Rafdrifinn ofur Bronco

Ford er reyndar ekki að framleiða radrfina Bronco bíla – að minnsta kosti ekki enn. Hins vegar er möguleiki á að ná sér í rafdrifið tryllitæki í íslensku torfæruna. Gateway Bronco er fyrirtæki sem sérhæfir sig í hágæða klassískum endurgerðum og nýverið kynntu þeir nýja línu rafmagnsgerða.

Þeir bjóða semsagt úrval klassískra endurgerða með nægu afli en menn þurfa að vera vissir um að bankareikningurinn þoli kaupverðið.

Báðir rafdrifnir

Gateway Bronco er með tvær útgáfur í boði, Fuelie Electric og Luxe-GT Electric en sú síðarnefnda er sú á myndunum í þessari grein. Fuelie er með um 320 km. drægni en Luxe gerðin með um 480 km. drægni. Aflið kemur frá 295 hestafla mótor sem Gateway segir að komi tryllitæknu í 100 km/klst. á rétt um 4,7 sekúndum.

Rafhlöður og aflrás eru með sjö ára ábyrgð frá Gateway. Þeir hafa svosem áður fengist við að framleiða rafdrifna Bronco bíla því í fyrra gerðu þeir einn sem gefinn var til góðgerðarmála.

Þessi gamli Bronco situr á splunkunýrri pólýhúðaðri grind að Kincer gerð sem búin er Jri stafrænt stillanlegum höggdeyfum með coil-over gormum. Bíllinn er á 18 tommu felgum með 33 tommu dekkjum.

Þessi Bronco er búinn Wilwood diskabremsum á öllum hjólum. Fastir öxlar bæði að framan og aftan og hefðbundið hátt og lágt drif.

Leður og „viðarklæðning“

Þessi tiltekni Bronco er búinn samskonar leðri og Porsche notar.

Kannski finna menn það þegar þeir hlamma sér ofan í sætið.

Þetta leður er reyndar líka notað á veltigrindinni. Uppfærð hljómtæki, loftkæling, rafdrifnar rúður og jafnvel bakkmyndavél hafa verið sett í bílinn. Svo er gólfið hvorki meira né minna klætt „viði“.