Skoda 1203 endurskapaður sem nútíma rafknúinn van

Skoda 1203 endurskapaður sem nútíma rafknúinn van

• Bíllinn lítur út eins og frændi Volkswagen ID. BUZZ

Skoda hefur nýlega kynnt hugmynd að nýrri útgáfu af hinum sérstæða Skoda 1203,s em var frumsýnd upphaflega árið 1968, og sem var hönnuð af hönnuðinum Daniel Hájek.

Nýju myndirnar sýna ferðabíl með „pop top“ þaki sem í orði gæti verið knúinn með hefðbundinni vél eða rafknúinn. Insideevs-vefurinn sem birti þessar myndir giskar á að annar kosturinn sé heppilegri og í rauninni minnir hugmyndin okkur á hinn rafknúna Volkswagen ID. BUZZ.

Það kæmi ekki á óvart ef Skoda myndi kynna eigin útgáfu af ID. BUZZ, þar sem MEB-grunnurinn er aðgengilegur fyrir öll vörumerki innan Volkswagen Group.

Daniel Hájek sagði að ökutæki eins og þetta væri frábært fyrir Skoda vörumerkið í dag, fullkomlega í samræmi við gildi vörumerkisins: „hagkvæmni, mikið innanrými og einfaldlega snjallar lausnir.“

Hönnuðurinn útskýrði einnig að hann vildi ekki gera hugmyndina of augljóslega „gamaldags“.

Að innan er mælaborðið mjög einfalt, með aðeins litlum skjá. Það er engin skjár með upplýsingatækni þar sem framtíðarsýnin er að nota símann eða spjaldtölvuna.

Lýsing hönnuðarins á útkomunni:

„Svo að hjá Daníel fékk hinn nýi 1203 „tvöfaldan topp“, eins og hönnuðurinn lýsir svolítið útstæðum brúnum þaksins og grillinu sem hafa skarpari línur en ávalar línur í frumgerðinni árið 1968. Hann skipti út  láréttu jaðarlínunum í 1203 með „tornado línunni“ sem einkennir ŠKODA bíla nútímans og gáfu sköpun hans mjög uppfært útlit ljósanna. „Ég hugsaði lengi og vandlega um hvernig ætti að vísa til hringlaga ljósa frumgerðarinnar án þess að þau væru of gamalags. Þess vegna er aðeins vísbending um nokkrar sveigjur hér , en annars er hönnun ljósa ný og djörf“, segir Daniel.

Afturhluti ökutækisins var erfiðasti hluti hönnunarinnar hjá Daníel. „Upprunalegi 1203 er tiltölulega mjór. Nútíma bílar eru miklu breiðari og það sem meira var, ég var að reyna að koma með leið til að vísa á framljósin, sem voru þau sömu á 1203 og á 1000 MB, “útskýrir hann. Þannig að sendibíllinn er breikkaður með láréttum línum. Hallandi hliðarnar og tiltölulega mjótt þakið virða mjótt útlitið á gamla 1203“.

(frétt á vef insideevs)