Polestar 3 er sportjeppinn fyrir rafmagnsöldina

Polestar 3 er sportjeppinn fyrir rafmagnsöldina

• Polestar 3 er fyrsti sportjeppi bílaframleiðandans og fyrsti bíllinn sem fyrirhugað er að framleiða í tveimur heimsálfum
• Einstök hönnunarnálgun innblásin af Polestar Precept fer í framleiðslu
• Rafknúinn 5 sæta sportjeppi með afl allt að 380 kW og 910 Nm
• Ríkulegur staðalbúnaður; Verð er áætlað frá 12.990.000 kr

GAUTABORG, SVÍÞJÓÐ – 12. október 2022. Polestar (Nasdaq: PSNY), sænskur framleiðandi rafbíla með afburða aksturseiginleika, frumsýnir rafmagnsjeppann Polestar 3. Skandinavísk naumhyggja og einfaldleiki vinna saman með lykileiginleikum sportjeppa og skilgreina þannig sportjeppa rafmagnsaldar. Polestar 3 gerir sportjeppann ekki aðeins viðeigandi og ábyrgari, heldur einnig eftirsóknarverðan vegna verðleika sinna.

„Polestar 3 er kraftmikill rafmagnssportjeppi sem höfðar til skilningarvitanna með sérstakri, skandinavískri hönnun og framúrskarandi aksturseiginleikum,“ segir Thomas Ingenlath, forstjóri Polestar.

„Með honum tökum við stórt skref í framleiðslunni þegar Polestar hefur framleiðslu í Bandaríkjunum. Við erum stolt og spennt að stækka vörulínu okkar samfara hröðum vexti.“

Polestar 3 er kynntur með nýrri loftaflfræðilegri hönnun þar sem mikil áhersla hefur verið lögð á að halda jeppaeinkennum, kraftmiklum og sterklegum.

Hönnunin hefur verið unnin með nákvæmri en áhrifaríkri loftaflfræðilegri fínstillingu – sem meðal annars byggir á vindskeið að framan sem er innbyggð í vélarhlífina, vindskeið sem er innbyggð í afturhlera og loftspöðum að aftan.

„Þessi bíll hefur verið hannaður sem Polestar frá upphafi og státar af nýjum hönnunareiginleikum – eins og tvíblaða aðalljósum, SmartZone og vindskeið að framan,“ heldur Thomas Ingenlath áfram.

Sjálfbær efni í innréttingu

Efnin í innréttingu Polestar 3 hafa verið valin vegna sjálfbærs uppruna og tryggja á sama tíma fegurð og áþreifanlegan lúxus.

Þar á meðal er MicroTech sem er lífrænt, dýravelferðarvottað leður og fullkomlega rekjanleg ullaráklæði. Í samræmi við skuldbindingu Polestar um gagnsæi, verður fullkominni lífsferilsgreiningu (LCA) lokið fyrir Polestar 3 þegar framleiðsla hefst.

Lífsferilsgreiningin verður stöðugt í endurskoðun með það að markmiði að finna stöðugt leiðir til að minnka kolefnisspor bílsins.

Polestar 3 er fyrsti bíllinn frá Polestar sem býður upp á miðlæga tölvuvinnslu með NVIDIA DRIVE megintölvunni, sem keyrir hugbúnað frá Volvo Cars. Hún þjónar sem gervigreindarheili, og nýtir NVIDIA tæknigrunninn til að vinna úr gögnum frá mörgum skynjurum og myndavélum bílsins til að gera háþróaða öryggiseiginleika ökumannsaðstoðar og eftirlit með ökumanni kleift.

