Porsche 911 er arðbærasti nýi bíllinn

Porsche 911 er arðbærasti nýi bíllinn

• Porsche 911 er ekki aðeins mikilvægur fyrir vörumerkið sem ímynd. Hann kemur líka með meiri peninga í kassann en allar aðrar gerðir

Porsche selur nú verulega fleiri jeppa en sportbíla, en 911 er áfram flaggskip vörumerkisins. Burtséð frá stöðu sinni sem ímynd sportbílanna, er „911“ einnig arðbærastur allra nýrra bíla, segir í „Auto Motor und Sport“. Ástæðan fyrir þessu er samsetningin af nægilega mikilli sölu og nægum dýrum aukahlutum sem hægt er að samþætta í framleiðsluna án mikils aukakostnaðar.

Almennt er framlegðin hjá Porsche mikil, framleiðandinn fær meira en 16.000 evrur að meðaltali á ökutæki sín.

Meðal annars hagnast vörumerkið af því að framlegð fyrir úrvalsvörur er almennt hærri en fyrir magnframleiðsluvörumerki. Við þetta bætist stefna fyrirtækisins varðandi aukagreiðslur: Porsche er venjulega eitthvað sérstakt fyrir viðskiptavini, svo að þeir vilja grafa djúpt í vasa sína til að hafa bílana útbúna fyrir sig.

Dæmi: Ef þú sem viðskiptavinur langar til að vera með saumana í sætunum eða áklæðinu í þínum 911 í ákveðnum lit, þá borgarðu aukagjald upp á 3000 evrur. Fyrir Porsche er garnið hvorki sérstaklega dýrt né þarf að breyta framleiðslustöðinni.

Fjölmargar afleiður og sérgerðir

Mörg afbrigði af 911 eins og Targa, Cabrio og Turbo, svo og fjölmargar takmarkaðar sérgerðir eins og 911 R og Carrera T, sem aðdáendur vörumerkisins vilja greiða talsvert aukagjald, eru einnig góð fyrir hagnaðinn. Ólíkt Macan, til dæmis, borgar viðskiptavinur sem kaupir 911 einnig fyrir einkarétt og goðsögn um bílinn sinn. 911 er eftirsótt, eins og sýndi sig árið 2018. Þrátt fyrir að stefndi í nýja gerð á síðasta hausti hækkuðu sölutölur á fyrri helmingi ársins. Hjá sumum öðrum framleiðendum er hið gagnstæða meira raunin, viðskiptavinir bíða eftir nýju gerðinni og eru tregir til að kaupa.

Vörumerkið afhenti 34.800 Porsche 911-bíla á síðasta ári. Ekki mikið í fjölda miðað við 92.055 Cayenne og 99.944 Macan. En sportbílarnir skiluðu miklum peningum, eins og Lutz Meschke, fjármálastjóri, leggur áherslu á.

(Automobilwoche og auto motor und sport).