umferðarróandi ráðstafanir,“ eins og hjólabrautir, upphækkaðar gangbrautir, hringtorg eða hraðahindranir, sem allt gæti orðið til að draga enn frekar úr hávaða ökutækja í hverfum.

Frumvarpið krefst enn undirskriftar Gavin Newsom ríkisstjóra áður en það tekur gildi. Tæknilegum upplýsingum – til dæmis hvernig myndavél getur komist að því hvaða farartæki á fjölmennri götu er uppspretta hávaðans – hefur ekki verið deilt með almenningi.

(fréttir á vef Jalopnik / Autoweek)