Fullkomið upplýsinga og afþreyingarkerfi

Upplýsinga- og afþreyingarkerfið er knúið áfram af næstu kynslóð Snapdragon Cockpit Platform frá Qualcomm Technologies, Inc. Sem miðlægur hluti af Snapdragon Digital grunninum – alhliða safni af opnum og skalanlegum skýtengdum bílalausnum – verður Snapdragon Cockpit tæknigrunnurinn notaður til að veita fjölbreytta upplifun í farartækjum með einstakri getu til að miðla háskerpuskjám, hágæða hljóði og óaðfinnanlegum nettengingum um allan bílinn.

Ný kynslóð háþróaðrar öryggistækni

Hjá Volvo Cars er að hefjast nýtt tímabil öryggis, og Polestar 3 nýtur góðs af þessari nýju kynslóð háþróaðrar öryggistækni fyrir árekstraforvarnir og árekstravarnir frá Volvo Cars og verður hluti af DNA bílsins.

Meðal annars á þetta við um einstakar nýjungar – ratsjárskynjun inn í bílnum sem getur greint hreyfingar undir millimetra að lengd sem varnar því að börn eða gæludýr séu skilin eftir fyrir slysni. Kerfið er einnig tengt við loftgæðastýringarkerfið svo forðast megi hitaslag eða ofkælingu.

Samstarf við leiðandi samstarfsaðila í öryggistækni eins og Zenseact, Luminar og Smart Eye, veitir Polestar 3 háþróaða ADAS (Advanced Driver Assistance System) tækni sem samþættist óaðfinnanlega með miðlægri tölvu.

Polestar 3 er með alls fimm ratsjár, fimm ytri myndavélar og tólf ytri úthljóðsskynjara til að styðja við fjölmarga háþróaða öryggiseiginleika.

SmartZone fyrir neðan vindskeiðina heldur um nokkra framvísandi skynjara, upphitaða ratsjá og myndavél, og verður nú hönnunareinkenni Polestar.

Að innan eru tvær ökumannsvöktunarmyndavélar í lokuðu kerfi og sem færa leiðandi augnmælingartækni frá Smart Eye til Polestar í fyrsta skipti, með það að markmiði að gera aksturinn öruggari. Myndavélarnar fylgjast með augum ökumanns og geta kallað fram viðvörunarskilaboð, hljóð og jafnvel neyðarstöðvunaraðgerð þegar ökumaður er greindur annars hugar, syfjaður eða óvirkur.

Android Automotive OS er stýrikerfið í bílnum, þróað í samvinnu við Google og með 14,5 tommu miðjuskjá að framan. Þetta er áframhald tækninnar sem fyrst var hleypt af stokkunum í Polestar 2 – fyrsta bílnum í heiminum með innbyggt Google – og bylting í virkni og hönnun fyrir flokk stórra jeppa. Uppfærslur yfir netið (OTA) eru innifaldar til að gera kleifar stöðugar umbætur á hugbúnaði og kynna nýja eiginleika án þess að þurfa að heimsækja þjónustuverkstæði.

Fjórhjóladrifinn með tveimur rafmótorum

Polestar 3 kemur á markað fjórhjóladrifinn með tveimur rafmótorum með áherslu á aukna aflstýringu til afturhjólanna. Bíllinn skilar samtals 360 kW og 840 Nm togi. Með valfrjálsum Performance pakka er heildaraflið 380 kW og 910 Nm. Eins fetils akstur er staðalbúnaður, auk rafknúinnar Torque Vectoring tvíkúplingar á afturás – framþróun á því sem fyrst var þróað fyrir Polestar 1. Aftenging á aftari rafmótor er möguleg þegar það hentar við ákveðnar aðstæður sem gerir bílnum kleift að keyra aðeins á frammótor til að spara orku.

Háþróuð undirvagnsstýring er með tveggja hólfa loftfjöðrun sem staðalbúnað, sem gerir Polestar 3 kleift að aðlaga fjöðrun milli mýkri og stífra fjöðrunareiginleika og getur bíllinn stillt virkan demparahraða rafrænt einu sinni á tveggja millisekúndna fresti (500 Hz).

