Mjög sjaldgæfur 1937 Bugatti fannst í bílskúr

Mjög sjaldgæfur 1937 Bugatti fannst í bílskúr

• Mjög sjaldgæfur 1930 Bugatti fannst í bílskúr og búist er við að muni ná allt að 860 til 1200 milljónum króna á uppboði

Sjaldgæfur 1937 Bugatti Type 57S, sem uppgötvaðist í breskum bílskúr, verður boðinn upp í næsta mánuði með verðmati á bilinu 5 til 7 milljóna punda.

Hinn „framúrskarandi“ Bugatti er í „óvenju sjaldgæfu ástandi“ og er seldur af uppboðshúsi Bonhams í London eftir að hann fannst í bílskúr látins eiganda bílsins, verkfræðingsins og bílaáhugamannsins Bill Turnbull, í enska héraðinu Staffordshire, sagði uppboðshúsið.

Turnbull, sem var upprunalega frá Nýja-Sjálandi, keypti bifreiðina af fyrri eiganda árið 1969 og lagði þá af stað í kyrrþey við að endurgera bílinn.

Í næstu fimm áratugi var þessi Bugatti síður en svo gleymdur. Við andlát Turnbull árið 2020 var endurbyggingarverkefninu næstum lokið.

Talandi um þýðingu þess sagði Sholto Gilbertson, forstjóri Bonhams uppboðshússins, við CNN að á þeim tíma sem þeir voru fyrst þróaðir væri Bugatti Type 57S „fullkomin bíll … þess tíma.“

„Þegar þeir komu út voru þeir í raun hraðskreiðasti og einn einstakasti bíllinn sem þú gast keypt,“ sagði hann.

„En þeir smíðuðu ekki marga þeirra og flestir þeirra eru núna hjá helstu söfnurum eða söfnum á heimsvísu. Þessi hefur legið ófundinn í yfir 50 ár,” bætti hann við.

„Þetta gæti vel verið síðasti „falinn“ Bugatti frá því fyrir stríð,“ bætti hann við.

Einn mest heillandi eiginleiki bílsins, að mati Bonhams, er að talið er að undirvagn bílsins hafi fyrst verið framleiddur fyrir hinn Grand Prix-verðlaunaða Bugatti Type 57G kappakstursbíll – þar af aðeins þrír voru gerðir.

Talsmaður uppboðshússins skýrði frá því að bifreiðin hefði verið smíðuð utan um undirvagninn, sem í meginatriðum hefði verið endurunninn af Bugatti.

„Þannig að þetta er ekki aðeins týndur bíll af tegund 57S heldur er það einn undirvagninn sem vantaði sem voru mjög mikilvægir á þessum tíma,“ sagði Gilbertson.

Bíllinn er boðinn í „óvenju sjaldgæfu ástandi,“ sagði uppboðshúsið Bonhams.

Bugatti-bíllinn á að fara á uppboð hjá Bonhams í London 19. febrúar.

(frétt á vef CNN).