Hrikalega ljótur eða fáranlega flottur?
Nafnið er svo sem ekkert spennandi en það skiptir engu máli þegar varan er svona fáránlega flott, er sagt um þennan nýja furðulega rafmagnsbíl.
![](https://uploads-ssl.webflow.com/5d7552387a6dfa8251256682/5fa998cad2d175ac4a170352_com-4x4-double-cabin-front.png)
Bíllinn sem kallast eBussy er byggður úr einingum sem mynda fjölbreytt úrval bíla með hagnýtt notagildi.
![](https://uploads-ssl.webflow.com/5d7552387a6dfa8251256682/5fa998d31246d78491bf780f_ebussy_basis-bus.png)
eBussy er að hluta til í blæjudeildinni en einnig í húsbílabransanum. Electric Brands sem er framleiðandi bílsins sjá fyrir sér grunn sem passar fyrir nokkrar gerðir bíla. Tveggja til fjögurra dyra pallbíla og allt þar á milli.
Skrítinn bíll?
Hugmyndin að þessum bíl minnir óneitanlega á þegar Bjallan kom til sögunnar en hönnun hennar var sem kalt vatn í andlit bílaframleiðenda. VW notaði einmitt sama grunninn fyrir fleiri gerðir sem í daglegu tali var kölluð “skelin” en breytti síðan því sem kom ofan á skelina eins og þeim datt í hug. Þannig gat VW boðið upp á sportara, fólksbíla og sendibíla – alla byggða ofan á sömu skelina.
![](https://uploads-ssl.webflow.com/5d7552387a6dfa8251256682/5fa998df3554346ee53b1073_eBussy_Camper_Interior_001.png)
Til viðbótar mun Electric Brands bjóða upp á fjórhjóladrifs útgáfu sem situr hærra á vegi og með stærri hjólbörðum – nokkurskonar Offroad bíll eða það sem við myndum í daglegu tali kalla jeppling.
![](https://uploads-ssl.webflow.com/5d7552387a6dfa8251256682/5fa998e70173065d1df543cb_eBussy_Camper_Interior_004.png)
Drífur örugglega eitthvað
Allar útgáfur eru með fullkomnu fjórhjóladrifi og beygjum á öllum hjólum. Bíllinn verður með sólar rafhlöðueiningum ásamt því að hlaða umframorku þegar dregið er úr hraða.
![](https://uploads-ssl.webflow.com/5d7552387a6dfa8251256682/5fa998f11246d768c2bf792c_ebussy_offroad-camper-rear.png)
![](https://uploads-ssl.webflow.com/5d7552387a6dfa8251256682/5fa998fbae41f57eeb1aa0d9_Koffer-Offroad-Kasten-front.png)
Aflið ekki á hreinu
Fréttir herma að bíllinn verði um 367 sm. að lengd. Í ljósi þess má ætla að bíllinn gæti borið rafhlöðupakka upp á 10-30 kWh. Giskað er á að þyngdin verði undir 500 kg. Að því sögðu mætti ætla að hægt yrði að aka bílnum á bilinu 200 til 600 km. sem er reyndar fáránlega breitt akstursbil. Það gæti svo breyst eftir því hvernig bíllinn verður endanlega. Þess ber að geta að Evrópskt mat á drægni og því Bandaríska er talsvert langt frá hvort öðru.
Það verður einhver mótor
Ekki liggur fyrir hverskonar mótor verður í eBussy en menn eru að spá og spekúlera. Reiknað er með að bíllinn verði meira í áttina að burðardýri en spyrnubíl. Aflið sem vitnað er í er um 20 hestöfl en það liggur ekki fyrir hvort það er heildarafl eða afl út í hvert hjól.
![](https://uploads-ssl.webflow.com/5d7552387a6dfa8251256682/5fa999077eb41a0108e0233b_ebussy_basis-bus-front.png)
Togið sem er rætt um er áætlað um 1000 Nm og væntanlega er það tog út í hjól en ekki mótor.
![](https://uploads-ssl.webflow.com/5d7552387a6dfa8251256682/5fa99916b9e58c4b6a939671_eBussy_Camper_Exterior_003.png)
Er þetta næsta Rúgbrauð?
Við erum að tala um 3 milljónir sirka. En palanið er að byrja að afhenda einhvern tímann á næsta ári. Útgáfan sem hefur vakið hvað mesta athygli er húsbíllinn og verður athyglivert að sjá hvort hann verður kannski næsta Rúgbrauð!
(byggt á grein Autoblog).
Umræður um þessa grein