„Markmið okkar var að bjóða upp á afköst og nákvæmni sem skilgreina alla Polestar bíla, án þess að skerða þægindi daglegs aksturs,“ segir Joakim Rydholm, yfirverkfræðingur undirvagnshönnunar Polestar. „Til að gera þetta notuðum við nýja íhluti eins og aðlagandi loftfjöðrun til að móta „Polestar tilfinninguna“ fyrir þessa tegund bíla.“

Allt að 610 km drægni

111 kWst rafhlaða gefur Polestar 3 mikið akstursdrægi allt að 610 km samkvæmt WLTP (bráðabirgðaniðurstöður). Liþíum-íon rafhlaðan státar af “prismatic” hönnun á sellum í álhylki tmeð boron stálstyrkingu til hlífðar og vökvakælingu.

Varmadæla er staðalbúnaður sem hjálpar Polestar 3 að nýta umhverfishita til að rafhlaðan sé alltaf undirbúin gagnvart hitabreytingum.

Polestar 3 er einnig útbúinn fyrir tvíátta (bi-directional) hleðslu, sem gerir bílinn klárann í framtíðinni til að geta hlaðið orku til baka inn á raforkunetið og fyrir sjálfvirka tengingu og hleðslu (plug-and-charge).

Eins og á við um Polestar 2 er Polestar 3 með ríkulegum staðalbúnaði og því minni þörf á sérpöntun aukabúnaðar en það einfaldar pöntunar- og framleiðsluferlið. Allar útgáfur eru með loftfjöðrun, stóru glerþaki í fullri lengd, alhliða LED lýsingu að innan sem utan, útdraganlegum hurðarhandföngum með nálægðarskynjun og 21 tommu álfelgum.

Plus pakki og Pilot pakki eru staðalbúnaður í fyrstu árgerð og innihalda marga hágæða, lúxus og þægindaeiginleika eins og 25 hátalara hljóðkerfi frá Bowers & Wilkins með 3D umgerð hljóði og Dolby Atmos möguleika, mjúklokandi hurðum, framrúðuskjá og Pilot Assist.

Hægt að panta bílinn á öðrum ársfjórðungi 2023

Hægt er að panta frá öðrum ársfjórðungi 2023, valfrjálst, Pilot pakka með LiDAR frá Luminar sem mun bæta viðbótarstýringu frá NVIDIA, þremur myndavélum, fjórum úthljóðsskynjurum og hreinsun fyrir fram- og baksýnismyndavélar, sem veitir nákvæm rauntíma gögn um umhverfi bílsins sérstaklega á langdrægu sviði.

Þetta gerir aukna þrívíddarskönnun á umhverfi bílsins ítarlegri og hjálpar til við að undirbúa bílinn fyrir sjálfvirkan akstur.

Valfrjáls Performance pakki skerpir aksturseiginleika enn frekar og inniheldur hámarksafl og togafköst (380 kW og 910 Nm), ásamt því að fínstilla loftfjöðrun, einstakar 22 tommu álfelgur og “sænsku gyllinguna“.

Polestar 3 er fyrsti bíllinn sem kynntur er á nýjum rafmagns undirvagni sem þróaður er af og deilt með Volvo Cars.

Áætlað er að framleiðsla fyrir fyrstu markaði hefjist í verksmiðju Volvo Cars í Chengdu, Kína, frá miðju ári 2023, en fyrstu afhendingar eru væntanlegar á fjórða ársfjórðungi 2023.

Einnig framleiddur í Bandaríkjunum frá 2024

Gert er ráð fyrir að framleiðsla í verksmiðju Volvo Cars í Ridgeville í Suður-Karólínu í Bandaríkjunum hefjist um mitt ár 2024 – frá þeim tímapunkti er áætlað að framleiðsla fyrir Norður-Ameríku og aðra markaði fari frá Kína til Bandaríkjanna.

Gert er ráð fyrir fyrstu afhendingum frá þessari verksmiðju um mitt ár 2024.

