Hvað er rétt og ekki rétt?

Hvað er rétt og ekki rétt?

Nokkrar sögur úr bílaheiminum – og hvers vegna þær eru rangar

Á síðustu öld og fjórðungi núverandi aldar hafa bifreiðar flækst inn í vef ósanninda og hálfsannleika.

Í bílgreininni fara stundum, líkt og í öðrum iðnaði, af stað sögur um að eitt og annað sé á ákveðinn veg, en þegar betur er að gáð þá reynist þetta stundum vera svolítið öðruvísi.

Samkvæmt bílavefsíðunni Autocar væri gaman að geta andmælt þeim öllum, en því miður er það ekki þannig. Hins vegar getum við fjallað aðeins nánar um þær. Í þeim anda eru hér nokkrar slíkar sögur sem við gætum trúað að séu sannar, ásamt ástæðunum fyrir því að þær eru það ekki:

Fjöldaframleiðsla: goðsögnin

Oft er vitnað í Model T Ford (efni annarrar goðsögu sem við munum koma að innan skamms) sem fyrsti fjöldaframleiddi bíllinn.

Þetta virðist alveg geta verið satt, vegna þess að Ford smíðai gífurlegan fjölda af bílum – yfir 15 milljónir á meira en 18 árum, sem hélst met þar til Volkswagen gerði betur loksins árið 1972.

Eins og við munum sjá, er það ekki sami hluturinn að virðast skynsamleg saga og að hún sé sönn.

Fjöldaframleiðsla: sannleikurinn

Það eru engin rök fyrir því að Ford hafi verið fyrsti framleiðandinn til að smíða bíla á hreyfanlegu færibandi.

Hins vegar var Oldsmobile Curved Dash frá 1901-1907 (formlega þekktur sem Model R) settur saman með skiptanlegum hlutum nokkrum árum áður en Model T kom til sögunnar.

Í þessu tilviki var færibandið það sem við gætum í dag kallað „sýndar“. Sagt er að Curved Dash-bílar hafi verið fluttir um verksmiðjuna á vögnum nokkrum sinnum á meðan á ferlinu stóð.

Aðrir keppinautar koma við sögu þegar við tökum ekki fjöldaframleiðslu eins alvarlega.

Daimler heldur því fram að Benz Velo hafi verið fyrsti stórframleiðslubíllinn vegna þess að meira en 1200 bifreiðar voru smíðaðar á árunum 1894 til 1902 – merkilegt átak fyrir þann tíma.

Model T Ford: goðsögnin

Í sjálfsævisögu sinni My Life and Work frá 1922 skrifaði Henry Ford (1863-1947) að hann upplýsti starfsmenn sína um þá ákvörðun sína að einbeita sér að aðeins einu farartæki – Model T – og bætti við: “Hver viðskiptavinur getur látið mála bíl í hvaða lit sem er sem hann vill svo lengi sem það er svart.”

Þar sem nærri öld er liðin frá því að þetta á að hafa gerst er auðvelt að taka söguna sem sannleika.

Ein algeng skýring á því er sú að svört málning þornaði fljótast eftir að búði var að mála bílinn.

Eftir að hafa lesið þetta langt gætirðu grunað að hlutirnir séu ekki eins og þeir virðast. Og þú hefðir rétt fyrir þér.

Model T Ford: sannleikurinn

Ford hélt því fram að hann hafi gefið út tilkynningu sína árið 1909. Þetta er ólíklegt, að hluta til vegna þess að Model T fór í framleiðslu árið 1908, og að hluta til vegna þess að svartur var alls ekki fáanlegur fyrstu sex árin.

Samkvæmt yfirgripsmikilli rannsókn á Model T hjá sagnfræðingnum Dr Trent Boggess, voru allir bílarnir sem smíðaðir voru seint á árinu 1914 og sumarið 1925 (u.þ.b. 11,5 milljónir af þeim rúmlega 15 milljónum sem framleiddar voru) sannarlega svartir. Aðrir litir voru teknir upp aftur fyrir síðustu ár framleiðslunnar.

Það tók um fjóra daga að setja á og þurrka hin ýmsu lög af svörtu. Sprautumálun hafði ekkert með það að gera, því Ford notaði þá aðferð ekki fyrr en árið 1926.

Til samanburðar má segja að flestir Model T-bílar hafi verið svartir, en ósatt hafi þeir allir verið það.

Toyota Corolla: goðsögnin

Toyota Corolla er stundum nefndur mest seldi bíll heims. Í fljótu bragði er það ekki einu sinni nálægt sannleikanum.

Toyota greindi frá því í ágúst 2021 að sala á Corolla hefði farið yfir 50 milljónir eintaka. Sú tala er að minnsta kosti tíu milljónum hærri en samanlagður heildarfjöldi tveggja fyrri methafa, Volkswagen Beetle og Model T Ford.

En það fer allt eftir því hvernig þú lítur á þetta. Og ef rétt er skoðað verður sagan allt önnur.

Toyota Corolla: sannleikurinn

Það er engin ástæða til að efast um fullyrðingu Toyota eins og hún liggur fyrir, en hvernig skilgreinir þú hvað Corolla er í raun og veru?

Það er örugglega ekki ein gerð.

Corolla-bílar hafa verið smíðaðir síðan 1966 yfir 12 kynslóðir.

Þeir elstu og nýjustu líkjast ekkert hvort öðrum, fyrir utan nöfnin.

Aftur á móti þróuðust Model T og Beetle (Bjallan) mjög hægt í gegnum framleiðslulífið.

Það er ekki þar með sagt að hægt væri að skipta hlutum á milli gerða sem eru smíðaðar með áratuga millibili (a.m.k. í tilviki VW) en það væri rétt að tala um þá báða sem einstakar gerðir.

Ekki svo með Corolluna. Hins vegar er Corolla óumdeilanlega mest selda bílamerki heims.

Það er þess virði að fagna, jafnvel þótt það sé ekki það sama og að vera mest seldi bíllinn.

Volkswagen Beetle (Bjallan): goðsögnin

Fyrsta gerð Volkswagen var jafnframt langlífasta, vinsælasta og mest selda til þessa.

Bíllinn var hugsaður af Adolf Hitler til að sjá um flutninga fyrir venjulega Þjóðverja á þriðja áratugnum, bíllinn fór í fulla framleiðslu eftir seinni heimsstyrjöldina, þróaði gríðarlegan aðdáendahóp og það var enn verið að smíða hann í Mexíkó svo seint sem 2003.

Árið 1999 var hann kosinn fjórði í keppninni Bíll aldarinnar, á eftir Model T Ford, Mini og Citroen DS en á undan Porsche 911.

Hann hét auðvitað Beetle eða „Bjallan). Það vita allir. Er það ekki?

Volkswagen Beetle: sannleikurinn

Reyndar var opinbera nafnið á bílnum „Type 1“. Gerðarnöfn, þar á meðal 1200, 1302 og 1500, vísuðu meira og minna til stærðar vélarinnar.

Snemma fóru Þjóðverjar að kalla bílinn „Käfer“, sem þýðir „bjalla“, vegna lögunarinnar.

Nafnið var tekið upp af enskumælandi mönnum, sem einnig kölluðu hann Bug sem samsvarar „bjöllu“

Volkswagen notaði ekki hinsvegar ekki „Beetle“ nafnið fyrr en 1997, og það var fyrir aðra kynslóð framhjóladrifna gerðarinnar sem hafði engin tengsl við upprunalega bílinn nema óljóst útlit.

(byggt að hluta á grein á vef Autocar)