Við frumsýningu er Polestar 3 Long range Dula motor (360 kW, 840 Nm) fáanlegur á kynningarverði 12.990.000 kr.

Pantanir hefjast á netinu frá 12. október 2022 á öllum upphafsmörkuðum og búnaðar og tækniupplýsingar eru til reiðu á Polestar.com/polestar-3.

Vídeó frá frumsýningu Polestar 3

Polestar 3 helstu tölur:

• Long range Dual motor
• Kynningarverð: 12.990.000 kr
• Plus Pack: Innifalinn
• Pilot Pack: Innifalinn
• Pilot Pack með LiDAR: Aukabúnaður, væntanlegur til pöntunar frá 2 ársfj. 2023
• Performance Pack: 1.000.000 kr
• Afl: 360 kW (380 kW með Performance Pack)
• Tog: 840 Nm (910 Nm með Performance Pack)
• 0-100 km/klst (markmið): 5,0 sekúndur (4,7 með Performance Pack)
• Hámarkshraði: 210 km/klst
• Drifrafhlöðustærð (Hámark): 111 kWst
• Rafhlöðugerð: 400V liþíum-íon
• Rafhlöðuhönnun: 204 prismatic selldur, 17 módúlar, álhylki til hlífðar
• Drægni (áætluð, markmið): Allt að 610 km (WLTP)
• Gerð rafmótors: „Permanent magnet synchronous motors“
• Fjöldi rafmótora: Tveir, framan og aftan
• Torque vectoring: Tvíkúpling (aðeins á afturmótor)
• Skipting: Eins hraða
• Loftmótstaða: 0,29 Cd
• Niðurdrag: 0,78 CdA
• Hleðslugeta (DC): Allt að 250 kW
• Hleðslugeta (AC): Allt að 11 kW
• Hjólabil: 2,985 mm
• Lengd: 4,900 mm
• Hæð: 1,614 mm
• Breidd með speglum: 2,120 mm
• Hæð undir lægsta punkt: 201 mm
• Eigin þyngd: 2,584-2,670 kg
• Þyngdardreifing: 50:50
• Dráttargeta (hemlað): 2,200 kg
• Undirvagnsgerð: Sjálfberandi
• Yfirbygging: Stál
• Felgur og hjólbarðar: 21-22 tommur
• Hemlar: Brembo 4-stimpla, 400 mm boraðir og loftkældir diskar (framan)
• Eins-stimpla, 390 mm loftkældir diskar (aftan)
• Snúningsradíus: 11,8 m
• Fjöðrun: Tvöfaldar klofspyrnur (framan)
• Fjölliðafjöðrun (Integral link) (aftan)
• Fjölliðafjöðrun (Integral link) (aftan)
• Höggdeyfar: Aðlaganlegir, sjálf-aðlaganlegir, tvíhólfa fjöðrun með ZF virkum dempurum
• Framskott: 32 lítrar
• Farangursrými aftan (sætisbök upprétt): 484 lítrar (þar af 90 lítrar undir gólfi)
• Farangursrými aftan (sætisbök niðri): 1,411 lítrar (þar af 90 lítrar undir gólfi)
• Burðargeta þaks: 100 kg.

Athugasemdir:

Verð á Íslandi er áætlað og miðast við núverandi gjaldastefnu stjórnvalda og er háð því hvernig gjaldastefnan verður þegar bílarnir koma til landsins.

Endanlegar orkunotkunartölur og drægnitölur verða gefa upp á árinu 2023.

Væntanlegir markaðir í upphafslotu:

Upphafsmarkaðir með afhendingar áætlaðar á fjórða ársfjórðungi 2023: Bandaríkin, Evrópa og Kína

Markaðir í annarri kynningarlotu með afhendingar áætlaðar árið 2024 (Nákvæmari tímasetning liggur ekki fyrir): Asíulönd við Kyrrahaf, Miðausturlönd